Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

Moduro

Moduro

Sut mae creu plât rhif

Mae'n rhaid arddangos rhif cofrestru'n gywir yn unol â'r gyfraith. Bydd angen i chi fynd at ddarparwr platiau rhif cofrestredig er mwyn cael platiau rhif newydd ar gyfer eich cerbyd. Bydd angen prawf o bwy ydych chi ar y darparwr cofrestredig, yn ogystal â phrawf mai chi sy'n berchen ar y rhif cofrestru.

Beth mae ei angen arnoch

Bydd yn rhaid i'r darparwr plât rhif weld o leiaf un ddogfen o bob un o'r rhestrau isod. Bydd hyn yn galluogi'r darparwr plât rhif i gadarnhau eich enw, eich cyfeiriad a'ch hawl i'r rhif cofrestru. Mae'n rhaid i bob dogfen fod yn wreiddiol, nid copïau.

Dogfennau i gadarnhau pwy ydych chi

Un o’r canlynol:

  • trwydded yrru, wedi'i chyhoeddi yn y Deyrnas Unedig (DU) ai peidio (gyda llun neu heb lun)
  • bil gan eich cyflenwr dŵr, nwy neu drydan, bil llinell ffôn ddaearol, bil treth cyngor neu fil cyfraddau yng Ngogledd Iwerddon (a roddir o fewn y chwe mis diwethaf)
  • cyfriflen gan fanc neu gymdeithas adeiladu (a roddir o fewn y chwe mis diwethaf)
  • pasbort, wedi'i gyhoeddi yn y DU ai peidio
  • cerdyn adnabod cenedlaethol a gyhoeddwyd gan lywodraeth gwladwriaeth neu diriogaeth arall heblaw'r DU
  • cerdyn debyd neu gerdyn credyd gan fanc neu gymdeithas adeiladu
  • cerdyn gwarant yr heddlu
  • cerdyn adnabod y lluoedd arfog

Dogfennau i sefydlu eich hawl i'r rhif cofrestru

Un o’r canlynol:

  • tystysgrif cofrestru cerbyd (V5C neu V5CNI)
  • atodiad ceidwad newydd (V5C/2 neu V5C/2NI)
  • tystysgrif hawl (V750 neu V750NI) i rif cofrestru cerbyd
  • dogfen cadw rhif (V778) (ddim yn berthnasol yng Ngogledd Iwerddon)
  • ffurflen atgoffa am ddisg dreth neu Hysbysiad Oddi-ar-y-Ffordd Statudol (V11 neu V11NI)
  • ffurflen cerdyn cofrestru cerbyd am ymweliad dros dro (V573)
  • tystysgrif cofrestru dros dro (V379 neu V379NI)
  • tystysgrif awdurdodi plât rhif (V948) gyda stamp swyddogol arni gan yr Asiantaeth Trwyddedu Gyrwyr a Cherbydau (DVLA), yr Asiantaeth Gyrwyr a Cherbydau (DVA) neu'r Asiantaeth Gwasanaethau Cerbydau a Gweithredwyr (VOSA)
  • llythyr awdurdodi gan reolwr fflyd (gan gynnwys cwmni prydlesu/llogi) - rhaid dyfynnu cyfeirnod y ddogfen sydd ar y dystysgrif cofrestru ar y llythyr

Dod o hyd i'ch darparwr platiau rhif cofrestredig agosaf

Cofiwch, dim ond darparwr platiau rhif cofrestredig y dylech ei ddefnyddio. Bydd angen iddo weld y dogfennau gwreiddiol cyn y gall ddarparu platiau rhif newydd i chi.

Yn yr adran hon...

Allweddumynediad llywodraeth y DU