Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

Teithio a thrafnidiaeth

Travel and transport

Cychod pleser – offer diogelwch

Mae’n syniad da i bob cwch fod ag offer diogelwch ar ei fwrdd, ond rhaid i gychod 13.7 metr o hyd fod ag offer achub bywyd a diogelwch tân penodol ar eu bwrdd. Dylech wybod beth ddylai fod ar fwrdd eich cwch ar gyfer unrhyw fordaith.

Gwybod pa offer achub bywyd ddylai fod ar fwrdd eich cwch

Signalau achub bywyd

Rhaid i chi fod â chopi o’r signalau achub bywyd cydnabyddedig ar fwrdd eich cwch, beth bynnag ei faint

Rhaid i chi gael offer achub bywyd penodol ar fwrdd eich cwch pleser os yw’n fwy na 13.7 metr o hyd. Mae’r offer hyn yn cynnwys:

  • siacedi achub
  • rafftiau achub
  • fflerau
  • diffoddwyr tân

Mae’r rheoliadau sy’n datgan beth fydd ei angen arnoch yn ddibynnol ar faint eich cwch a pha mor bell y byddwch yn hwylio oddi wrth yr arfordir.

Mae’r gofynion hyn wedi’u hamlinellu mewn canllawiau manwl gan yr Asiantaeth Morol a Gwylwyr y Glannau.

Gwnewch yn siŵr bod gan bawb ar fwrdd y cwch siaced achub addas

Os yw’ch cwch yn fwy na 13.7 metr o hyd, rhaid i chi fod â siacedi achub ar ei fwrdd. Hyd yn oed os nad yw’n ofynnol yn ôl y gyfraith, mae’n synhwyrol i sicrhau bod pawb yn gwisgo siaced achub rhag ofn i rywun syrthio dros yr ochr.

Os ydych yn gyfrifol am y cwch, eich cyfrifoldeb chi yw sicrhau bod siacedi achub y criw yn eu ffitio’n iawn a’u bod yn gwybod:

  • lle mae’r siacedi achub yn cael eu cadw
  • sut mae eu defnyddio.

Gallwch brynu sawl math o siaced achub – ystyriwch amodau’r dŵr ac i ble byddwch yn hwylio cyn eu prynu.

Am gyngor ar ddewis siaced achub addas, gweler gwefan Sefydliad Cenedlaethol Brenhinol y Badau Achub (RNLI).

Cario bwiau achub a lein daflu am argyfyngau

Rhaid i chi gario o leiaf ddau fwi achub os yw’ch cwch yn fwy na 13.7 metr o hyd. Gwnewch yn siŵr eu bod wedi’u cadw mewn man lle gellir eu taflu ar unwaith mewn argyfwng.

Dylai bwiau achub fod wedi’u marcio ag enw’ch cwch ac yn cynnwys:

  • golau awtomatig gyda phelydr neu strôb parhaus
  • tâp adlewyrchol
  • drôg neu angor i’w atal rhag drifftio.

Dylai’r bwi achub fod wedi’i gysylltu wrth lein daflu sy’n nofio ar wyneb y dŵr (sydd o leiaf 18 metr o hyd). Gellir cadw’r lein liwgar hon y tu mewn i sach daflu gyda dolen y gellir ei glymu i’r cwch mewn argyfwng. Dylech ymarfer taflu’r lein gyda’ch criw – gall fod yn anodd ei thaflu’n gywir.

Offer radio addas

Bydd radio môr ar fwrdd eich cwch yn eich helpu i gyfathrebu â gwylwyr y glannau neu gwch arall os byddwch mewn trafferthion.

Fflerau

Cyngor ar ddefnyddio fflerau’n ddiogel

Gwnewch yn sicr eicb bod yn defnyddio fflerau’n ddiogel

  • tanio fflerau gyda’r gwynt er mwyn iddynt gyrraedd uchder da
  • peidio â thanio fflerau’n agos at fastiau radio neu aradeileddau, neu os oes hofrennydd yn y cyffiniau

Rhaid i gwch pleser dros 13.7 metr o hyd fod â’r canlynol ar ei fwrdd:

  • pedair fflêr law goch
  • pedair fflêr law wen
  • dwy fflêr fwg oren
  • pedair fflêr barasiwt

Cyn cychwyn ar eich taith, dangoswch i’r criw lle mae’r fflerau’n cael eu cadw a gwnewch yn siŵr eu bod yn deall y cyfarwyddiadau ar gyfer eu tanio. Cadwch fflerau mewn cynhwysydd diddos ac archwiliwch hwy’n rheolaidd.

