Gwefan llywodraeth y DU

Ynghylch cyfraniadau gwirfoddol ychwanegol (CGY)

Mae cyfraniadau i’ch cynllun gweithle fel arfer yn cynnwys:

• eich cyfraniadau chi
• cyfraniadau gan eich cyflogwr
• cyfraniadau gan y llywodraeth, mewn ffurf gostyngiad treth

Mae cyfraniadau gwirfoddol ychwanegol yn gyfraniadau pensiwn ychwanegol y gallech ei wneud i gynyddu’ch pensiwn.

Manteision CGY

Gallwch fanteisio ar:

• costau gweinyddu is yn y rhan fwyaf o achosion na phetaech wedi buddsoddi mewn cynllun pensiwn ar wahân
• y cyfle i stopio neu amrywio'r swm yr ydych yn ei dalu
• gostyngiad treth ar eich cyfraniadau (hyd at derfynau penodol - gweler yr adran 'Rheolau pensiwn o fis Ebrill 2006)
  

• Rheolau pensiwn o fis Ebrill 2006

Ychwanegu at bensiwn y gweithle sydd eisoes yn bod

Os ydych am ychwanegu at bensiwn sydd eisoes yn bod, dylech wirio i weld os:

• allwch dalu cyfraniadau gwirfoddol ychwanegol
• all eich partner neu berson arall gwneud cyfraniadau trydydd parti, mae rhai cynlluniau diffiniedig yn caniatáu hyn

Hyd at fis Ebrill 2006, cafwyd cyfyngiadau ar faint y gallech ei dalu i bensiwn cwmni a phensiwn personol ar yr un pryd. Weithiau, roedd hyn yn golygu mai yr unig ddewis ar gyfer ychwanegu at eich pensiwn oedd talu CGY.

Fodd bynnag, yn dilyn y newidiadau ym mis Ebrill 2006, gallwch nawr gynilo faint a fynnoch mewn unrhyw nifer o bensiynau. Mae hyn yn cynnwys pensiynau gweithle, pensiynau personol a phensiynau cyfranddeiliaid, gan gynnwys drwy gyfrwng CGY a CGYA.

Cewch ostyngiad treth ar gyfraniadau o hyd at 100 y cant o'ch enillion bob blwyddyn, yn amodol ar 'lwfans blynyddol' uchaf. Bydd cynilion uwchben y lwfans blynyddol a 'lwfans oes' ar wahân o gyfanswm cynilion pensiwn yn cael eu trethu. Gweler y ddolen ‘Rheolau pensiwn o fis Ebrill 2006’ am ragor o wybodaeth ar ‘lwfans blynyddol’.

• Rheolau pensiwn o fis Ebrill 2006

Sut y defnyddir CGY gan eich cronfa bensiwn

Bydd y buddion a gewch o'ch CGY yn dibynnu ar y math o gynllun cwmni yr ydych yn rhan ohono a rheolau'r cynllun.

Cynlluniau pensiwn buddion diffiniedig (holl gynlluniau pensiwn personol, yn cynnwys cynlluniau pensiwn budd-ddeiliad)

Gyda chynllun pensiwn cyfraniadau diffiniedig, mae maint eich pensiwn yn dibynnu ar faint yr ydych wedi’i gyfrannau a pha mor dda y mae’r buddsoddiadau wedi perfformio. Pan fyddwch yn ymddeol, defnyddir y gronfa gyfan, gan gynnwys eich CGY, i ddarparu incwm pensiwn i chi.

Cynlluniau pensiwn buddion diffiniedig (cynlluniau cyflog terfynol)

Gyda chynllun pensiwn buddion diffiniedig, mae’r swm a gewch yn seiliedig ar eich cyflog a nifer o flynyddoedd yr ydych wedi bod yn y cynllun. Weithiau mae CGY yn cynyddu nifer y blynyddoedd y seilir eich buddion arnynt; weithiau maent yn cronni cronfa ar wahân er mwyn prynu buddion ychwanegol.

Bydd angen ichi siarad â gweinyddwr eich cynllun pensiwn i gael gwybod am reolau’ch cynllun.

• Mathau o gynlluniau pensiwn y gweithle

• Canllaw i’r mathau gwahanol o bensiynau – Gwasanaeth Cynghori Ariannol Opens new window

• Cyfraniadau Gwirfoddol Ychwanegol (CGY) ar wefan y Gwasanaeth Cyngor am Bensiynau Opens new window

Ad-daliadau CGY

Os byddwch yn marw, fel arfer, fe ad-delir eich CGY - ynghyd ag unrhyw log sydd wedi cronni arnynt. Fodd bynnag, mae hyn yn dibynnu ar reolau eich cynllun, ac felly bydd rhaid ichi holi gweinyddwr eich cynllun pensiwn chi.

• Beth sy'n digwydd i'ch pensiwn cwmni pan fyddwch chi'n marw

CGY Annibynnol

Mae CGY Annibynnol (CGYA) yn wahanol i CGY oherwydd:

• fe'u trefnir gennych chi, nid trwy gyflogwr
• fe'u telir i gynllun pensiwn a redir gan sefydliad ariannol megis cwmni yswiriant neu fanc

Manteision CGYA yw:

• gallwch barhau i dalu i'r cynllun hyd yn oed os byddwch yn newid cyflogwr
• gallant roi mwy o opsiynau buddsoddi

Fodd bynnag, bydd y costau gweinyddu fel arfer yn uwch.

Ble i gael help a chyngor

Mae nifer i sefydliadau'n cynnig gwybodaeth am ddim ynghylch y gwahanol ffyrdd o gynilo ar gyfer eich pensiwn. Ond allan nhw ddim rhoi cyngor ariannol personol i chi. I ddeall yr opsiynau gorau i chi, mae'n syniad da cael cyngor ariannol.

• Cynghorwyr pensiynau ac ariannol: pwy i gysylltu â nhw

Mwy o ddolenni defnyddiol

• Manylion cysylltu'r Gwasanaeth Cyngor am Bensiynau

• Dewis a defnyddio cynghorydd pensiynau

• Gwybodaeth am gynlluniau pensiwn gan Gyllid a Thollau EM Opens new window

• Defnyddio cyfrifiannell pensiynau cyfranddeiliaid y Gwasanaeth Cynghori Ariannol Opens new window

Cysylltiadau defnyddiol

• Cysylltiadau arian, treth a budd-daliadau