Gwefan llywodraeth y DU

Cyn cyrraedd y maes awyr

Dim ond eitemau gwerthfawr a phethau y bydd arnoch eu hangen yn ystod y siwrnai ddylech chi eu rhoi yn eich bag llaw.

Cofiwch am y canlynol:

• os byddwch yn cario unrhyw hylifau yn eich bag llaw, rhaid eu rhoi mewn cynwysyddion bach 100ml neu lai, a'u bod yn ffitio'n gyfforddus mewn bag y gellir ei ailselio
• os byddwch yn cario anrhegion yn eich bag llaw, peidiwch â'u lapio
• peidiwch â rhoi taniwr yn eich bag llaw – os ydych yn cario taniwr, rhaid i chi ei gadw arnoch yn ystod y daith

Os oes gennych unrhyw gwestiynau am eich taith neu am y rheolau bagiau sydd ar waith, cysylltwch â'ch maes awyr neu'ch cwmni hedfan.

Cyrraedd y maes awyr

Dylech ganiatáu digon o amser i gyrraedd y maes awyr. Bydd hyn yn amrywio yn ôl faint o'r gloch yr ydych yn teithio a maint y maes awyr. Yn gyffredinol, dylech anelu i gyrraedd:

• dair awr cyn teithiau pell
• dwy awr cyn teithiau i Ewrop
• 90 munud cyn teithiau o fewn y DU ac Iwerddon
  

Er mwyn arbed amser a sicrhau y cewch siwrnai ddidrafferth dylech:

• wybod o ba derminal yr ydych yn hedfan
• cadw tocynnau a phasbortau wrth law
• sicrhau bod eich bag teithio a'ch hylifau yn bodloni gofynion y cwmni hedfan

• Rheolau presennol ar fagiau llaw

Beth sy’n digwydd yn y gatiau diogelwch?

Mesurau diogelwch newydd ym meysydd awyr

Mae sganwyr corff a mesurau diogelwch eraill yn cael eu cyflwyno ym meysydd awyr y DU

Mae mwy o fesurau diogelwch ar waith yn holl feysydd awyr y DU, felly mae'n well caniatáu digon o amser ar gyfer archwiliadau diogelwch. Bydd angen sgrinio eich bag llaw, a gofynnir i chi gerdded drwy borth diogelwch.

Efallai y gofynnir i chi hefyd os ydych wedi pacio eich bagiau eich hun. Ni ddylech gario unrhyw beth ar awyren ar ran rhywun arall. Os ydych yn credu bod rhywun wedi rhoi eitem yn eich bagiau heb i chi wybod, rhaid i chi roi gwybod yn syth i’r swyddog cofrestru.

Bydd y staff diogelwch yn gofyn am eich:

• bag ailselio sy'n cario hylifau – caiff ei sgrinio ar wahân i'ch bagiau llaw
• gliniadur, sychwr gwallt neu eitemau trydanol mawr eraill (cânt eu sgrinio ar wahân)
• côt neu siaced a'ch esgidiau

• Rheolau presennol ar fagiau llaw

• Eitemau peryglus ac eitemau wedi'u gwahardd: beth na chewch fynd gyda chi ar awyren

Y lolfa ymadael a siopa

Cewch fynd ag unrhyw beth y byddwch yn ei brynu yn y siopau yn y lolfa ymadael gyda chi ar yr awyren. Mae hyn yn cynnwys anrhegion a bwyd neu ddiod ar gyfer eich siwrnai.

Os rhoddir y nwyddau i chi mewn bag arbennig wedi'i selio, peidiwch â'i agor nes byddwch wedi cyrraedd eich cyrchfan derfynol. Cadwch eich derbynneb gan ei bod yn bosib y bydd angen i chi ei dangos yn ddiweddarach – os byddwch yn newid awyren er enghraifft.

Mae cyfyngiadau ar nwyddau di-dreth a ddaw i mewn i’r DU o du allan yr Undeb Ewropeaidd (UE). Mae hefyd rheolau sy’n gymwys wrth ddod â nwyddau i mewn i’r DU o’r UE. Dilynwch y dolenni ar dreth a tholl isod i gael gwybod mwy.

