Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Pensiynau a chynllunio ar gyfer ymddeol

Cyfriflen Pensiwn y Wladwriaeth dros y ffôn neu drwy'r post ar gyfer menywod a anwyd ar 6 Ebrill 1953 neu ar ôl hynny neu ddynion a anwyd ar 6 Ebrill 1951 neu ar ôl hynny

Mae dwy ffordd y gallwch gael cyfriflen Pensiwn y Wladwriaeth. Gallwch ofyn am gyfriflen dros y ffôn neu drwy'r post. Mynnwch wybod pa wybodaeth y bydd ei hangen arnoch, pwy i'w ffonio, neu sut i lawrlwytho ffurflen a ble i'w hanfon.

Gwybodaeth y bydd ei hangen arnoch i wneud cais am gyfriflen Pensiwn y Wladwriaeth

Bydd angen y wybodaeth ganlynol arnoch i wneud cais am gyfriflen Pensiwn y Wladwriaeth:

eich enw llawn, eich dyddiad geni a'ch cyfeiriad presennol
eich rhif Yswiriant Gwladol (YG)
manylion unrhyw amser rydych wedi'i dreulio yn gweithio y tu allan i'r DU

Cael cyfriflen dros y ffôn

Gallwch ffonio Canolfan Bensiwn y Dyfodol i gael cyfriflen Pensiwn y Wladwriaeth. Cyn i chi ffonio, gwnewch yn siŵr bod gennych eich rhif Yswiriant Gwladol wrth law. Bydd angen y wybodaeth hon ar gynghorwyr er mwyn gallu gweld eich cofnod o gyfraniadau Yswiriant Gwladol.

Bydd Canolfan Bensiwn y Dyfodol yn anfon cyfriflen atoch drwy'r post o fewn tua 10 diwrnod gwaith.

Os ydych yn byw yn y DU, gallwch ffonio Canolfan Bensiwn y Dyfodol ar 0845 3000 168 (ffôn testun 0845 3000 169). Mae'r llinellau ar agor o ddydd Llun i ddydd Gwener rhwng 8.00 am ac 8.00 pm.

Os ydych yn byw y tu allan i'r DU, dylech ffonio +44 191 218 3600 (ffôn testun +44 191 218 2051). Mae'r llinell ar agor o ddydd Llun i ddydd Gwener rhwng 8.00 am a 5.00 pm.