Gwefan llywodraeth y DU

Cyrraedd o wledydd sy’n rhan o’r UE

Pan fyddwch yn cyrraedd y DU o wlad sy’n rhan o’r UE cewch ddod â faint bynnag o nwyddau a fynnwch gyda chi fwy neu lai.

Ar gyfer nwyddau ecseis fel alcohol a thybaco, does dim cyfyngiadau. Fodd bynnag, mae’n rhaid i chi fodloni’r amodau canlynol:

• rhaid i chi gludo’r nwyddau eich hun
• rhaid i’r nwyddau fod ar gyfer eich defnydd personol chi neu’n anrheg i rywun arall - os bydd y sawl y byddwch yn rhoi’r nwyddau iddo yn eich talu mewn unrhyw ffordd (gan gynnwys eich ad-dalu am unrhyw gostau neu daliad ymarferol), yna nid yw’n anrheg ac mae’n bosibl y cymerir y nwyddau oddi arnoch
• rhaid i chi dalu toll a threth ar y nwyddau yn y wlad sy’n rhan o’r UE lle cawsoch y nwyddau hynny

Os nad ydych yn bodloni'r amodau hyn, mae’n bosibl y cymerir y nwyddau (ac unrhyw gerbyd y cawsant eu cludo ynddo) oddi arnoch.

Gallwch ddarllen mwy am Doll Gartref yn ein canllaw ‘Toll Dramor, Toll Gartref a TAW Mewnforio: cyflwyniad’. Byddwch yn dod o hyd i ddolen i hwn ar ddiwedd y dudalen.

Tanwydd modur

Yn ogystal â’r tanwydd sydd yn nhanc safonol eich cerbyd, cewch ddod â thanwydd wrth gefn ar gyfer y cerbyd hwnnw heb dalu dim Toll Gartref arno. Mae’n rhaid i’r tanwydd fod mewn cynhwysydd priodol.

• Gweld pa wledydd sy'n rhan o'r UE - canllaw Cyllid a Thollau EM ar gyfer teithwyr sy'n dod i'r DU (PDF, 280KB) Opens new window

• Cymorth gyda ffeiliau PDF

Archwiliadau swyddogion y tollau wrth ddod o’r UE

Os bydd un o swyddogion y tollau o Asiantaeth Ffiniau’r DU yn meddwl eich bod yn dod â nwyddau ecseis gyda chi er mwyn eu gwerthu, efallai y bydd yn eich stopio i ofyn cwestiynau i chi ac i gynnal archwiliadau. Efallai y gofynnir i chi am y canlynol:

• y math a faint o nwyddau rydych chi wedi’u prynu
• pam eich bod wedi’u prynu
• sut y gwnaethoch dalu amdanynt
• pa mor aml y byddwch chi’n teithio
• faint fyddwch chi’n ysmygu neu’n yfed fel arfer

Er nad oes cyfyngiadau ar faint o alcohol a thybaco a gewch ddod gyda chi o’r rhan fwyaf o’r gwledydd sy’n rhan o’r UE, bydd swyddogion y tollau yn fwy tebygol o ofyn cwestiynau i chi os bydd gennych fwy na’r canlynol:

Os bydd Cyllid a Thollau EM yn fodlon bod y nwyddau at ddefnydd masnachol, mae’n bosibl y caiff y nwyddau, ac unrhyw gerbyd a ddefnyddiwyd i’w cludo, eu cymryd oddi arnoch ac ni chânt eu rhoi yn ôl i chi.

• Cael gwybod mwy am ddod â nwyddau i'r DU at ddefnydd masnachol Opens new window

• Beth y dylech chi ei wneud os bydd swyddogion y tollau yn cymryd eich nwyddau oddi arnoch Opens new window

Datgan nwyddau i swyddogion y tollau

Mae’n rhaid i chi ddatgan unrhyw nwyddau o wledydd sy’n rhan o’r UE i swyddogion y tollau.

Os byddwch am wneud hyn, dylech ddefnyddio’r sianel goch neu’r ffôn pwynt coch. Bydd swyddog y tollau’n rhoi gwybod i chi os bydd yn rhaid i chi dalu unrhyw dreth neu doll arnynt a sut mae talu.

Sylwch fod y rheolau’n wahanol os byddwch yn dod â nwyddau’n ôl at ddibenion masnachol.

• Cael gwybod mwy am fynd drwy’r tollau wrth ddod i mewn i’r DU Opens new window

Faint o doll neu dreth y bydd yn rhaid i chi ei thalu?

Cyfraddau Toll Gartref

Gallwch weld y cyfraddau tybaco cyfredol ar wefan Cyllid a Thollau EM.

• Gweld cyfraddau toll cyfredol tybaco Opens new window

Nwyddau gwaharddedig a nwyddau y cyfyngir arnynt

Ceir rhywfaint o nwyddau, fel arfau bygythiol a chyffuriau anghyfreithlon, na chewch ddod â nhw i’r DU waeth o ble bynnag y byddwch yn teithio. Ceir cyfyngiadau ar nwyddau eraill, fel drylliau.

Mae’n bosibl y cyfyngir ar rai bwydydd a chynhyrchion planhigion:

• os oes plâu ac afiechydon arnynt
• os nad ydynt ar gyfer eich defnydd personol chi
• os na chawsant eu tyfu yn yr UE

• Cael gwybod mwy am nwyddau gwaharddedig a nwyddau y cyfyngir arnynt Opens new window

Cael rhagor o help a chyngor

Os oes angen rhagor o wybodaeth arnoch am ddod â nwyddau i’r DU o’r UE, gallwch gysylltu â’r Llinell Gymorth TAW, Tollau Tramor a Chartref drwy ddilyn y ddolen isod.

• Manylion cyswllt Llinell Gymorth TAW, Tollau Tramor a Chartref Opens new window

Mwy o ddolenni defnyddiol

• Toll Tramor, Toll Gartref a TAW Mewnforio: cyflwyniad Opens new window

• Beth y dylech chi ei wneud os bydd swyddogion y tollau yn cymryd eich nwyddau oddi arnoch Opens new window

• Treth Incwm wrth gyrraedd y DU

Cysylltiadau defnyddiol

• Cyngor Teithio'r Swyddfa Dramor

• Y Gwasanaeth Hunaniaeth a Phasbortau

• ATOL (Trwydded Trefnwyr Teithiau Hedfan) Opens new window