Gwefan llywodraeth y DU

Cael manylion teithwyr ymlaen llaw

Am resymau diogelwch, erbyn hyn, mae'r Unol Daleithiau, y rhan fwyaf o Wladwriaethau'r Undeb Ewropeaidd, a gwledydd eraill yn gofyn i gwmnïau hedfan ddarparu manylion am eu teithwyr cyn y daith. Gelwir hyn yn Fanylion Teithwyr Ymlaen Llaw (API).

Mae gofynion API yn amrywio o un wlad i'r llall. Bydd eich cwmni hedfan yn rhoi gwybod i chi beth mae arnynt ei angen gennych. Fel arfer, byddant yn gofyn i chi ddarparu’r manylion hyn pan fyddwch yn archebu’r tocyn neu’n cofrestru. Cysylltwch â’ch cwmni hedfan os oes gennych unrhyw gwestiynau ynghylch gofynion API.

Nid yw darparu API yr un fath â gwneud cais am fisa. Bydd dal angen i chi ddilyn rheolau mynediad bob gwlad y byddwch yn ymweld â hi, ac mae hynny'n wir hefyd am unrhyw reoliadau o ran archwilio pasbortau a thollau.

• Cyngor am deithio i wledydd

• Cyngor ar deithio yn ôl gwlad - Y Swyddfa Dramor a Chymanwlad Opens new window

Cofrestru eich API

Fel arfer, bydd y cwmni hedfan yn gofyn i chi ddarparu'r manylion a welir ar y dudalen yn eich pasbort sy'n cael ei darllen â pheiriant. Hon yw’r dudalen sy'n cynnwys eich llun.

Mae'n bosib y gofynnir am:

• eich enw llawn
• eich dyddiad geni
• eich rhyw
• rhif eich pasbort
• enw'r wlad a roddodd eich pasbort i chi
• y dyddiad y mae'ch pasbort yn dod i ben

O bryd i'w gilydd, efallai y gofynnir i chi am wybodaeth ychwanegol, fel y cyfeiriad y byddwch yn aros ynddo y noson gyntaf.

Bydd eich gwybodaeth yn cael ei chasglu naill ai pan fyddwch yn archebu neu gan ddarllenydd pasbortau awtomatig pan fyddwch yn cofrestru yn y maes awyr. Yn y rhan fwyaf o achosion, mae'n bosib na chewch chi deithio os na fyddwch yn darparu eich API ar yr adeg briodol.

Teithio i'r Unol Daleithiau

Gan ddechrau ar 12 Ionawr 2009, dan y Rhaglen Visa Waiver (VWP) mae angen i deithwyr o Brydain gofrestru eu manylion ar-lein gyda llywodraeth yr Unol Daleithiau cyn hedfan yno.

Pan fyddwch wedi cofrestru, bydd eich manylion yn ddilys am ddwy flynedd, neu am oes eich pasbort (nes bydd yn dod i ben), pa gyfnod bynnag yw'r byrraf.

Nid yw'r API yr un fath â:

• gwneud cais am fisa
• gwybodaeth ychwanegol y mae ei hangen ar awdurdodau rheoli pasbortau'r Unol Daleithiau, fel y wlad yr ydych yn byw ynddi a chyfeiriad y man y byddwch yn aros yn yr Unol Daleithiau

Cewch ddysgu mwy am Raglen Visa Waiver yr Unol Daleithiau drwy ymweld â gwefan y Swyddfa Dramor a Chymanwlad.

• Cyngor ar deithio gan y Swyddfa Dramor a Chymanwlad - yr Unol Daleithiau Opens new window

• Adran Diogelwch y Famwlad yr Unol Daleithiau - Gwybodaeth am y Rhaglen Visa Waiver Opens new window

Cofrestru â System Deithio Electronig yr Unol Daleithiau

Mae'n rhaid cofrestru ar System Deithio Electronig yr Unol Daleithiau. Mae Adran Diogelwch y Famwlad yr Unol Daleithiau yn awgrymu cofrestru ddim llai na 72 awr cyn teithio. Fodd bynnag, gallwch gyflwyno eich manylion unrhyw bryd cyn teithio i'r Unol Daleithiau.

• System Deithio Electronig yr Unol Daleithiau - awdurdodi Opens new window

Teithio i'r Unol Daleithiau - â phwy y dylid cysylltu

Os oes gennych unrhyw gwestiynau, fe'ch cynghorir yn gryf i gysylltu â Llysgenhadaeth UDA yn Llundain cyn teithio. Rhif ffôn y llinell Gwybodaeth am Fisas yw 0904 245 0100 (codir £1.20 y funud am bob galwad).

• Llysgenhadaeth yr Unol Daleithiau yn Llundain Opens new window

Teithio i wledydd eraill (heblaw'r Unol Daleithiau)

Wrth i'r rhestr o wledydd sy'n gofyn am fanylion teithwyr ymlaen llaw dyfu, nid yw'n bosib rhestru'r holl ofynion yn llawn yn y fan hon.

Os nad ydych yn siŵr beth mae ei angen arnoch, gallwch:

• holi is-genhadaeth neu lysgenhadaeth y wlad
• ymweld â gwefan y Swyddfa Dramor a Chymanwlad, sy'n rhoi cyngor ar deithio
• cysylltu â'ch cwmni hedfan cyn teithio – yn ddelfrydol, wrth archebu
  

• Is-genadaethau a llysgenadaethau

• Cyngor ar deithio yn ôl gwlad - Y Swyddfa Dramor a Chymanwlad Opens new window

Cysylltiadau defnyddiol

• ABTA (Cymdeithas Asiantau Teithio Prydain) Opens new window

• ATOL (Drwyddedwyr Trefnwyr Teithio Awyrennau) Opens new window

• BAA (Yr Awdurdod Maes Awyr Prydeinig yn flaenorol) Opens new window

• IATA (Cymdeithas Trafnidiaeth Awyr Genedlaethol) Opens new window