Gwefan llywodraeth y DU

Cludo’r cyfarpar priodol ar gyfer eich mordaith

Os nad ydych chi’n mynd â’ch cwch fwy na 30 môr-filltir oddi ar arfordir y DU, bydd angen i chi gludo:

• radio amledd uchel iawn (VHF), yn ddelfrydol gyda nodwedd galw detholus digidol (DSC)
• derbynnydd Navtex
• tywysydd radio i ddangos eich lleoliad mewn argyfwng (EPIRB)

Mae DSC, Navtex ac EPIRB yn gydrannau’r System Cyfyngder a Diogelwch Morol Fyd-eang (GMDSS) – y system ddiogelwch gyfathrebu ryngwladol i longau ar y môr.

Caiff ei defnyddio ar gyfer pob math o gyfathrebu, gan gynnwys:

• negeseuon argyfwng a chyfyngder
• cyfathrebu llong-i-long
• cyfathrebu llong-i-dir

Mae’n rhaid i rai llongau osod cyfarpar GMDSS, er enghraifft, llongau masnachol sy’n pwyso dros 300 tunnell gros. Nid yw’n gyfreithiol ofynnol i chi ei gosod ar eich cwch pleser, ond argymhellir yn gryf rhai o’r cydrannau, megis radio VHF gyda DSC.

• Download siart i lawr sy'n dangos ble mae'r GMDSS yn gweithredu ar y môr (PDF, 918K)

• Cymorth gyda ffeiliau PDF

Radio amledd uchel iawn (VHF)

O leiaf, dylai fod gennych radio VHF ar eich cwch pleser. Bydd hyn yn golygu y gallwch gyfathrebu â gwyliwr y glannau neu â chwch arall os cewch anhawster. Bydd gwyliwr y glannau hefyd yn darlledu gwybodaeth am ddiogelwch, megis gwybodaeth am y tywydd a rhybuddion mordwyo, drwy gyfrwng VHF.

Gallwch gysylltu â Chanolfannau Cydlynu Achub Morol (MRCC) Gwylwyr Glannau EM drwy gyfrwng VHF o fewn 20-30 milltir oddi wrth yr arfordir.

Radios VHF gyda galw detholus digidol (DSC)

Mae’r rhan fwyaf o radios VHF modern yn cynnwys DSC, sef system signalau tôn sy’n gweithredu ar VHF sianel 70. Gallwch wneud galwadau rheolaidd i gychod eraill neu MRCC sydd â DSC drwy ddefnyddio eu rhif adnabod naw digid unigryw. (Hunaniaeth y gwasanaeth symudol morol, neu MMSI, yw hwn.)

Rhoddir rhifau MMSI pob MRCC yn y DU isod.

MRCC yn ôl lleoliad a’u rhifau MMSI

Mewn argyfwng, gallwch ddefnyddio DSC i anfon gwybodaeth bwysig am eich cwch a’ch sefyllfa drwy bwyso un botwm.

• Sut i alw am gymorth mewn argyfwng ar y môr

• Download taflen i lawr sy'n sôn am fanteision DSC (PDF, 725K)

• Cymorth gyda ffeiliau PDF

Derbynyddion Navtex a thywysyddion radio i ddangos eich lleoliad mewn argyfwng (EPIRB)

Gyda derbynnydd Navtex, byddwch yn gallu derbyn gwybodaeth am ddiogelwch morol rhyngwladol yn awtomatig, gan gynnwys:

• rhybuddion mordwyol
• rhagolygon a rhybuddion tywydd
• hysbysiadau chwilio ac achub

Mae’r rhan fwyaf o dderbynyddion yn eich galluogi i recordio’r wybodaeth neu ei hargraffu.

• Mwy am ddefnyddio Navtex - y Gymdeithas Hwylio Frenhinol Opens new window

EPIRB

Mae EPIRB yn fath o dywysydd lleoli, sy’n trawsyrru signal cyfyngder un ffordd drwy gyfrwng lloeren. Mewn argyfwng, er enghraifft os yw eich cwch yn suddo, gellir rhoi’r EPIRB ar waith â llaw neu’n awtomatig. Bydd yn anfon ei leoliad i’r MRCC agosaf. Mae rhai EPIRB hefyd yn darparu tywysydd dychwel, sy’n helpu timau chwilio ac achub i ganfod eich cwch.

