Gwefan llywodraeth y DU

Pobl ifanc a'r ddalfa

Os ydych o dan 18 oed ac yn cael dedfryd o gyfnod yn y ddalfa, cewch eich anfon i un o'r canlynol:

• cartref plant diogel
• canolfan hyfforddi ddiogel
• sefydliad troseddwyr ifanc

Mae'r canolfannau diogel hyn yn wahanol iawn i'r carchardai i oedolion. I ddarllen mwy, dilynwch y ddolen 'Pobl ifanc a'r ddalfa' isod.

• Pobl ifanc a'r ddalfa

Gwasanaethau eiriolaeth

Mae 'eiriolaeth' yn golygu siarad drosoch chi eich hun neu gael rhywun i wneud hyn ar eich rhan. Yn y ddalfa, gallwch ofyn i wasanaeth eiriolaeth am help:

• os ydych yn teimlo na allwch siarad drosoch chi eich hun
• os nad ydych yn deall rhywbeth
• os na allwch gyfleu eich hun yn dda

Caiff gwasanaethau eiriolaeth eu rhedeg gan elusennau plant ac maent yn gyfrinachol. Gallant eich helpu gydag unrhyw broblemau sydd gennych, a rhoi gwybodaeth a chyngor i chi.

Mae eiriolwyr yn ymweld â chanolfannau'n rheolaidd, a gallwch gyfarfod â hwy pan fyddant yn ymweld.

Gallwch eu ffonio hefyd - gweler y tabl isod. Os ydych mewn cartref plant diogel, mae'r rhifau ffôn yn wahanol, felly bydd yn rhaid i chi ofyn i aelod o staff am y rhif.

• Pobl ifanc a'r ddalfa

• Voice - sefydliad eiriolaeth plant Opens new window

• Barnardo's Opens new window

Cymorth sydd ar gael gan staff

Os hoffech, gallwch hefyd siarad ag aelod o staff yn y ganolfan ddiogel. Gallai'r rhain gynnwys:

• eich swyddog personol
• caplan
• gweithiwr cymdeithasol
• meddyg, nyrs neu weithiwr iechyd arall
• athro neu gynorthwy-ydd addysgu

Eich swyddog personol yw'r unigolyn sy'n gofalu am eich lles tra byddwch yn y ganolfan ddiogel. Byddwch yn cyfarfod â'r swyddog hwn o fewn eich ychydig ddiwrnodau cyntaf a bydd ar gael am sgwrs pryd bynnag fo'i hangen arnoch.

Mae caplaniaid yn rhoi cymorth moesol ac ysbrydol i bawb yn y ganolfan ddiogel, waeth beth fo'u ffydd. Ond gallwch hefyd ofyn am gael siarad â chaplan eich ffydd eich hun os hoffech wneud hynny.

Mae gan lawer o ganolfannau diogel weithwyr cymdeithasol llawn amser a all helpu gyda phob math o broblemau.

Hefyd, mae nyrsys, meddygon a gweithwyr iechyd eraill ar gael i helpu gydag unrhyw broblemau meddygol sydd gennych. Gall athrawon a chynorthwywyr addysgu'r ganolfan helpu gyda'ch addysg a'ch dysgu.

Cofiwch y dylai fod rhywun ar gael bob amser i siarad â chi. Os nad ydych yn gwybod pwy i ofyn iddo, siaradwch â'r unigolyn rydych yn teimlo'n fwyaf cyfforddus ag ef. Bydd yn gwybod pwy yw'r unigolyn addas a all eich helpu.

• Pobl ifanc a'r ddalfa

Cymorth gan y tîm troseddau ieuenctid

Bydd rhywun o'r tîm troseddau ieuenctid lleol wedi cysylltu â chi ers i chi fod yn y llys, os nad cyn hynny. Bydd yn parhau i gysylltu â chi pan fyddwch yn y ddalfa, a gallwch gysylltu â'r unigolyn hwn pryd bynnag y byddwch ei angen.

• Timau troseddau ieuenctid: beth ydynt

Cymorth gan eich teulu

Gall cadw mewn cysylltiad â'ch teulu fod yn bwysig iawn, a byddwch yn gallu cysylltu â nhw'n rheolaidd. Gallwch hefyd ofyn am i ymweliadau gael eu trefnu iddynt.

• Ymweld â phobl ifanc yn y ddalfa

Sefydliadau eraill a all helpu

Gallwch gael help a chyngor ar fod yn y ddalfa gan y sefydliadau isod.

Ymddiriedolaeth Diwygio'r Carchardai

Mae'n rhoi cyngor i bawb sydd yn y ddalfa, ond ni all roi cyngor cyfreithiol.

Rhadffon 0808 802 0060 (dydd Llun rhwng 3.30 pm a 7.30 pm, dydd Mawrth a dydd Iau rhwng 3.30 pm a 5.30 pm).

• Ymddiriedolaeth Diwygio'r Carchardai Opens new window

The Howard League

Os ydych o dan 18 oed ac yn y ddalfa, efallai y gall yr Howard League gynnig cyngor a help cyfreithiol i chi gyda'ch achos.

Rhadffon 0808 801 0308 (dydd Mawrth a dydd Mercher rhwng 11.00 am a 5.00 pm, dydd Iau rhwng 11.00 am a 7.00 pm).

• Gwefan The Howard League Opens new window

Nacro

Mae'n rhoi gwybodaeth a chyngor ar adsefydlu ar gyfer troseddwyr ifanc a'u teuluoedd.

Rhadffon 0800 0181 259 (o ddydd Llun i ddydd Gwener rhwng 9.00 am a 5.00 pm). Gall ffrindiau a theulu ffonio 020 7840 6464 (o ddydd Llun i ddydd Gwener rhwng 9.00 am a 5.00 pm).

• Nacro Opens new window