• Treth a tholl ar nwyddau a ddaw i mewn i’r DU o’r tu allan i’r Undeb Ewropeaidd

• Treth a tholl ar nwyddau a ddaw i mewn i’r DU o’r Undeb Ewropeaidd

Dychwelyd i'r DU neu deithio drwy'r DU

Mynd trwy reolaeth pasbort yn gyflymach

Os oes gennych y pasbort biometrig ‘sglodyn’ newydd, gallwch ddefnyddio’r gatiau eBasbort i gyflymu eich amser yn rheolaeth pasbort

• Darllen mwy am gatiau eBasbort yn ein erthygl newyddion

Os ydych yn teithio o'r UE, Norwy, Gwlad yr Iâ neu'r Swistir, mae'r holl reolau ar fagiau llaw yn berthnasol.

Teithio o faes awyr mewn gwlad arall

Bydd trefniadau lleol ar waith. Holwch eich cwmni hedfan.

Gwybodaeth arbennig ynghylch hylifau ar gyfer teithwyr sy'n gorfod newid awyren

Os yw'ch siwrnai yn cynnwys newid awyren mewn maes awyr yn yr UE, neu mewn maes awyr yn Norwy, Gwlad yr Iâ neu'r Swistir, bydd cyfyngiadau arbennig yn berthnasol.

Os ydych am fynd â hylifau (gan gynnwys hylifau di-dreth) drwy'r gatiau diogelwch yn eich maes awyr cyswllt, rhaid bod un o'r rheolau hyn yn berthnasol:

• maent yn bodloni'r holl ofynion ar gyfer teithwyr sy'n teithio o faes awyr yn yr UE neu o faes awyr yn Norwy, Gwlad yr Iâ neu'r Swistir – gweler y rheolau ar fagiau llaw

• maent wedi cael eu prynu mewn lolfa ymadael mewn maes awyr yn yr UE, Norwy, Gwlad yr Iâ neu'r Swistir, neu ar fwrdd awyren sy'n rhan o gwmni hedfan o'r UE neu o Norwy, Gwlad yr Iâ neu'r Swistir (rhaid i'r hylifau fod mewn bag arbennig heb ei agor a ddarperir gan y maes awyr/cwmni hedfan, a rhaid cael derbynneb ar eu cyfer sy'n dangos i'r eitemau gael eu prynu ar y diwrnod yr ydych yn teithio)

• maent wedi cael eu prynu mewn lolfa ymadael mewn un o’r meysydd awyr canlynol lle mae trefniadau arbennig ar waith: pob maes awyr rhyngwladol yng Nghanada; meysydd awyr Dubrovnik, Pula, Rijeka, Split, Zadar a Zagreb yn Croatia; maes awyr Kuala Lumpur ym Malaysia; maes awyr Changi yn Singapore a phob maes awyr rhyngwladol yn yr UDA (rhaid i'r hylifau fod mewn bag arbennig heb ei agor a ddarperir gan y maes awyr, a rhaid cael derbynneb ar eu cyfer sy'n dangos i'r eitemau gael eu prynu yn ystod y 36 awr ddiwethaf)

Cysylltwch â'ch cwmni hedfan os oes gennych unrhyw gwestiynau ynghylch pa hylifau y cewch fynd â hwy gyda chi ar eich siwrnai.

Aelodau’r wladwriaethau’r UE

Dyma aelod-wladwriaethau'r UE:

• Awstria
• Bwlgaria
• Cyprus
• Denmarc
• Estonia
• Ffrainc
• Gwlad Belg
• Gwlad Groeg
• Gwlad Pwyl
• Hwngari
• Iwerddon
• Latfia
• Lithiwania
• Lwcsembwrg
• Malta
• Portiwgal
• Rwmania
• Sbaen
• Slofacia
• Slofenia
• Sweden
• Y Deyrnas Unedig
• Y Ffindir
• Y Weriniaeth Tsiec
• Yr Almaen
• Yr Eidal
• Yr Iseldiroedd

• Rheolau presennol ar fagiau llaw

Cysylltiadau defnyddiol

• ABTA (Cymdeithas Trefnwyr Teithiau Prydain) Opens new window

• ATOL (Trwyddedwyr Trefnwyr Teithiau Hedfan) Opens new window

• BAA (yr Awdurdod Meysydd Awyr Prydeinig gynt) Opens new window

• IATA (Y Gymdeithas Trafnidiaeth Awyr Ryngwladol) Opens new window