Mae angen i chi gofrestru eich EPIRB er mwyn i fanylion llawn eich cwch fod yn hysbys os caiff ei roi ar waith. Mae cofrestru’n ddi-dâl – gallwch ei wneud ar y we neu drwy lwytho ffurflen gais i lawr.

• Download ffurflen gais EPIRB oddi ar y we (PDF, 80K)

• Help gyda ffeiliau PDF

Cyfarpar cyfathrebu ar gyfer mordeithiau oddi ar yr arfordir

Os ewch â’ch cwch fwy na 30 môr-filltir oddi ar arfordir y DU, bydd angen i chi gludo cyfarpar cyfathrebu ychwanegol:

Ffôn lloeren

Mae ffôn lloeren yn fath o ffôn symudol sy’n cysylltu â lloerennau’n hytrach na’r rhwydwaith ffôn arferol. Gallwch ddefnyddio ffonau lloeren ar y môr pan na allwch gyrraedd rhwydwaith ffôn symudol. Bydd ffonau lloeren hefyd yn defnyddio rhifau ffôn a chodau deialu safonol rhyngwladol. Mae hyn yn golygu y gallwch roi rhifau ffôn unrhyw MRCC y gallai fod arnoch angen cysylltu â hwy mewn argyfwng yn newislen cysylltiadau’r ffôn ymlaen llaw.

• Manylion cyswllt canolfannau MRCC

Radios amledd canolig (MF) ac amledd uchel (HF)

Mae radios amledd canolig (MF) ac amledd uchel (HF) yn debyg i radios VHF, ond maent yn gweithio mewn gwahanol ardaloedd ymhellach o’r arfordir. Mae MF yn gweithio hyd at 150 môr-filltir o’r arfordir ac mae HF yn gweithio ymhobman yn y byd, gan ddibynnu ar amodau atmosfferig a’r amledd a ddefnyddir.

Inmarsat C

Mae Inmarsat C yn eich galluogi i anfon a derbyn data, e-bost a negeseuon ffôn yn gyflym drwy gyfrwng lloeren pan na allwch gyrraedd systemau cyfathrebu tir.

• Sut i alw am gymorth mewn argyfwng ar y môr

Trwyddedau radio a hyfforddiant

Fel perchennog cwch pleser, bydd angen dwy drwydded radio arnoch:

• Trwydded Radio Llong
• Tystysgrif Cyrhaeddiad Byr

Mae angen Trwydded Radio Llong ar gyfer pob radio VHF gyda DSC neu hebddo. Pan gewch eich trwydded, cewch arwydd galw sy’n rhoi hunaniaeth unigryw i’ch llong ac y gellir ei adnabod ledled y byd. Byddwch yn defnyddio eich arwydd galw er mwyn i wyliwr y glannau a chychod eraill allu eich adnabod pan fyddwch yn cysylltu â hwy. Os oes gennych chi DSC, dylech hefyd ofyn am MMSI pan gewch eich trwydded.

I wneud cais am Drwydded Radio Llong yn ddi-dâl, ewch i wefan Ofcom.

• Gwybodaeth am radio morol - Ofcom Opens new window

Mae Tystysgrif Cyrhaeddiad Byr yn rhoi trwydded i’r gweithredwr ddefnyddio’r radio VHF. Chewch chi ddim anfon trawsyriadau VHF cyffredinol heb un. Os oes gennych chi DSC, bydd angen i chi gael ardystiad DSC ar eich tystysgrif. I ddefnyddio MF, HF a chyfarpar cyfathrebu lloeren, bydd angen Tystysgrif Cyrhaeddiad Hir arnoch.

• Hyfforddiant y Dystysgrif Cyrhaeddiad Byr - RYA Opens new window

• Hyfforddiant y Dystysgrif Cyrhaeddiad Hir - Cymdeithas Colegau Electroneg a Radio Morol Opens new window

Mwy o ddolenni defnyddiol

• Defnyddio eich cwch ar ddyfrffyrdd mewndirol

• Cofrestru cychod pleser gan gynnwys cychod hwylio

• Cadw'n ddiogel ar yr arfordir

• Cofrestru eich cwch gyda Gwylwyr Glannau EM - y cynllun adnabod diogelwch gwirfoddol