Os yw dyddiad y fflerau wedi dod i ben neu wedi’u difrodi, rhaid i chi gael gwared arnynt yn briodol ac yn ddiogel cyn gynted â phosibl.

Ewch ag o leiaf un rafft achub pwmpiadwy ar fordeithiau hir

Gallwch hurio rafftiau achub – maent yn hanfodol ar gyfer mordeithiau hir. Bydd yn rhaid i chi gael digon o rafftiau achub i ddal o leiaf pawb sydd ar fwrdd eich cwch.

Dylai’ch rafft achub gael ei gwasanaethu’n rheolaidd a’i chadw mewn man lle mae’n barod i gael ei lansio ar unwaith – nid o dan y dec neu o dan offer arall.

Gweler ganllawiau’r MCA ar sawl rafft achub dylai fod ar eich cwch a’r safonau y dylent eu cyrraedd.

Offer diogelwch tân ar gyfer cychod pleser

Os yw’ch cwch pleser yn fwy na 13.7 metr o hyd, bydd yn rhaid i chi gario o leiaf:

  • bedwar diffoddwr tân amlbwrpas (pob un gyda graddfa tân o 13A/113B) neu gyfuniad o ddiffoddwyr llai gyda chyfradd tân cyfatebol
  • pwmp tân sy’n gallu cynhyrchu un chwistrelliad o ddŵr o bellter o chwe metr (gall fod yn bwmp trydan neu un sy’n cael ei weithio â llaw)
  • dau fwced tân, wedi’u gwneud o fetel, plastig neu gynfas, gyda chortyn wedi’i gysylltu i’r bwced.

Dylech gynnal a chadw ac archwilio blancedi a diffoddwyr tân yn rheolaidd. Gwnewch yn siŵr bod eich criw yn gwybod lle mae’r offer yn cael ei gadw a sut mae ei ddefnyddio.

Gweler ganllawiau’r MCA ar y safonau y mae’n rhaid i’ch offer diffodd tan eu cyrraedd.

Blwch cymorth cyntaf a thrwsio

Rhag ofn i rywun gael ei anafu, gwnewch yn siŵr bod gennych gyfarpar cymorth cyntaf ar fwrdd eich cwch, a bod rhywun wedi’i hyfforddi i’w ddefnyddio.

Dilynwch y ddolen isod am arweiniad i’r eitemau ddylai gael eu cynnwys mewn blwch cymorth cyntaf a sut mae eu defnyddio.

Casglwch ddeunyddiau ar gyfer blwch trwsio sy’n cynnwys eitemau fel:

  • offer a chyllell dur gwrthstaen
  • fflachlamp diddos a batris
  • iraid a seliwr
  • blwch trwsio plastig wedi’i atgyfnerthu (GRP neu ffibr gwydrog)
  • byngau, tâp cryf a chlytiau
  • belt cyswllt, hidlyddion olew sbâr a phwlsaduron pwmp

Rhagor o ddolenni defnyddiol

Yn yr adran hon...

Additional links

Cofrestru eich cwch gyda gwylwyr y glannau

Ymunwch â chynllun gwybodaeth er diogelwch gwirfoddol Gwylwyr y Glannau EM - os ydych yn dod i drafferthion, bydd gan wylwyr y glannau gwybodaeth ynghylch eich cwch a fydd yn gymorth i’ch canfod chi

Cofrestru eich cwch gyda gwylwyr y glannau

Ymunwch â chynllun gwybodaeth er diogelwch gwirfoddol Gwylwyr Glannau Ei Mawrhydi - os ydych chi’n mynd i drafferthion, bydd gan wylwyr y glannau gwybodaeth ynghylch eich cwch er mwyn eich adnabod chi

Allweddumynediad llywodraeth y DU