Gwefan llywodraeth y DU

Pam y dedfrydir cyfnod yn y ddalfa i berson ifanc?

Os ydych o dan 18 oed ac yn cael eich dyfarnu'n euog o drosedd, gallech gael dedfryd sy'n golygu y cewch eich rhoi dan glo - dedfryd 'yn y ddalfa'. Gall y llys roi'r math hwn o ddedfryd:

Rhestrir y mathau gwahanol o ddedfrydau yn y ddalfa yn yr adrannau isod.

Os cewch eich dyfarnu'n euog o drosedd lai difrifol, neu eich trosedd gyntaf, efallai y cewch ddedfryd gymunedol.

I gael gwybod mwy, dilynwch y ddolen 'Dedfrydau cymunedol ar gyfer pobl ifanc' isod.

• Dedfrydau cymunedol ar gyfer pobl ifanc

• Sut y penderfynir ar ddedfrydau ar gyfer pobl ifanc

• Pobl ifanc a'r ddalfa

Gorchymyn Cadw a Hyfforddiant

Gellir rhoi Gorchymyn Cadw a Hyfforddiant i chi os ydych rhwng 12 a 17 oed. Gall hyd y ddedfryd fod rhwng pedwar mis a dwy flynedd.

Os rhoddir Gorchymyn Cadw a Hyfforddiant i chi, byddwch yn bwrw'r ddedfryd mewn dwy ran:

• caiff hanner gyntaf y ddedfryd ei bwrw yn y ddalfa
• caiff yr ail hanner ei bwrw yn y gymuned

Felly er enghraifft, os rhoddir Gorchymyn Cadw a Hyfforddiant i chi am flwyddyn, byddwch yn:

• treulio chwe mis yn y ddalfa
• treulio chwe mis o dan oruchwyliaeth yn y gymuned wedyn

Beth fydd yn digwydd yn ystod eich dedfryd

Rhoddir cynllun manwl i chi am yr hyn fydd yn digwydd yn ystod eich dedfryd, a beth fydd yn rhaid i chi ei wneud. Gelwir hwn yn Gynllun Hyfforddiant a Goruchwyliaeth.

Yn ystod eich amser yn y ddalfa, byddwch yn cwblhau cyrsiau hyfforddi neu addysg i wella eich sgiliau. Efallai y bydd yn rhaid i chi gwblhau rhaglenni sy'n eich helpu i wella eich ymddygiad hefyd. I gael mwy o wybodaeth, dilynwch y ddolen 'Pobl ifanc a'r ddalfa' isod.

Yn ystod y rhan o'r ddedfryd yn y gymuned, cewch eich goruchwylio gan y tîm troseddau ieuenctid lleol. I gael gwybod beth mae cael eich goruchwylio yn ei olygu, dilynwch y ddolen 'Pobl ifanc: beth fydd yn digwydd pan fyddwch yn bwrw dedfryd gymunedol' isod.

• Pobl ifanc: beth fydd yn digwydd pan fyddwch yn bwrw dedfryd gymunedol

• Timau troseddau ieuenctid: beth ydynt

• Pobl ifanc a'r ddalfa

• Sut y gall pobl ifanc gael cyngor a chymorth pan fyddant yn y ddalfa

Dedfrydau ar gyfer y troseddau mwyaf difrifol

Mae rhai dedfrydau y gallwch eu cael am y troseddau mwyaf difrifol, fel llofruddiaeth neu drais rhywiol. Dim ond Llys y Goron all rhoi'r rhain.

Dedfrydau ar gyfer llofruddiaeth

Os cewch eich dyfarnu'n euog o lofruddiaeth, rhoddir dedfryd 'Adran 90' i chi.

Bydd y llys yn pennu'r cyfnod gofynnol y byddwch yn ei dreulio yn y ddalfa, ac ni fyddwch yn gallu gwneud cais am barôl cyn diwedd y cyfnod hwn.

Dim ond pan fo'r Bwrdd Parôl o'r farn nad oes risg fawr y byddwch yn cyflawni trosedd arall y cewch eich rhyddhau.

Pan gewch eich rhyddhau, cewch eich cadw dan oruchwyliaeth am weddill eich oes.

Dedfrydau ar gyfer troseddau difrifol eraill

Os cewch eich dyfarnu'n euog o drosedd ddifrifol nad yw'n llofruddiaeth, gallech gael dedfryd 'Adran 91'.

Os bydd y llys yn rhoi'r ddedfryd hon i chi, byddwch yn treulio'r cyfnod cyfan yn y ddalfa.

Bydd y llys yn penderfynu pa mor hir fydd y ddedfryd. Gallai fod yn unrhyw beth hyd at yr uchafswm ar gyfer oedolion am yr un drosedd. Mae hyn yn golygu os gall oedolyn gael pum mlynedd am yr un drosedd, ni all y llys eich dedfrydu am fwy na phum mlynedd.

Fodd bynnag, weithiau gall hyd y ddedfryd fod am oes.

Dedfrydau ar gyfer troseddau treisgar neu rywiol

Ar gyfer troseddau difrifol iawn - rhai treisgar neu rywiol fel arfer - gellir rhoi dedfryd 'Adran 226' neu 'Adran 228' i chi hefyd. Gallwch hefyd gael y dedfrydau hyn os bydd y llys yn penderfynu bod angen diogelu'r cyhoedd.

Gelwir y rhain yn 'ddedfrydau estynedig' a gallent olygu eich bod yn treulio cyfnod hir yn y ddalfa.

Hyd yn oed pan gewch eich rhyddhau, byddwch dan oruchwyliaeth fanwl am gyfnod hir.

• Pobl ifanc a'r ddalfa

• Pobl ifanc: mynd i'r llys ar ôl cael eich cyhuddo o drosedd

• Sut mae gwrandawiadau'r Bwrdd Parôl yn gweithio (adran trosedd a chyfiawnder)

Cysylltiadau o ran help a chyngor

Gallwch gael cyngor annibynnol am ddim ar ddedfrydu a'r ddalfa gan y sefydliadau a restrir isod.

• Ymddiriedolaeth Diwygio'r Carchardai Opens new window

• Howard League for Penal Reform Opens new window

• Cymdeithas y Plant Opens new window