Gwefan llywodraeth y DU

Dewis cartref gofal

Mae gennych chi hawl i ddewis eich cartref gofal. Gall gymryd amser i ddod o hyd i un sy'n iawn i chi. Dylech wneud yn siŵr bod y cartref gofal a ddewiswch yn cynnig y cyfleusterau, yr offer a'r staff gyda'r hyfforddiant priodol i fodloni'ch anghenion.

Mae pob cyngor lleol yn pennu symiau y bydd yn eu talu fel arfer ar gyfer rhywun sydd ag anghenion asesedig fel eich rhai chi. Os oes arnoch eisiau symud i gartref gofal drutach, efallai y bydd angen i chi dalu'r gwahaniaeth.

• Dewis cartref gofal (adran iechyd a lles)

Mathau o gartrefi gofal

Ceir gwahanol fathau o gartrefi gofal. Bydd rhai yn cynnig gofal nyrsio amser llawn, ac eraill yn cefnogi pobl gydag angen meddygol neu anabledd penodol.

Os ydych yn derbyn triniaeth reolaidd ar hyn o bryd gan nyrs gymwysedig, efallai y bydd arnoch angen cartref gofal gyda nyrsio. Bydd eich nyrs ardal neu staff yr ysbyty yn gallu eich helpu i benderfynu.

• Mathau o gartrefi gofal (adran iechyd a lles)

Talu'r gost

Mae ffioedd cartrefi gofal yn peri pryder i lawer o bobl. Gall cartrefi gofal sy'n darparu gwasanaethau a chyfleusterau sy'n briodol ar gyfer anableddau penodol fod yn ddrud.

Bydd gweithwyr proffesiynol ym maes iechyd a gofal yn asesu'ch anghenion ac yn eich helpu i ddod o hyd i gartref gofal a fydd yn diwallu'r anghenion hynny.

Byddant wedyn yn cynnal asesiad ariannol i ganfod faint y gallwch fforddio ei gyfrannu tuag at y costau. Ar hyn o bryd, os oes gennych dros £22,250 o gyfalaf, bydd yr asesiad yn nodi y byddwch yn gallu talu cost eich gofal yn llawn.

• Talu ffioedd eich cartref gofal (adran iechyd a lles)

Cyfnodau dros dro mewn cartref gofal

Efallai y byddwch yn dewis aros dros dro mewn cartref gofal er mwyn gwella o salwch neu i roi egwyl i chi a'ch gofalwr. Dylech hefyd allu aros dros dro am gyfnod prawf i weld a ydy'r cartref gofal yn addas ar eich cyfer. Mae rhai pobl hefyd yn mynd i gartrefi gofal am ofal dydd.

• Aros dros dro mewn cartref gofal (adran y cartref a'r gymuned - cyffredinol)

Cyfnodau dros dro mewn cartref gofal

Efallai y byddwch yn dewis aros dros dro mewn cartref gofal er mwyn gwella o salwch neu i roi egwyl i chi ac i'ch gofalwr.

Dylech hefyd allu aros dros dro am gyfnod prawf i weld a ydy'r cartref gofal yn addas ar eich cyfer. Bydd rhai pobl hefyd yn mynd i gartrefi gofal i gael gofal dydd.

• Cartrefi gofal a budd-daliadau (adran iechyd a lles)

Cartrefi gofal ac ysbytai

Mae rhai pobl yn symud i gartref gofal yn uniongyrchol o'r ysbyty - os ydynt newydd ddod yn anabl efallai. Ni ellir eich rhyddhau o ysbyty i gartref gofal heb eich caniatâd ac mae gennych hawl i ddewis eich cartref gofal.

Efallai y bydd yn angenrheidiol i chi aros yn yr ysbyty tra byddwch yn byw mewn cartref gofal.

• Cartrefi gofal ac ysbytai (adran iechyd a lles)

Safonau cartrefi gofal

Y rheolydd annibynnol iechyd a gofal cymdeithasol yn Lloegr yw’r Comisiwn Safon Gofal. Mae'n rheoleiddio ac yn arolygu gwasanaethau iechyd a gofal cymdeithasol i oedolion, gan gynnwys cartrefi gofal. Mae hefyd yn amddiffyn hawliau pobl sy'n cael eu cadw dan y Ddeddf Iechyd Meddwl.

Pan fyddwch yn symud i gartref gofal, dylech gael gwybod am y drefn gwyno. Os oes gennych unrhyw broblemau, gallwch gwyno'n uniongyrchol wrth y cartref gofal neu gwyno wrth y Comisiwn Safon Gofal.

• Safonau cartrefi gofal a sut i gwyno

• Gwefan y Comisiwn Safon Gofal Opens new window