Gwefan llywodraeth y DU

Y rheolau ar gyfer cael gwared ar fflerau’n ddiogel

Llun o fflêr wedi’i difrodi

Gall hen fflerau neu fflerau wedi’u difrodi fod yn beryglus iawn. Gall fflerau ladd felly mae’n bwysig dod â nhw i’r lan cyn gynted â phosibl er mwyn cael gwared arnynt yn ddiogel.

Mae’n anghyfreithlon defnyddio fflerau mewn sefyllfa heb fod yn argyfwng neu eu taflu i’r môr. Ni ddylech fyth gael gwared ohonynt yn anghyfrifol - peidiwch byth â gwneud y canlynol:

• rhoi fflerau mewn bagiau plastig neu eu rhoi gyda sbwriel cyffredinol y cartref neu mewn biniau sbwriel cyhoeddus
• gadael fflerau ar garreg drws siopau offer achub gwylwyr y glannau, mewn sectorau neu yn nhai cychod Sefydliad Cenedlaethol Brenhinol y Badau Achub
• eu gadael yn unrhyw le lle gallai aelodau o’r cyhoedd ddod ar eu traws

Sut mae trefnu i gael gwared ar fflerau

Os oes gennych hen fflerau neu fflerau wedi’u difrodi, yn gyntaf, dylech gysylltu â’r lle y gwnaethoch brynu’r fflerau’n wreiddiol. Efallai eu bod yn cynnig cynllun ‘cymryd-yn-ôl’. Os nad ydynt, cysylltwch â’ch Canolfan Cydlynu Achub ar y Môr leol, a wnaiff roi cyngor i chi ar sut y gellir cael gwared ar y fflerau’n ddiogel. Rhestrir y rhifau cyswllt ar gyfer y canolfannau hyn yn y tabl isod.

Bydd angen i chi roi gwybod i’r Ganolfan Cydlynu Achub ar y Môr am y canlynol:

• faint o fflerau yr ydych am gael gwared ohonynt
• pa mor hen ydynt
• sut fath o gyflwr sydd arnynt

Yna, bydd y Ganolfan Cydlynu Achub ar y Môr yn eich helpu i wneud trefniadau i fynd â’ch fflerau i safle gwaredu trwyddedig.

Bydd y Ganolfan Cydlynu Achub ar y Môr yn dweud wrthych chi lle mae eich safle gwaredu agosaf a’i amseroedd agor. Bydd yn rhaid i chi ddosbarthu’r fflerau i’r safle gwaredu ar amser y cytunir arno. Mae’n debygol y bydd yn rhaid i chi deithio ymhell, gan ddibynnu ar y cyfleusterau sydd ar gael yn eich ardal.

Os byddwch yn mynd i un o’r safleoedd hyn heb apwyntiad, cewch eich gwrthod. Dim ond hen fflerau neu fflerau sydd wedi’u difrodi y gall y safleoedd gwaredu eu derbyn gan aelodau o’r cyhoedd. Os ydych yn fudiad masnachol, bydd angen i chi wneud eich trefniadau eich hun.

Os bydd fflêr wedi cael cymaint o ddifrod nes ei bod mewn cyflwr peryglus, bydd y Ganolfan Cydlynu Achub ar y Môr yn trefnu i gael gwared ohoni ar unwaith. Eu penderfyniad nhw yw hyn.

Mwy o ddolenni defnyddiol

• Cychod pleser - offer diogelwch

• Sut mae galw am help mewn argyfwng ar y môr

• Cychod a charafannau - diogelwch tân (adran cartref a chymuned)