Gwefan llywodraeth y DU

Ffurflenni profiant (neu gadarnhad)

Mae’r ffurflenni y bydd eu hangen arnoch ar gyfer profiant (neu gadarnhad) yn dibynnu ar ble’r oedd yr ymadawedig yn byw. Fe’u llenwir ar yr un pryd â’r ffurflenni Treth Etifeddu sy’n briodol ar gyfer eich amgylchiadau – gweler yr adrannau isod ar ‘Ffurflenni ar gyfer ystadau eithriedig’ a ‘Ffurflenni pan fydd Treth Etifeddu yn ddyledus’.

• Treth Etifeddu a'r broses profiant/cadarnhad

Os oedd yr ymadawedig yn byw yng Nghymru neu’n Lloegr fel arfer

• Ffurflen PA1 - Ffurflen Gais am Brofiant ar wefan Cyllid a Thollau EM Opens new window

Os oedd yr ymadawedig yn byw yn yr Alban

• Find form C1 - Confirmation with inventory on the HMRC website Opens new window

Os oedd yr ymadawedig yn byw yng Ngogledd Iwerddon

Dylai’r ysgutor drefnu apwyntiad gyda Gwasanaeth Llys Gogledd Iwerddon, a byddan nhw’n darparu’r ffurflenni profiant.

Cewch wybod mwy am ddelio ag ystâd rhywun sydd wedi marw yng Ngogledd Iwerddon gan wefan Llysoedd a Thribiwnlysoedd Gogledd Iwerddon - dilynwch y ddolen isod.

• Delio ag ystad rhywun sydd wedi marw yng Ngogledd Iwerddon Opens new window

Ffurflenni ar gyfer ‘ystadau eithriedig’ – lle nad oes angen cyfrif Treth Etifeddu llawn

Mae’r rhan fwyaf o ystadau yn ystadau eithriedig. Mae hyn yn golygu nad oes angen iddynt dalu unrhyw Dreth Etifeddu. (Ond, nid yw pob ystad lle nad oes angen talu Treth Etifeddu yn ystadau eithriedig.)

Os nad ydych yn siŵr a yw’r ystad yn ‘eithriedig’, gweler y ddolen isod ynghylch beth yw ystyr ystad eithriedig.

• Beth sy'n gymwys fel 'ystad eithriedig' ar gyfer y Dreth Etifeddu?

Mae angen ffurflen ‘Dychwelyd Gwybodaeth am Ystad’ ar gyfer ystad eithriedig. Ceir fersiynau gwahanol o’r ffurflen, gan ddibynnu’n bennaf ar ble roedd yr ymadawedig yn byw a dyddiad eu marwolaeth. Edrychwch ar frig y dudalen gyntaf i wneud yn siŵr bod gennych y ffurflen gywir ar gyfer dyddiad y farwolaeth.

• Cymorth gyda'r ffurflenni 'Dychwelyd Gwybodaeth am Ystad' ar gyfer y Dreth Etifeddu

Os oedd yr ymadawedig yn byw yng Nghymru, yn Lloegr neu yng Ngogledd Iwerddon

• Ffurflen IHT205 - Dychwelyd Gwybodaeth am yr Ystad, ar wefan Cyllid a Thollau EM Opens new window

Os oedd yr ymadawedig yn byw yn yr Alban

Mae’r ffurflen y bydd ei hangen arnoch yn dibynnu ar werth ystad yr ymadawedig – gweler y dolenni isod.

• Ffurflen C5 (SE) – Gwybodaeth am Ystadau Bach (ystadau sydd werth llai na £30,000) Opens new window

• Ffurflen C5 – Dychwelyd Gwybodaeth am yr Ystad (pob math arall o ystad) Opens new window

Os oedd yr ymadawedig yn byw dramor (ond bod ganddo werth llai na £150,000 o asedau yn y DU)

Yn yr achos hwn, rhaid bod cartref parhaol yr ymadawedig dramor a’i asedau yn y DU yn llai na £150,000 ac yn cynnwys arian parod, cyfrifon banc a stociau a chyfranddaliadau rhestredig yn unig.

O ran asedau yng Nghymru, yn Lloegr neu yng Ngogledd Iwerddon:

• Dod o hyd i'r ffurflen IHT207 - Dychwelyd Gwybodaeth am Ystad Opens new window

O ran asedau yn yr Alban:

• Dod o hyd i'r ffurflen C5 (OUK) - Dychwelyd Gwybodaeth am Ystad Opens new window

Trosglwyddo trothwy Treth Etifeddu sydd heb ei ddefnyddio

Os caiff trothwy Treth Etifeddu sydd heb ei ddefnyddio ei drosglwyddo fel bod yr eiddo yn gallu fod yn gymwys ar gyfer eiddo eithriedig, bydd angen i chi hefyd gwblhau’r ffurflen gais IHT217 i drosglwyddo’r band cyfradd dim sydd heb ei ddefnyddio ar gyfer eiddo eithriedig.

