Gwefan llywodraeth y DU

Cael help ychwanegol

Os nad ydych chi'n hapus â'r hyn y mae'r ysgol yn ei wneud dros eich plentyn, siaradwch yn y lle cyntaf â'r cydlynydd anghenion addysgol arbennig, athro/athrawes dosbarth eich plentyn, yr athrawon pwnc neu'r pennaeth. I osgoi camddealltwriaeth mae'n bwysig eich bod yn cydweithredu gymaint ag y gallwch gydag ysgol eich plentyn.

Mae'n bosib hefyd y gwelwch fod sgwrsio â rhieni eraill drwy gyfrwng eich gwasanaeth partneriaeth â rhieni lleol yn help, neu gysylltu â mudiadau gwirfoddol lleol a chenedlaethol ac â grwpiau rhieni.

Gwasanaethau partneriaeth i rieni

Mae gan bob awdurdod lleol ddyletswydd i ddarparu gwybodaeth, cyngor a chymorth i rieni plant ag anghenion addysgol arbennig. Dylai hyn gael ei ddarparu gan staff pwrpasol yn gweithio ar wahân i dîm anghenion addysgol arbennig yr awdurdod lleol. Bydd hyn yn eich sicrhau bod y cyngor a'r wybodaeth yn ddiduedd, ac nad yw'r bobl sy'n eu rhoi yn gysylltiedig â'r broses gwneud penderfyniadau yng nghyswllt anghenion addysgol arbennig.

Daw rhai gwasanaethau partneriaeth â rhieni dan adain y sector gwirfoddol ond mae'r rhan fwyaf yn parhau dan ofal yr awdurdod lleol. Mae'r rhan fwyaf o wasanaethau hefyd yn cynnig mynediad at Gynhalwyr Annibynnol i Rieni, sef gwirfoddolwyr wedi'u hyfforddi i ddarparu cymorth personol i rieni.

• Cysylltu â'ch cyngor lleol

• Cysylltu â’ch Rhwydwaith Partneriaeth â Rhieni Cenedlaethol

Beth mae gwasanaethau partneriaeth â rhieni yn ei wneud?

Dylai'r rhan fwyaf o wasanaethau partneriaeth â rhieni gynnig y canlynol i chi:

• mynediad at linell gymorth gyfrinachol
• gwybodaeth a chyngor diduedd am faterion yn ymwneud ag anghenion addysgol arbennig
• cymorth i baratoi at gyfarfodydd a'u mynychu
• cymorth i lenwi ffurflenni ac ysgrifennu llythyrau/adroddiadau
• cymorth cychwynnol i ddatrys anghydfodau ag ysgol eich plentyn a'r awdurdod lleol
• manylion cyswllt gwasanaethau gwirfoddol a statudol eraill
• cysylltiadau â fforymau a grwpiau cefnogi lleol i rieni
• cyfle i gyflwyno'ch safbwyntiau, a fydd yn helpu i ategu a dylanwadu ar arferion a pholisïau lleol
• cyfleoedd hyfforddi

Bydd gan ysgol eich plentyn neu'ch awdurdod lleol fanylion am eich gwasanaeth lleol. Gellir dod o hyd i'r wybodaeth hon hefyd drwy'r Rhwydwaith Partneriaeth â Rhieni Cenedlaethol.

• Rhwydwaith Partneriaeth â Rhieni Cenedlaethol

• Dod o hyd i'ch awdurdod lleol Opens new window

Cyngor i rieni sydd â phlant anabl

Gwasanaeth Contact a Family

Mae Cyswllt Teulu'n cynnig cyngor, gwybodaeth a chymorth i deuluoedd sydd â phlant anabl gydag unrhyw agwedd ar addysg eu plentyn.

• Cysylltu â 'Cyswllt Teulu'

Parents for Inclusion

Elusen genedlaethol yw Parents for Inclusion a'i nod yw galluogi plant anabl i ddysgu, gwneud ffrindiau a chael llais mewn ysgolion cyffredin a thrwy gydol eu bywyd.

• Cysylltu â Parents for Inclusion

Cyngor i rieni sydd â phlant ag anghenion addysgol arbennig

Panel Annibynnol ar gyfer Cyngor Addysgol Arbennig (IPSEA)

Mae gan y Panel hwn arbenigwyr annibynnol a all roi cyngor am ddim i chi am anghenion addysgol arbennig eich plentyn.

Mae'r Panel Annibynnol ar gyfer Cyngor Addysgol Arbennig yn darparu'r canlynol:

• Cysylltu â'r Panel Annibynnol ar gyfer Cyngor Addysgol Arbennig (IPSEA)

Network 81

Mae Network 81 yn elusen gofrestredig ac yn gorff ymbarél o grwpiau cymorth i rieni. Ei nod yw gwella addysg i blant ag anghenion addysgol arbennig.

• Cysylltu â Network 81

Datrys anghytundebau

Os ydych chi'n dal yn methu datrys yr anghydfodau ynghylch anghenion eich plentyn gyda'r ysgol neu'r awdurdod lleol, fe allwch gael help cychwynnol drwy'r gwasanaeth partneriaeth â rhieni neu ddefnyddio'r trefniadau anffurfiol ar gyfer datrys anghydfod. Dylai eich awdurdod lleol ddarparu manylion. Nid yw defnyddio'r gwasanaeth yn effeithio ar eich hawl i apelio wrth y Tribiwnlys Anghenion Addysgol Arbennig ac Anabledd.

• Cysylltu â'ch cyngor lleol

• Cael gwybod mwy am Y Bartneriaeth Ranbarthol Opens new window

Tribiwnlys Anghenion Addysgol Arbennig ac Anabledd (SENDIST)

Yn ogystal â chymorth answyddogol ynglŷn â datrys anghydfodau, efallai y gallech chi hefyd apelio wrth y Tribiwnlys Anghenion Addysgol Arbennig ac Anabledd (SENDIST). Mae hwn yn gorff annibynnol sy'n gwrando ar apeliadau yn erbyn penderfyniadau a wneir gan awdurdodau lleol ynghylch asesiadau a datganiadau AAA.

• Cael gwybod am apelio yn erbyn penderfyniadau awdurdodau lleol Opens new window

Mwy o ddolenni defnyddiol

• Llwytho'r llyfryn 'SEN: a guide for parents and carers' Opens new window

• Gwasanaethau cefnogi eraill ar gyfer anghenion addysgol arbennig plant dan bump

• Adnabod anghenion addysgol arbennig plant dan bump oed

• Cael cymorth ar gyfer anghenion addysgol arbennig plant dan bump oed

• Siarad â rhieni eraill am anghenion addysgol arbennig (Mumsnet) Opens new window

Cysylltiadau defnyddiol

• Cysylltiadau rhieni

• Rhwydwaith Partneriaeth â Rhieni Cenedlaethol

• Panel Annibynnol ar gyfer Cyngor Addysg Arbennig (IPSEA)

• Tribiwnlys Haen Gyntaf Anghenion Addysgol ac Anabledd

• Network 81