Gwefan llywodraeth y DU

Pa dystysgrifau sydd ar gael?

Mae pob tystysgrif yn gopi union o'r cofnod llawn a wnaethpwyd adeg yr enedigaeth, y briodas neu'r farwolaeth. Yr eithriad i hyn yw'r 'dystysgrif geni fer', sy'n ddetholiad o'r cofnod llawn, ac yn cynnwys yr enw, y dyddiad geni a'r rhyw.

Gallwch ddefnyddio'r taflenni cymorth isod fel canllaw i'r wybodaeth y gallech ei gweld ar dystysgrif.

• Download taflen gymorth 'Tystysgrif Geni' (PDF, 151K)

• Download taflen gymorth 'Tystysgrif Priodas' (PDF, 185K)

• Download taflen gymorth 'Tystysgrif Marwolaeth' (PDF, 156K)

• Cymorth gyda ffeiliau PDF

Sut mae archebu tystysgrifau

Gallwch archebu tystysgrif ar-lein gan y Swyddfa Gofrestru Gyffredinol, neu dros y ffôn neu drwy'r post gan y swyddfa gofrestru leol yn ardal y digwyddiad.

Gellir darparu copïau ychwanegol o'r un dystysgrif yr un pryd ar gyfer pob cais, am dâl o £7.00.

• Chwilio am eich swyddfa gofrestru leol Opens new window

Archebu tystysgrifau ar-lein

Gallwch archebu tystysgrifau geni (tystysgrifau llawn yn un unig), tystysgrifau priodas a thystysgrifau marwolaeth o 1837 ymlaen ar-lein os oes gennych gyfeirnod mynegai'r Swyddfa Gofrestru Gyffredinol. Os nad yw'r cyfeirnod gennych, gallwch archebu tystysgrifau ar gyfer digwyddiadau o 1900 ymlaen os gwyddoch union ddyddiad y digwyddiad.

Gallwch gael mwy o wybodaeth am ddefnyddio cyfeirnod mynegai'r Swyddfa Gofrestru Gyffredinol yn yr erthygl isod.

Gellir darparu copïau ychwanegol o'r un dystysgrif yr un pryd ar gyfer pob cais, am dâl o £7.00.

• Defnyddio'r Swyddfa Gofrestru Gyffredinol i ymchwilio i hanes eich teulu

• Archebu tystysgrifau ar-lein Opens new window

Gwasanaeth Safonol

Os byddwch yn darparu cyfeirnod mynegai'r dystysgrif, caiff y dystysgrif ei hanfon atoch o fewn pedwar diwrnod gwaith. Heb y cyfeirnod, caiff ei hanfon atoch o fewn 15 diwrnod gwaith.

• tystysgrif lawn, gyda'r cyfeirnod mynegai - £7.00
• tystysgrif lawn, heb y cyfeirnod mynegai - £10.00

Gwasanaeth Blaenoriaethol

Os archebwch erbyn 4.00 pm ar ddiwrnod gwaith, caiff eich tystysgrif ei hanfon atoch y diwrnod gwaith nesaf drwy’r post Dosbarth Cyntaf. Os hoffech ddefnyddio dewisiadau drefn Cludiant Arbennig, rhaid archebu dros y ffôn ar 0845 603 7788.

• tystysgrif lawn, gyda'r cyfeirnod mynegai - £23.00
• tystysgrif lawn, heb y cyfeirnod mynegai - £26.00

Archebu tystysgrifau dros y ffôn neu drwy'r post

Ffôn

Gallwch archebu tystysgrifau geni, priodas neu farwolaeth dros y ffôn o'r Swyddfa Gofrestru Gyffredinol neu gallwch gysylltu â'r swyddfa gofrestru leol yn ardal y digwyddiad.

Ffoniwch +44 (0) 845 603 7788, o ddydd Llun i ddydd Gwener rhwng 8.00 am ac 8.00 pm, neu ddydd Sadwrn rhwng 9.00 am a 4.00 pm. Mae'r Swyddfa Gofrestru Gyffredinol yn derbyn Visa, Visa Electron, Mastercard, Solo, Visa Debit neu Maestro.

• Chwilio am eich swyddfa gofrestru leol Opens new window

Post

Gallwch archebu tystysgrifau geni, priodas a marwolaeth drwy'r post, ond bydd angen ffurflen gais arnoch yn gyntaf.

I ofyn am y ffurflen gallwch anfon e-bost i:

certificate.services@ips.gsi.gov.uk

Bydd angen i chi roi GQ yn llinell pwnc eich e-bost i sicrhau eich bod yn cael ateb personol i'ch ymholiad.

Neu, gallwch ffonio:

+44 (0) 845 603 7788, o ddydd Llun i ddydd Gwener rhwng 8.00 am ac 8.00 pm, neu ddydd Sadwrn rhwng 9.00 am a 4.00 pm

Nodwch pa ffurflen y mae ei hangen arnoch - geni, marwolaeth neu briodas - a faint o gopïau, a chofiwch gynnwys eich enw a'ch cyfeiriad.

Anfonwch y ffurflen wedi'i llenwi, gyda'r taliad cywir drwy siec, archeb bost neu gerdyn credyd, i'r Swyddfa Gofrestru Gyffredinol / General Register Office, PO Box 2, Southport, Merseyside, PR8 2JD.

Dylech wneud sieciau neu archebion post yn daladwy i 'IPS' (Gwasanaeth Hunaniaeth a Phasbortau).

Peidiwch ag anfon eich cais drwy ffacs nac anfon llungopi ohono.

Archebu drwy'r post neu dros y ffôn - beth yw'r gost?

Gwasanaeth Safonol

Os byddwch yn darparu cyfeirnod mynegai'r dystysgrif, caiff y dystysgrif ei hanfon atoch o fewn pedwar diwrnod gwaith. Heb y cyfeirnod, caiff ei hanfon atoch o fewn 15 diwrnod gwaith.

• tystysgrif fer (tystysgrif geni yn unig), gyda chyfeirnod mynegai - £8.50
• tystysgrif fer (tystysgrif geni yn unig), heb gyfeirnod mynegai - £11.50
• tystysgrif lawn, gyda'r cyfeirnod mynegai - £8.50
• tystysgrif lawn, heb y cyfeirnod mynegai - £11.50

Gwasanaeth Blaenoriaethol

Os archebwch erbyn 4.00 pm ar ddiwrnod gwaith, caiff eich tystysgrif ei hanfon atoch y diwrnod gwaith nesaf drwy’r post Dosbarth Cyntaf. Dim ond am archebion dros y ffôn y mae dewisiadau drefn Cludiant Arbennig ar gael.

• tystysgrif fer (tystysgrif geni yn unig), gyda chyfeirnod mynegai - £24.50
• tystysgrif fer (tystysgrif geni yn unig), heb gyfeirnod mynegai - £27.50
• tystysgrif lawn, gyda'r cyfeirnod mynegai - £24.50
• tystysgrif lawn, heb y cyfeirnod mynegai - £27.50

Ar gyfer digwyddiadau yn yr Alban neu yng Ngogledd Iwerddon

Gallwch gysylltu â'r Swyddfa Gofrestru Gyffredinol berthnasol gan ddefnyddio'r dolenni isod.

• Swyddfa Gofrestru Gyffredinol yr Alban Opens new window

• Swyddfa Gofrestru Gyffredinol Gogledd Iwerddon Opens new window