Gwefan llywodraeth y DU

Pam y rhoddir dedfryd gymunedol i berson ifanc?

Os ydych o dan 18 oed ac yn cael eich dyfarnu'n euog o drosedd gyntaf neu fân drosedd, bydd y llys yn rhoi dedfryd gymunedol i chi.

Mae dedfrydau cymunedol:

Bydd y math o ddedfryd gymunedol a gewch yn dibynnu ar y canlynol:

Os byddwch yn pledio'n euog, mae cerydd, rhybudd terfynol neu Orchymyn Ymddygiad Gwrthgymdeithasol (ASBO) yn fathau eraill o gosbau.

Darllenwch fwy am y rhain drwy ddilyn y ddolen 'Beth all ddigwydd hyd yn oed os na chaiff person ifanc ei gyhuddo o drosedd' isod.

• Beth all ddigwydd hyd yn oed os na chaiff person ifanc ei gyhuddo o drosedd

• Sut y penderfynir ar ddedfrydau ar gyfer pobl ifanc

• Pobl ifanc: mynd i'r llys ar ôl cael eich cyhuddo o drosedd

Troseddau difrifol

Os byddwch yn cael eich dyfarnu'n euog o drosedd ddifrifol - fel ymosodiad - efallai y rhoddir dedfryd i chi y byddwch yn ei bwrw yn y ddalfa.

• Dedfrydau yn y ddalfa ar gyfer pobl ifanc

Mathau o ddedfrydau cymunedol i bobl ifanc

Mae pedair prif ddedfryd gymunedol y gall y llys eu rhoi i chi.

Dirwyon

Gallwch gael dirwy am fân droseddau, fel peidio â thalu am docyn trên.

Os ydych o dan 16 oed, mae'n rhaid i'ch rhieni/gofalwyr dalu'r ddirwy.Bydd y llys yn ystyried beth y gallant ei fforddio pan fydd yn penderfynu faint yw'r ddirwy.

Os ydych yn 17 neu’n hŷn, bydd yn rhaid i chi dalu'r ddirwy. Bydd maint y ddirwy yn dibynnu ar ba mor ddifrifol oedd eich trosedd, a faint y gallwch ei dalu.

Gallwch ddarllen mwy drwy ddilyn y ddolen 'Dirwyon llys' isod.

Gorchmynion cyfeirio

Os mai hon yw eich trosedd gyntaf a'ch bod yn pledio'n euog, gallech gael gorchymyn cyfeirio.

Mae hyn yn golygu y cewch eich anfon i banel troseddau ieuenctid, a fydd yn penderfynu ar ddedfryd a fydd yn eich helpu i beidio â chyflawni trosedd eto. Bydd y panel yn cynnwys dau wirfoddolwr o'ch cymuned leol ac aelod o'r tîm troseddau ieuenctid.

Byddwch chi a'ch rhieni neu'ch gofalwyr yn cymryd rhan yn y broses o gytuno ar y ddedfryd.

Weithiau bydd y dioddefwr yn cymryd rhan hefyd, os yw'n addas.

Fel rhan o'r ddedfryd, bydd yn rhaid i chi wneud iawn am y niwed rydych wedi'i achosi.

Bydd y ddedfryd hon yn para rhwng tri a 12 mis.

Gorchmynion gwneud iawn

Os rhoddir gorchymyn gwneud iawn i chi, byddwch yn gwneud iawn am y niwed a achoswyd gan eich trosedd. Er enghraifft, efallai y bydd y llys yn gorchymyn i chi:

• atgyweirio unrhyw ddifrod i eiddo'r dioddefwr
• cael gwared ar unrhyw graffiti o adeiladau sy'n eiddo i'r cyhoedd
• cymryd rhan mewn sesiwn 'cyfryngu' gyda'r dioddefwr - mae hyn yn golygu y byddwch yn cyfarfod â'r dioddefwr o bosibl ac yn ymddiheuro iddo

Bydd fel arfer yn cymryd 24 awr i gwblhau Gorchymyn Gwneud Iawn, dros ychydig ddiwrnodau.

Y Gorchymyn Adsefydlu Ieuenctid

Mae Gorchymyn Adsefydlu Ieuenctid yn cynnwys pethau gwahanol y mae'n rhaid i chi eu gwneud neu na chaniateir i chi eu gwneud. Bydd y llys yn penderfynu ar y rhain.

Gall y gorchymyn bara am hyd at dair blynedd.

Mae pob Gorchymyn Adsefydlu Ieuenctid yn wahanol a bydd yn adlewyrchu'r math o drosedd rydych wedi'i chyflawni ac unrhyw anghenion a allai fod gennych, fel help gyda phroblem iechyd.

Felly, er enghraifft, efallai y bydd yn rhaid i chi:

• fod gartref erbyn amser penodol bob dydd ('cyrffyw')
• cadw i ffwrdd o leoedd penodol ('gwaharddiad')
• cael eich profi am gyffuriau yn rheolaidd
• cael triniaeth am ddibyniaeth ar gyffuriau

Os byddwch yn mynd yn groes i ofynion Gorchymyn Adsefydlu Ieuenctid, gallech orfod mynd i'r ddalfa.

• Pobl ifanc: beth fydd yn digwydd pan fyddwch yn bwrw dedfryd gymunedol

• Timau troseddau ieuenctid: beth ydynt

• Dirwyon llys (adran trosedd a chyfiawnder)

Dedfrydau eraill y gall y llys eu rhoi

Yn ogystal â phethau fel dirwyon a gorchmynion cyfeirio, mae dedfrydau eraill y gall y llys eu rhoi.

Rhyddhad

Ar gyfer mân droseddau, os byddwch yn cael eich dyfarnu'n euog neu'n cyfaddef eich bod yn euog, gallai'r llys eich 'rhyddhau'. Mae hyn yn digwydd pan fydd y llys yn penderfynu bod y profiad o gael eich arestio a mynd i'r llys yn ddigon o gosb.

Mae dau fath o ryddhad:

• rhyddhad diamod - ni chymerir camau pellach, a chewch eich rhyddhau
• rhyddhad amodol - ni chymerir camau pellach oni bai eich bod yn troseddu eto o fewn cyfnod penodol o amser

Gorchmynion sy'n cynnwys eich rhieni

Os byddwch yn mynd i drafferth am driwantiaeth neu droseddau eraill, gall y cyngor lleol neu'r heddlu ofyn am gymorth eich rhieni neu'ch gofalwyr. Gellir gwneud hyn drwy roi cyrffyw plant lleol neu orchymyn diogelwch plant.

Gellir rhoi gorchymyn i rieni hefyd i fod yn gyfrifol am ymddygiad eu plant, a gall olygu bod yn rhaid iddynt fynd ar raglen sgiliau rhianta.

• Beth all ddigwydd i chi os bydd eich plentyn yn mynd i drafferth gyda'r heddlu (adran rhieni)