Gwefan llywodraeth y DU

Dyledion personol sy'n ddyledus i'r sawl a fu farw

Os oedd arian yn ddyledus i'r sawl a fu farw (er enghraifft, am rywbeth yr oedden nhw wedi'i werthu i rywun) a bod cytundeb ysgrifenedig, mae'n bosib y gall yr ysgutor ar ran yr ystâd fynnu bod hwn yn cael ei dalu. Fodd bynnag, os mai trefniant anffurfiol oedd dan sylw, fe all hyn fod yn anodd ei brofi, a go brin y bydd modd adfer y ddyled.

Os rhoddwyd benthyg yr arian i rywun ar sail anffurfiol cyn iddyn nhw farw - hynny yw heb drwydded gan y Swyddfa Masnachu Teg i ddarparu credyd - does dim rhwymedigaeth gyfreithiol ar y sawl sydd wedi cael benthyg yr arian i'w dalu'n ôl.

Os ydych chi'n ei chael hi'n anodd adfer dyled bersonol sy'n ddyledus i rywun a fu farw, dylech geisio cyngor cyfreithiol annibynnol (ewch i 'ble i gael help a chyngor').

Dyledion busnes sy'n ddyledus i'r sawl a fu farw

Mae'r sefyllfa gyfreithiol gyda golwg ar ddyledion busnes sy'n ddyledus i'r sawl a fu farw - gan gynnwys cytundebau rhent a hur bwrcas - yn dibynnu ar ai ym mherchnogaeth unigolyn, partneriaeth ynteu gwmni y mae'r busnes. Gall cael trefn ar ddyledion busnes fod yn gymhleth, felly mae'n bwysig cael cyngor cyfreithiol (ewch i 'ble i gael help a chyngor').

• Pan fydd partner busnes yn marw Opens new window

• Dod o hyd i gyfreithiwr Opens new window

Ble i gael help a chyngor

Mae cyngor annibynnol am adfer dyledion ar gael am ddim gan nifer o gyrff megis Cyngor ar Bopeth (CAB), Age Concern a'r Gwasanaeth Cyfreithiol Cymunedol (GCC).

• Dod o hyd i'ch CAB lleol (yn agor ffenestr newydd) Opens new window

• Dod o hyd i'ch canolfan Age Concern leol Opens new window

• Cael gwybodaeth gyfreithiol am ddim gan y GCC Opens new window

Mwy o ddolenni defnyddiol

• Cyngor am ddelio ag ystâd rhywun gan Age Concern Opens new window

• Ochr ariannol ymarferol profedigaeth Opens new window