Gwefan llywodraeth y DU

Defnyddio eich sgiliau trosglwyddadwy

Dyma'r sgiliau rydych wedi'u casglu mewn unrhyw swyddi neu weithgareddau y gallwch eu cymhwyso i swyddi eraill. Gallwch ddatblygu sgiliau drwy bob math o weithgareddau, er enghraifft:

• swyddi
• prosiectau
• gwaith gwirfoddol
• hobïau
• chwaraeon

Gall y sgiliau hyn gynnwys y canlynol:

• cyfathrebu – gallu cyfathrebu drwy siarad, yn ysgrifenedig, neu drwy e-bost, yn y ffordd gywir ar gyfer y gynulleidfa
• gwaith tîm – bod yn aelod adeiladol o dîm, gan gyfrannu'n ymarferol at lwyddiant y tîm
• arweiniad - ysgogi ac annog eraill, tra'n arwain
• blaengar - gweld cyfleoedd a gosod a chyflawni nodau
• datrys problemau - meddwl pethau drwodd mewn ffordd ymarferol neu greadigol i weithio allan y problemau pwysicaf
• hyblygrwydd a’r gallu addasu – newid ac addasu i sefyllfaoedd newydd
• bod yn hunanymwybodol – adnabod eich cryfderau a'ch sgiliau a chael yr hyder i'w cyfleu
• ymrwymiad a chymhelliant – cael ynni a brwdfrydedd wrth weithredu prosiectau
• sgiliau rhyngbersonol - cysylltu'n dda ag eraill a sefydlu cydberthnasau gwaith da
• rhifedd – deall a defnyddio gwybodaeth fel rhifau, ystadegau a graffiau
  

Nodi’r sgiliau sydd eisoes gennych

Os byddwch yn meddwl am swyddi, hobïau a gweithgareddau eraill a oedd gennych yn y gorffennol, mae eisoes gennych sgiliau trosglwyddadwy defnyddiol fel:

• sgiliau gwaith tîm a chyfathrebu da o weithio mewn swyddfa fel rhan o dîm
• sgiliau menter ac arwain wrth redeg Clwb Brownies yn eich amser rhydd
  

Gall weithiau fod yn galed nodi eich cryfderau eich hun. Os ydych yn cael budd-dal oedran gweithio, gall cyfweliad gydag ymgynghorydd y Ganolfan Byd Gwaith helpu. Mae budd-daliadau oedran gweithio yn cynnwys:

• Lwfans Ceisio Gwaith
• Lwfans Cyflogaeth a Chymorth
• Cymhorthdal Incwm

Bydd ymgynghorydd yn gwybod am sefydliadau eraill a allai eich helpu i nodi ac ennill y sgiliau sydd eu hangen arnoch. Gallwch hefyd ofyn i ffrindiau a pherthnasau i helpu adnabod eich cryfderau sydd hefyd yn sgiliau trosglwyddadwy.

• Cysylltu â’r Ganolfan Byd Gwaith

Os nad ydych yn cael budd-dal oedran gweithio, mae Gyrfa Cymru yn rhoi cyngor a gwybodaeth ar ddysgu a hyfforddiant. Yn Lloegr, cysylltwch â Next Step ac yn yr Alban cysylltwch â Skills Development Scotland.

• Next Step yn Lloegr Opens new window

• Gyrfa Cymru Opens new window

• Skills Development Scotland Opens new window

Nodi sgiliau y bydd eu hangen arnoch yn y dyfodol

Mae ffyrdd o ddatblygu'r sgiliau sydd eu hangen arnoch er mwyn i chi gyrraedd lle rydych chi eisiau bod. Mae angen i chi benderfynu pa fath o swydd rydych ei heisiau, er enghraifft lletygarwch. Gwnewch rywfaint o ymchwil i'r sgiliau a'r profiad sydd eu hangen ar gyfer y swyddi hyn fel arfer. Cymharwch y rhain gyda'r sgiliau trosglwyddadwy sydd gennych eisoes i ddod o hyd i unrhyw fylchau.

Datblygu sgiliau trosglwyddadwy newydd

Gallwch ddatblygu sgiliau newydd mewn amryw ffyrdd. Efallai y byddwch eisiau ystyried:

• gwneud rhywfaint o waith gwirfoddol
• cymryd rhan mewn hobi, pwyllgor neu grŵp
• gwneud rhywfaint o waith rhan amser
• cofrestru gydag asiantaeth recriwtio a gwneud rhywfaint o waith dros dro
• mynd ar gwrs hyfforddi

Gall y gweithgareddau hyn roi hwb i'ch hunan hyder a'ch bywyd cymdeithasol hefyd.

Mae nifer o’r cyflogwyr mae’r Ganolfan Byd Gwaith yn gweithio gyda, fel y rhai sy’n rhan o’r Partneriaethau Cyflogaeth Lleol, hefyd eisiau eich helpu i ddatblygu eich sgiliau ar gyfer gwaith. Efallai y gallant gynnig cyfleoedd i chi fel cael eich mentora gan eu cyflogeion a hyfforddiant cyn i chi ddechrau gweithio.

Gall ymgynghorydd Canolfan Byd Gwaith ddweud wrthych pa gyfleoedd sydd ar gael yn eich ardal chi.

• Cysylltu â’r Ganolfan Byd Gwaith

• Gwella eich sgiliau: dechrau arni (adran addysg a dysgu)

Defnyddio eich sgiliau trosglwyddadwy wrth wneud cais am swydd

Os ydych yn gwneud cais am fath swydd nad ydych wedi ei gwneud o'r blaen, gall sgiliau trosglwyddadwy eich helpu i ddangos i gyflogwr bod gennych y sgiliau cywir ar gyfer y swydd.

Enghraifft

Gadewch i ni dybio bod gennych sgiliau switsfwrdd a theipio, ond nad ydych wedi cael cyswllt â chwsmeriaid yn eich swyddi blaenorol. Am y tair blynedd diwethaf, rydych wedi bod yn gynrychiolydd clwb Nadolig lleol. Rydych yn helpu pobl i gynilo yn ystod y flwyddyn, er mwyn iddynt allu talu'r costau ychwanegol dros y Nadolig. Golyga hyn eich bod wedi magu hyder wrth siarad â chwsmeriaid wyneb yn wyneb, gan ateb cwestiynau dros y ffôn a delio â chwynion.

Dangos eich sgiliau trosglwyddadwy

Mae’n rhaid i chi ddangos i gyflogwr posibl fod y sgiliau sydd gennych y sgiliau cywir ar gyfer y swydd. Bydd y cyswllt isod yn dangos i chi sut i gyflwyno’r wybodaeth i roi’r cyfle gorau i chi.

• Sut i arddangos eich sgiliau trosglwyddadwy

Gallwch hefyd lawrlwytho dalen ffeithiau 'Gwnewch y gorau o’ch sgiliau’ y Ganolfan Byd Gwaith isod.

• Lawrlwytho ‘Gwnewch y gorau o’ch sgiliau' (PDF, 201K) Opens new window

• Cymorth gyda ffeiliau PDF