Gwefan llywodraeth y DU

Beth sydd gennych i’w gynnig

Dechreuwch drwy ofyn i'ch hun pa sgiliau a phrofiadau sydd gennych. Meddyliwch am y sgiliau y gwnaethoch eu datblygu mewn swyddi rydych wedi eu cael yn y gorffennol ac yn eich bywyd y tu allan i'r gwaith.

Sgiliau a phrofiadau gwaith

Gofynnwch y cwestiynau canlynol i chi’ch hun i feddwl am y sgiliau rydych wedi’u datblygu, yn cynnwys y rhai rydych wedi’u meithrin mewn swyddi rydych wedi’u cael o’r blaen:

• a ddatblygoch unrhyw sgiliau a fydd yn ddefnyddiol yn y swydd rwyf yn chwilio amdani?
• a ydych wedi gweithio fel rhan o dîm?
• oedd angen i chi rannu gwybodaeth gydag eraill?
• a oeddech yn dilyn neu’n rhoi cyfarwyddiadau yn dda?
• a ydych yn un da am gadw amser?
• oes gennych sgiliau Technoleg Gwybodaeth?
• a gawsoch unrhyw gymwysterau?
• a gawsoch eich canmol am unrhyw ran o’ch swydd?

Sgiliau personol a chymdeithasol

Gofynnwch y cwestiynau canlynol i chi’ch hun am eich bywyd y tu allan i’r gwaith:

• ydych chi’n dod ymlaen yn dda gyda phobl?
• ydych chi ar bwyllgor lleol neu’n aelod o sefydliad cymunedol?
• ydych chi’n rhan o dîm (er enghraifft, tîm chwaraeon neu gwis)?
• oes gennych sgiliau gofalu am eich teulu (er enghraifft, sgiliau trefnu)?
• ydych chi wedi gwneud unrhyw waith gwirfoddol?
• ydych chi wedi bod i unrhyw ddosbarthiadau nos neu hyfforddiant?

• Rhowch gynnig ar y Cwis Hunanasesiad i Geiswyr Gwaith – mwy o wybodaeth ar sut y gallech wella eich chwiliad gwaith Opens new window

Ble i chwilio am swyddi

Mae yna nifer o ffyrdd y gallwch chwilio am swyddi:

• drwy’r Ganolfan Byd Gwaith
• drwy’r papurau newydd
• ar y rhyngrwyd
• cofrestru gydag asiantaethau recriwtio
• mewn cylchgronau masnach
• drwy ffrindiau a phobl eraill rydych yn eu hadnabod

Am ragor o wybodaeth am ble i chwilio am swyddi, dilynwch y cyswllt isod.

• Ble i chwilio am swyddi

• Dod o hyd i swydd nawr Opens new window