• Ffurflen IHT217 Cais i drosglwyddo’r band cyfradd dim sydd heb ei ddefnyddio ar gyfer eiddo eithriedig Opens new window

Ffurflenni pan fydd Treth Etifeddu yn ddyledus – neu bod angen cyfrif llawn

Os oes Treth Etifeddu yn ddyledus ar yr ystad – neu os nad yw’n ystad eithriedig – bydd yn rhaid i chi lenwi cyfrif Treth Etifeddu llawn.

Y brif ffurflen y bydd ei hangen arnoch yw ffurflen Cyfrif Treth Etifeddu 1HT 400, ac unrhyw dudalennau atodol. Mae’r ffurflen hefyd wedi disodli ffurflen IHT 200, ac nid yw’n gwneud gwahaniaeth ymhle roedd yr ymadawedig yn byw.

Bydd angen i chi lenwi ffurflen IHT 421 Crynodeb Profiant hefyd (neu ffurflen Gadarnhad C1 yn yr Alban).

• Ffurflen IHT400 - Cyfrif Treth Etifeddu Opens new window

• Ffurflen IHT421 - Crynodeb Profiant (yng Nghymru, Lloegr neu Gogledd Iwerddon) Opens new window

• Dod o hyd i ffurflen C1 - Cadarnhau gyda rhestr eiddo ar wefan GLlEM (yn yr Alban) Opens new window

Y ffurflen ar gyfer talu Treth Etifeddu

Os oes gennych unrhyw Dreth Etifeddu i’w thalu, rhaid i chi hefyd wneud cais am slip talu a chyfeirnod Treth Etifeddu. Os ydych chi’n gwybod beth oedd rhif Yswiriant Gwladol yr ymadawedig, gallwch wneud cais ar-lein gan ddefnyddio’r ddolen isod.

• Ei wneud ar y we – cael cyfeirnod Treth Etifeddu Opens new window

Os nad ydych yn gwybod beth oedd rhif Yswiriant Gwladol yr ymadawedig – neu os nad oedd un ganddynt – gallwch ddefnyddio’r ddolen isod i lwytho ffurflen IHT 422 i wneud cais am gyfeirnod Treth Etifeddu drwy’r post.

• Ffurflen IHT422 - Gwneud cais am Gyfeirnod Treth Etifeddu Opens new window

• Sut mae gwneud taliad Treth Etifeddu Opens new window

Ffurflenni pan fydd Treth Etifeddu yn ddyledus ar ymddiriedolaeth

Mae’r brif ffurflen y mae ei hangen arnoch ar gyfer talu Treth Etifeddu ar ymddiriedolaeth – a elwir yn ‘ddigwyddiad y codir ffi amdano’ – yr un fath ym mhob gwlad.

• Ffurflen IHT100 – Cyfrif Treth Etifeddu Opens new window

Gan ddibynnu ar eich amgylchiadau, bydd angen ffurflen ‘digwyddiadau’ arnoch hefyd. Efallai y bydd angen un neu ragor o dudalennau atodol arnoch hefyd. Bydd y ddolen isod yn eich tywys i dudalen a fydd yn dweud wrthoch pa ffurflenni eraill y bydd eu hangen arnoch.

• Mwy o wybodaeth am Dreth Etifeddu ac ymddiriedolaethau Opens new window

Ffurflen ar gyfer cywiro eich cyfrif Treth Etifeddu

Os byddwch yn ffeilio Cyfrif Treth Etifeddu a bod yr amgylchiadau’n ymwneud â’r asedau yn newid yn ddiweddarach, bydd angen i chi anfon gyflwyno ffurflen C4 Cywiro’r Cyfrif. Bydd hyn yn gadael i chi ddangos ymhle rydych wedi talu gormod neu heb dalu digon o Dreth Etifeddu. Bydd yn rhoi caniatâd i chi gyfrifo asedau:

• a gafodd eu hepgor yn anfwriadol
• sydd wedi newid mewn gwerth

Os oes arnoch angen Grant Cadarnhau ychwanegol ar gyfer asedau yn yr Alban, bydd angen i chi lenwi ffurflen C4(S) Cywiro’r Cyfrif/Rhestr Lawn.

• Ffurflen C4 - Cywiro'r Cyfrif Opens new window

• Ffurflen C4(S) - Cywiro’r Cyfrif/Rhestr Lawn (yr Alban) Opens new window

Mwy o ddolenni defnyddiol

• Cymorth gyda'r ffurflenni 'Dychwelyd Gwybodaeth am Ystad' ar gyfer y Dreth Etifeddu

• Dod o hyd i bob ffurflen ar gyfer profiant a Threth Etifeddu Opens new window

• Talu Treth Etifeddu Opens new window

• Treth Etifeddu - canllaw i gwsmeriaid os oedd yr ymadawedig yn 'preswylio' dramor Opens new window