Gwefan llywodraeth y DU

Poeni am ddatblygiad eich plentyn

Bydd eich plentyn yn dysgu drwy fod gyda phobl eraill ac archwilio'r byd o'u cwmpas.

Fodd bynnag, bydd rhai plant yn cael mwy o anhawster na'r rhan fwyaf o blant o'r un oedran:

Dywedir bod gan blant sydd â'r math hwn o anhawster dysgu neu anabledd 'anghenion addysgol arbennig'.

• Beth yw anghenion addysgol arbennig?

Cael gwybod mwy

Mae’n bwysig gweithredu os ydych chi'n meddwl y gall fod gan eich plentyn angen addysgol arbennig (AAA) ac nad oes neb wedi sylweddoli hyn. Dylech chi siarad â'r person sydd â chyfrifoldeb penodol dros anghenion addysgol arbennig yn ysgol feithrin, grŵp chwarae neu leoliad blynyddoedd cynnar eich plentyn. Y cydgysylltydd AAA fydd y person hwn.

Os nad yw'ch plentyn yn mynychu meithrinfa neu leoliad blynyddoedd cynnar arall, gallwch siarad â'ch cyngor lleol – gall eu tîm blynyddoedd cynnar a gofal plant eich helpu i ddod o hyd i ddarpariaeth blynyddoedd cynnar a gofal plant priodol. Gall eu tîm AAA roi cyngor i chi am anghenion addysgol arbennig. Fel arall, gallech gysylltu â Chanolfan Blant Cychwyn Cadarn yn eich ardal i gael help. Fe allech hefyd gael sgwrs â'ch meddyg neu'ch ymwelydd iechyd.

Mae gan y rhan fwyaf o awdurdodau lleol rwydwaith o wasanaethau i blant dan bump oed. Bydd awdurdodau lleol, mudiadau gwirfoddol a'r gwasanaethau cymdeithasol yn cydweithio'n agos i gefnogi plant sydd ag anghenion addysgol arbennig.

• Cysylltu â’ch cyngor leol

• Dod o hyd i Ganolfan Blant Cychwyn Cadarn yn eich ardal chi

Cael help

Dylai meithrinfa neu ddosbarth derbyn eich plentyn allu ei helpu i oresgyn y rhwystrau sy'n codi o'i anawsterau. Fodd bynnag, mae'n bosib y bydd angen cymorth ychwanegol ar eich plentyn ar gyfer rhywfaint o'r amser y bydd yn ei dreulio ym myd addysg neu drwy'r cyfnod i gyd. Os nad yw'ch plentyn mewn meithrinfa neu ddosbarth derbyn gall y cyngor lleol eich cynghori am ddarpariaeth addas yn lleol.

Dyma ambell bwynt i'w gofio:

• fel arfer caiff anghenion eich plentyn eu diwallu mewn meithrinfa, cylch chwarae neu ysgol brif ffrwd, weithiau gyda help arbenigwyr
• dylai rhywun ofyn i chi am yr holl benderfyniadau sy'n effeithio ar eich plentyn
• dylai eich barn chi gael ei hystyried bob tro

Mae help ychwanegol ar gael i'ch plentyn gan arbenigwyr, athrawon a chydlynwyr AAA, a chan fudiadau gwirfoddol sy'n cynnig cyngor, a hwnnw'n aml yn gysylltiedig ag anghenion penodol.

• Cymorth ar gyfer anghenion addysgol arbennig plant dan bump

• Cymorth ar gyfer anghenion addysgol arbennig: gwasanaethau partneriaeth â rhieni a mudiadau eraill

• Anghenion addysgol arbennig – cwestiynau poblogaidd Opens new window

Mwy o ddolenni defnyddiol

• Gofalu am blentyn anabl (adran gofalu am rywun)

• Lawrlwytho canllaw i rieni a gofalwyr: Anghenion Addysgol Arbennig (Adolygwyd 2009) Opens new window

• Siarad â rhieni eraill ynghylch anghenion addysgol arbennig (Mumsnet) Opens new window

Cysylltiadau defnyddiol

• Cysylltiadau rhieni