Gwefan llywodraeth y DU

Gwybodaeth y bydd ei hangen arnoch i wneud cais am ragolwg Pensiwn y Wladwriaeth

Bydd angen y wybodaeth ganlynol arnoch i wneud cais am ragolwg:

• eich rhif YG (a rhif eich diweddar briod neu'ch cyn-briod neu eich diweddar bartner sifil neu'ch cyn-bartner sifil, os yw wedi marw, os ydych wedi ysgaru neu os yw eich partneriaeth sifil wedi'i diddymu)
• manylion y mathau o gyfraniadau YG rydych yn eu talu (mae hyn yn dibynnu, er enghraifft, a ydych yn gyflogedig neu'n hunangyflogedig)
• manylion unrhyw briodasau, partneriaethau sifil (gan gynnwys priodasau wedi'u dirymu neu bartneriaethau sifil wedi'u diddymu)
• manylion unrhyw amser rydych wedi'i dreulio yn gweithio y tu allan i'r DU
• manylion eich cyflog presennol os cewch eich talu gan gyflogwr (yn hytrach na bod yn hunangyflogedig)

Os nad ydych yn siŵr pa fath o gyfraniadau YG rydych yn eu talu, gweler 'Cyflwyniad i gyfraniadau Yswiriant Gwladol'.

• Cyflwyniad i Yswiriant Gwladol

• Beth yw rhagolwg Pensiwn y Wladwriaeth?

Sut mae cael rhagolwg Pensiwn y Wladwriaeth?

Os ydych yn byw yn y DU, gallwch gael rhagolwg ar-lein, dros y ffôn neu drwy'r post. Os ydych yn byw y tu allan i'r DU, gallwch gael rhagolwg dros y ffôn neu drwy'r post.

Cael rhagolwg ar-lein

Gallwch gael rhagolwg ar-lein os yw pob un o'r amodau canlynol yn berthnasol i chi:

• rydych yn byw yn y DU
• rydych yn fenyw sy'n fwy na phedwar mis i ffwrdd o’ch oedran Pensiwn y Wladwriaeth (ond gweler isod os ydych yn fenyw sy’n 60 oed neu’n hŷn)
• nid ydych yn weddw neu mae eich partner sifil yn dal i fyw
• nid ydych wedi cyrraedd eich oedran Pensiwn y Wladwriaeth eto
• mae gennych gyfrif Porth y Llywodraeth

Er mai nod y Gwasanaeth Pensiwn yw darparu rhagolwg ar-lein i bawb sy'n dymuno defnyddio'r gwasanaeth hwn, nid yw hyn bob amser yn bosibl. Os na all Y Gwasanaeth Pensiwn roi rhagolwg i chi ar-lein, gall anfon rhagolwg atoch drwy'r post.

• Cyngor technegol ar ddefnyddio gwasanaeth rhagolwg Pensiwn y Wladwriaeth ar-lein

Os ydych yn fenyw sy’n 60 oed neu’n hŷn

Os ydych yn fenyw sy’n 60 oed neu’n hŷn dylech gysylltu â’r Ganolfan Bensiynau’r Dyfodol cyn ceisio cael rhagolwg drwy ddefnyddio’r gwasanaeth ar-lein.

• Cysylltu â’r Ganolfan Bensiynau’r Dyfodol

Actifadu eich cyfrif Porth y Llywodraeth

Os ydych wedi cael llythyr yn ddiweddar i actifadu eich cyfrif Porth y Llywodraeth, cliciwch ar y ddolen ganlynol.

Cael rhagolwg dros y ffôn neu drwy'r post

Os na allwch gael rhagolwg ar-lein, gallwch gael rhagolwg dros y ffôn neu drwy'r post.

• Rhagolwg Pensiwn y Wladwriaeth dros y ffôn neu drwy'r post i fenywod a anwyd cyn 6 Ebrill 1953 neu ddynion a anwyd cyn 6 Ebrill 1951

Deall eich rhagolwg Pensiwn y Wladwriaeth

Os ydych wedi cael eich rhagolwg Pensiwn y Wladwriaeth a bod angen help pellach arnoch i ddeall beth mae'n ei olygu, darllenwch 'Deall eich rhagolwg Pensiwn y Wladwriaeth'.

• Deall eich rhagolwg Pensiwn y Wladwriaeth

Yswiriant Gwladol a'ch rhagolwg Pensiwn y Wladwriaeth

Os ydych wedi cael eich rhagolwg Pensiwn y Wladwriaeth a bod angen help arnoch i ddeall yr effaith y gall Yswiriant Gwladol ei chael ar eich rhagolwg, darllenwch y canlynol.

• Yswiriant Gwladol a'ch rhagolwg Pensiwn y Wladwriaeth