Gwefan llywodraeth y DU

Gwybodaeth ynglŷn â’r ffurflen Dychwelyd Gwybodaeth am Ystad

Mae’r ffurflen Dychwelyd Gwybodaeth am Ystad yn dangos i Gyllid a Thollau EM bod yr ystad yr ydych yn delio â hi yn ystad eithriedig. Os nad yw’n ystad eithriedig, bydd y ffurflen yn dweud wrthych am lenwi cyfrif Treth Etifeddu llawn yn lle – ffurflen IHT400.

Pryd ddylech chi ddefnyddio’r ffurflen – ystadau eithriedig

Fel arfer, os nad oes Treth Etifeddu i’w thalu ar ystad, bydd yn ystad eithriedig. Ond nid yw hyn yn wir bob tro.

Mae ystad fel arfer yn ystad eithriedig os yw un o’r canlynol yn berthnasol:

• mae’n ystad o werth isel – mae’i gwerth o dan drothwy’r Dreth Etifeddu (£325,000 yn y flwyddyn dreth 2012-13)
• mae’n ystad eithriedig – mae’r sawl a fu farw wedi gadael popeth (neu bopeth dros ac uwchben trothwy’r Dreth Etifeddu) i gymar neu bartner sifil yn byw yn y DU neu i elusen ‘gymwys’ (a bod yr ystad yn werth llai na £1 miliwn)
• gellir trosglwyddo 100 y cant o’r trothwy Treth Etifeddu nas defnyddiwyd oddi wrth gymar neu bartner sifil a fu farw i’r ymadawedig a bod yr ystad yn werth llai na dwywaith y trothwy ar gyfer Treth Etifeddu (£650,000 y flwyddyn dreth 2012-13)
• roedd y sawl a fu farw yn preswylio dramor - roedd yn byw dramor yn barhaol, a bu farw dramor, ac mae gwerth ei asedau yn y DU yn llai na £150,000

Fodd bynnag, mae rheolau eraill y mae’n rhaid i chi eu hystyried hefyd. Gweler yr adran isod ynglŷn â phryd na ddylech chi ddefnyddio’r ffurflen.

• Trosglwyddo trothwy Treth Etifeddu nas defnyddiwyd

• Treth Etifeddu os oedd y sawl a fu farw’n preswylio dramor Opens new window

• Rhoi i elusen mewn modd treth-effeithlon – yr wybodaeth sylfaenol Opens new window

Pryd na ddylech chi ddefnyddio’r ffurflen

Mae rhai rheolau sy’n golygu na all ystad fod yn ystad eithriedig, hyd yn oed os nad oes Treth Etifeddu’n ddyledus ganddi. Yn yr achosion hyn, dylech lenwi ffurflen cyfrif Treth Etifeddu llawn – IHT400.

• Beth sy'n gymwys fel 'ystad eithriedig' ar gyfer y Dreth Etifeddu?

Pa fersiwn o’r ffurflen ddylech chi’i defnyddio

Mae sawl math a fersiwn o’r ffurflen Dychwelyd Gwybodaeth am Ystad i'w cael. Mae’r un y dylech ei defnyddio yn dibynnu gan fwyaf ar lle'r oedd y sawl a fu farw yn byw, a'r dyddiad y bu farw.

Y ffurflenni a ddefnyddir amlaf yw:

• IHT205 – os oedd y sawl a fu farw yn byw yng Nghymru, yn Lloegr neu yng Ngogledd Iwerddon
• C5 – os oedd y sawl a fu farw yn byw yn yr Alban
• IHT207 – os oedd y sawl a fu farw yn byw dramor gydag asedau o hyd at £150,000 yng Nghymru, yn Lloegr, neu yng Ngogledd Iwerddon
• C5(OUK) – os oedd y sawl a fu farw yn byw dramor gydag asedau o hyd at £150,000 yn yr Alban
• C5(SE) – os oedd gan y sawl a fu farw ystad fechan yn yr Alban, sy’n werth llai na £30,000

Mae hefyd yn hanfodol eich bod yn defnyddio'r fersiwn gywir o’r ffurflen ar sail y dyddiad y bu’r unigolyn farw.

• Dod o hyd i'r ffurflenni Treth Etifeddu a phrofiant cywir

Pwy sy’n llofnodi’r ffurflen ac i le y dylech ei hanfon?

Mae pob ysgutor neu gynrychiolydd personol yn llofnodi’r ffurflen Dychwelyd Gwybodaeth am Ystad, gan y byddant oll yn cael eu henwi ar y grant profiant (neu gadarnhad yn yr Alban).

Os ydych chi yng Nghymru neu yn Lloegr, dylech anfon y ffurflen IHT205 i'ch Cofrestrfa Brofiant agosaf. Bydd hefyd angen i chi gynnwys ffurflen PA1 Cais am Brofiant, yr ewyllys wreiddiol, y dystysgrif farwolaeth a ffi’r profiant.

Mae’r broses ychydig yn wahanol yn yr Alban ac yng Ngogledd Iwerddon.

• Treth Etifeddu a'r broses profiant (cadarnhau)

• Dod o hyd i gofrestrfa brofiant yng Nghymru a Lloegr Opens new window

Cwestiynau cyffredin ynglŷn â ffurflenni IHT205 a C5

Prif ddiben y ffurflen Dychwelyd Gwybodaeth am Ystad yw cadarnhau bod yr ystad yn ystad eithriedig.

Bydd gan y rhan fwyaf o bobl ystad eithriedig sy'n golygu y bydd angen i chi lenwi'r ffurflen Dychwelyd Gwybodaeth am Ystad IHT205 (neu C5 ar gyfer yr Alban). Byddwch hefyd yn ateb ‘na’ i’r rhan fwyaf o gwestiynau ar y ffurflen, neu bydd y cwestiynau ddim yn berthnasol i'r sawl a fu farw.

Efallai y bydd angen egluro rhai cwestiynau a’r derminoleg ar ffurflenni IHT205 a C5 i bobl sydd ddim yn arbenigwyr. Dilynwch y ddolen isod i gael crynodebau o’r cwestiynau mwyaf cyffredin ynghylch rhoddion, ymddiriedolaethau, polisïau yswiriant, pensiynau, eithriadau ac asedau.

Mae canllawiau llawn ar gyfer y ffurflenni IHT205 a C5 hefyd ar gael i'w llwytho o'r dolenni isod.

• Rhoddion – cwestiynau 2 a 3

• Ymddiriedolaethau – cwestiwn 4

• Polisïau yswiriant – cwestiynau 6 ac 11

• Pensiynau – cwestiynau 7 - 10, a 12

• Canllawiau IHT206 ar gyfer ffurflen IHT20 Opens new window

• Canllawiau C3 ar gyfer ffurflen C5 Opens new window

Angen rhagor o help?

Efallai y byddai o gymorth i chi drafod llenwi’r ffurflenni â’ch twrnai. Ceir dolenni at sefydliadau proffesiynol isod, ond ni fydd pawb wedi’i gofrestru gyda nhw.

• Dod o hyd i dwrnai ar wefan Cymdeithas Cyfreithwyr Cymru a Lloegr Opens new window

• Dod o hyd i dwrnai ar wefan Cymdeithas Cyfreithwyr Gogledd Iwerddon Opens new window

• Dod o hyd i dwrnai ar wefan Cymdeithas Cyfreithwyr yr Alban Opens new window

Cysylltiadau defnyddiol

• Llinell Gymorth Profiant a Threth Etifeddu