Gwefan llywodraeth y DU

Gwasanaeth ar gau ar benwythnosau

O ganlyniad i welliannau sy'n cael eu gwneud i'r gwasanaethau ar-lein, ni fydd y gwasanaeth rhagolwg Pensiwn y Wladwriaeth ar-lein ar gael yn ystod y penwythnosau canlynol:

• rhwng 9pm dydd Gwener 14 Medi a 8am dydd Llun 17 Medi
• rhwng 9pm dydd Gwener 21 Medi a 8am dydd Sul 24 Medi
  

Menywod 60 oed a throsodd

Gallwch gael rhagolwg Pensiwn y Wladwriaeth ar-lein os yw pob un o'r canlynol yn berthnasol:

• rydych yn fenyw a anwyd cyn 6 Ebrill 1953
• rydych yn 60 oed neu drosodd ond nid ydych eto o fewn pedwar mis i gyrraedd oedran Pensiwn y Wladwriaeth

Fodd bynnag, bydd angen i chi gofrestru gyda Phorth y Llywodraeth bob tro y byddwch am ddefnyddio'r gwasanaeth, hyd yn oed os ydych wedi defnyddio'r gwasanaeth o'r blaen. Am y rheswm hwn, mae'r Gwasanaeth Pensiwn yn awgrymu eich bod yn gwneud cais am eich rhagolwg dros y ffôn neu drwy'r post yn hytrach na defnyddio'r gwasanaeth ar-lein.

• Rhagolwg Pensiwn y Wladwriaeth dros y ffôn neu drwy'r post i fenywod a anwyd cyn 6 Ebrill 1953 neu ddynion a anwyd cyn 6 Ebrill 1951

Menywod a anwyd ar 6 Ebrill 1953 neu ar ôl hynny: dynion a anwyd ar 6 Ebrill 1951 neu ar ôl hynny

Ar hyn o bryd ni allwch ddefnyddio'r gwasanaeth ar-lein i gael amcangyfrif o'ch Pensiwn y Wladwriaeth os ydych:

• yn fenyw a anwyd ar 6 Ebrill 1953 neu ar ôl hynny
• yn ddyn a anwyd ar 6 Ebrill 1951 neu ar ôl hynny

Rydym yn argymell nad ydych yn cofrestru gyda Phorth y Llywodraeth hyd nes y bydd y gwasanaeth ar-lein ar gael i chi ei ddefnyddio eto.

Yn y cyfamser, gallwch gael amcangyfrif o'r Pensiwn y Wladwriaeth y gallech ei gael drwy ddefnyddio'r proffiliwr Pensiwn y Wladwriaeth neu ofyn am gyfriflen Pensiwn y Wladwriaeth.

• Proffiliwr Pensiwn y Wladwriaeth

• Cyfriflen Pensiwn y Wladwriaeth

Pensiwn Ychwanegol y Wladwriaeth

Gall faint o Bensiwn ychwanegol y Wladwriaeth y gallech ei gael pan fyddwch yn cyrraedd oedran Pensiwn y Wladwriaeth fod yn wahanol i'r amcangyfrif a nodir yn eich rhagolwg.

Pam y gallai fod yn wahanol?

Ar 6 Ebrill 2012 dilewyd yr opsiwn i eithrio i gynllun cyfraniadau diffiniedig.

Ar y dyddiad hwnnw, cawsoch eich dychwelyd i Bensiwn ychwanegol y Wladwriaeth os ydych yn aelod o'r canlynol:

• cynllun cyfraniadau diffiniedig y gweithle (a elwir weithiau yn gynllun pensiwn galwedigaethol neu'n gynllun pensiwn cwmni) a eithriwyd cyn 6 Ebrill 2012
• cynllun pensiwn personol neu gynllun pensiwn cyfranddeiliaid a eithriwyd cyn 6 Ebrill 2012

Os gwnaethoch ymuno â Phensiwn ychwanegol y Wladwriaeth ar 6 Ebrill 2012 oherwydd y newid hwn, ni fydd eich rhagolwg Pensiwn y Wladwriaeth yn dangos effaith y newid.

Sut y gall y newid hwn effeithio ar yr amcangyfrif o'ch Pensiwn ychwanegol y Wladwriaeth

Yn eich rhagolwg Pensiwn y Wladwriaeth rhoddir dau ffigur amcangyfrifedig ar gyfer eich Pensiwn ychwanegol y Wladwriaeth.

Nid yw'r newid yn effeithio ar y ffigur cyntaf sef Pensiwn ychwanegol y Wladwriaeth sy'n seiliedig ar eich cyfraniadau Yswiriant Gwladol hyd yma.

Fodd bynnag, gall effeithio ar yr ail ffigur sef Pensiwn ychwanegol y Wladwriaeth y gallech ei gael pan fyddwch yn cyrraedd oedran Pensiwn y Wladwriaeth. Nid yw'r ffigur a ddangosir yn cynnwys unrhyw swm ychwanegol o Bensiwn ychwanegol y Wladwriaeth y gallech ei gael o 6 Ebrill 2012 am nad ydych wedi'ch eithrio mwyach.

Os ydych wedi'ch eithrio ar sail cyflog ni fydd y newid hwn yn effeithio arnoch.

• Gwneud cais am ragolwg Pensiwn y Wladwriaeth ar-lein Gwneud cais am ragolwg Pensiwn y Wladwriaeth ar-lein Opens new window

Mwy o ddolenni defnyddiol

• Deall eich rhagolwg Pensiwn y Wladwriaeth