Gwefan llywodraeth y DU

Archebu tystysgrifau gan ddefnyddio 'cyfeirnodau mynegai' y Swyddfa Gofrestru Gyffredinol

Mae gan bob genedigaeth, achos o fabwysiadu, partneriaeth sifil neu farwolaeth a gofrestrir yng Nghymru neu yn Lloegr gyfeirnod mynegai'r Swyddfa Gofrestru Gyffredinol. Fel arfer bydd yn cynnwys blwyddyn, rhifyn, rhif y dudalen a'r rhanbarth y cofrestrwyd y digwyddiad.

Wrth archebu tystysgrif geni, mabwysiadu, priodi, partneriaeth sifil neu farwolaeth, mae nodi cyfeirnod mynegai'r dystysgrif yn lleihau'r amser y mae'n ei gymryd i ddod o hyd i'r cofnod a'r ffi y byddwch yn ei thalu.

Deall cyfeirnod mynegai'r Swyddfa Gofrestru Gyffredinol

O 1837 i 1984, caiff yr wybodaeth am fynegai bob blwyddyn ei rhannu i chwarteri. Caiff y chwarteri eu rhannu fel a ganlyn:

• Chwarter mis Mawrth - digwyddiadau a gofrestrwyd ym mis Ionawr, Chwefror a Mawrth
• Chwarter mis Mehefin - Ebrill, Mai a Mehefin
• Chwarter mis Medi - Gorffennaf, Awst a Medi
• Chwarter mis Rhagfyr - Hydref, Tachwedd a Rhagfyr

Y mynegai cynharaf yw chwarter mis Medi 1837. Ar ôl 1984, caiff y mynegeion eu trefnu yn ôl blwyddyn yn unig.

Caiff y mynegeion eu trefnu yn nhrefn y flwyddyn, ac ym mhob chwarter neu flwyddyn caiff y cofnodion eu rhestru yn nhrefn yr wyddor yn ôl cyfenw, ac yna yn ôl enw cyntaf.

I chwilio drwy gofnodion priodas, gallwch ddefnyddio naill ai cyfenw'r dyn priod, neu gyfenw cyn priodi'r fenyw briod.

Mae cofnodion achosion o fabwysiadu yn dechrau o 1927, a chânt eu rhestru yn nhrefn yr wyddor yn ôl cyfenw ac yna yn ôl enw cyntaf.

Bydd cofnodion partneriaeth sifil yn dechrau o fis Rhagfyr 2005 a chânt eu rhestru yn ôl cyfenw, ynghyd â chyfenw'r partner, y flwyddyn y ffurfiwyd y bartneriaeth, yr awdurdod cofrestru a rhif cofrestru'r cofnod.

Pa wybodaeth mae'r mynegai yn ei chynnwys?

Mae gwybodaeth mynegai'n amrywio gan ddibynnu ar y math o ddigwyddiad a'r flwyddyn y cafodd ei gofrestru. I gael mwy o fanylion defnyddiwch y ddolen isod i'r tabl 'Gwybodaeth am fynegai'. Mae'r tabl yn rhestru'r wybodaeth a gofnodir yn y mynegai ar gyfer y flwyddyn rydych yn chwilio amdani.

• Download 'Mynegai o Wybodaeth am Sir' oddi ar y we (PDF, 55K)

• Cymorth gyda ffeiliau PDF

Gweld mynegeion y Swyddfa Gofrestru Gyffredinol

Gallwch weld mynegeion y Swyddfa Gofrestru Gyffredinol ar-lein drwy amrywiol fudiadau a gwefannau arbenigol, neu gallwch weld y mynegeion mewn llyfrgell neu swyddfa yn eich ardal chi.

• Archifau Cenedlaethol Opens new window

Gweld y mynegeion ar-lein

I weld y mynegeion ar-lein, ewch ar un o'r gwefannau canlynol:

Nodwch efallai y bydd rhai o'r gwefannau hyn yn codi tâl arnoch am ddefnyddio eu gwasanaethau

• FreeBMD Opens new window

• findmypast.co.uk Opens new window

• BMD Index Opens new window

• Familyrelatives.com Opens new window

• thegenealogist.co.uk Opens new window

• ukbmd.org.uk Opens new window

• Ancestry.co.uk Opens new window

Gweld y mynegeion yn eich ardal chi

Gellir cael rhai mynegeion hefyd, er nad ydynt yn gyflawn, mewn lleoliadau eraill gan gynnwys llyfrgelloedd, cymdeithasau achau teuluoedd, neu gan swyddogion cofnodion lleol.

I gael yr wybodaeth ddiweddaraf am yr wybodaeth sydd ar gael yn eich ardal chi, cysylltwch â'r llyfrgell neu'r swyddfa dan sylw drwy edrych ar y PDF isod.

Mae'r Swyddfa Gofrestru Gyffredinol yn gwneud popeth o fewn ei gallu i sicrhau bod ei gwybodaeth am fynegai yn gywir ac yn gyfreithiol, ond ni all warantu hyn ym mhob achos – caiff rhai cofnodion eu cymryd o ddeunydd archifol ac mae ansawdd y gwaith atgynhyrchu'n amrywio.

• Download lle gallwch weld mynegeion y Swyddfa Gofrestru Gyffredinol yn eich ardal chi oddi ar y we (PDF, 102K)

• Cymorth gyda ffeiliau PDF

A oes angen cymorth arnoch wrth ddehongli eich cyfeirnod mynegai?

Caiff holl fynegeion y Swyddfa Gofrestru Gyffredinol eu cadw ar ficro-lun. Os bydd angen cymorth arnoch i ddarllen y cofnod neu'r micro-lun, cysylltwch â'r Swyddfa Gofrestru Gyffredinol yn un o'r ffyrdd canlynol:

• Drwy'r post: Contact Centre, GRO, PO Box 2, Southport, Merseyside PR8 2JD
• Dros y ffôn: +44 (0)845 603 7788 - o ddydd Llun i ddydd Gwener rhwng 8am a 8pm a dydd Sadwrn rhwng 9am a 4pm
• unclearfiche@ips.gsi.gov.uk

Cysylltir â chi o fewn un diwrnod gwaith i gael eich cais. Nodwch fod y Swyddfa Gofrestru Gyffredinol yn darllen yr wybodaeth sydd ar gael yn y mynegeion, ond ni all gadarnhau ai dyma'r cofnod cywir.

Mathau eraill o gymorth sydd ar gael

Efallai y bydd y dogfennau canlynol o gymorth ichi er mwyn deall eich cyfeirnod. Maent yn rhoi manylion am y rhanbarth cofrestru ac am rifyn yr wybodaeth. Ni chodir tâl am ddefnyddio'r cyfeirnodau hyn.

• Download 'District Book' (PDF, 805K)

• Download 'Abolished List' (PDF, 79K)

• Cymorth gyda ffeiliau PDF

Ar gyfer digwyddiadau yn yr Alban neu yng Ngogledd Iwerddon

Gallwch gysylltu â'r Swyddfa Gofrestru Gyffredinol berthnasol gan ddefnyddio'r dolenni isod.

• Swyddfa Gofrestru Gyffredinol yr Alban Opens new window

• Swyddfa Gofrestru Gyffredinol Gogledd Iwerddon Opens new window