Gwefan llywodraeth y DU

Pensiynau - cwestiynau 7 ac 8

Os nad oedd yr unigolyn a fu farw yn cael pensiwn ar wahân i Bensiwn y Wladwriaeth, gallwch ateb 'na' i gwestiwn 7 a symud ymlaen.

Os oedd yn cael pensiwn ar wahân i Bensiwn y Wladwriaeth, bydd angen i chi ateb cwestiwn 8.

Dylai darparwr pensiwn yr unigolyn a fu farw allu ateb unrhyw gwestiynau cychwynnol a all fod gennych. Caiff y manylion cyswllt eu cadw ar unrhyw bapurau sy'n ymwneud â'r pensiwn. Bydd ganddynt yr holl fanylion sydd eu hangen arnoch am y math o bensiwn yr oedd yr unigolyn a fu farw yn ei gael a pha fath o fuddiannau marwolaeth a oedd ganddo.

Ni all Llinell Gymorth Treth Profiant ac Etifeddiant Cyllid a Thollau EM (CThEM) ddweud unrhyw beth wrthych am drefniadau pensiwn yr unigolyn a fu farw.

Gallwch ateb 'na' i'r tair rhan o gwestiwn 8 os yw pob un o'r canlynol yn berthnasol o ran yr unigolyn a fu farw:

• nid oedd yn 75 oed cyn 22 Mehefin 2010 (mae hyn yn golygu ei fod wedi'i eni ar 22 Mehefin 1935 neu ar ôl hynny)
• nid oedd yn cael unrhyw fath o bensiwn dibynnydd
• nid oedd wedi newid ei drefniadau pensiwn yn ystod y ddwy flynedd cyn iddo farw ac eithrio i bensiynau a dalwyd i'w briod neu bartner sifil

Cwestiwn 8 - Pensiynau a Ddiogelir mewn ffordd Amgen

Mae Pensiynau a Ddiogelir mewn ffordd Amgen yn gymharol anghyffredin am nad oeddent yn bodoli cyn 6 Ebrill 2006 a daethant i ben ar 6 Ebrill 2011. Roeddent ar gael i bobl a oedd yn cyrraedd 75 oed ac nad oeddent am brynu blwydd-dal gyda'u cronfa bensiwn. Cododd yr oedran i 77 o 22 Mehefin 2010. Os yw un o'r canlynol yn berthnasol i'r unigolyn a fu farw, mae'n debygol nad oedd ganddo Bensiwn a Ddiogelir mewn Ffordd Amgen:

• bu farw cyn 6 Ebrill 2006
• roedd yn iau na 75 oed pan fu farw
• os oedd dros 75 oed pan fu farw, defnyddiodd ei holl gronfeydd pensiwn i brynu blwydd-dal

Cwestiwn 8 - Pensiwn Dibynnydd

Mae pensiwn nas diogelir yn galluogi rhywun i gael incwm o'i gronfa bensiwn tra bydd ei gronfeydd wedi'u buddsoddi o hyd. Mae'n ddewis amgen i brynu blwydd-dal.

Os mai'r unigolyn a fu farw oedd dibynnydd perthnasol rhywun a fu farw gyda Phensiwn a Ddiogelir mewn ffordd Amgen neu bensiwn nas diogelir, atebwch 'ie' i'r cwestiwn hwn.

Mae'r dibynnydd perthnasol:

• yn briod neu'n bartner sifil i berchennog gwreiddiol y Pensiwn a Ddiogelir mewn ffordd Amgen neu bensiwn nas diogelir
• yn blentyn sy'n iau na 23 oed i berchennog gwreiddiol y Pensiwn a Ddiogelir mewn ffordd Amgen neu bensiwn nas diogelir
• yn blentyn o unrhyw oed i unrhyw unigolyn arall a oedd yn ddibynnol yn ariannol ar berchennog gwreiddiol y Pensiwn a Ddiogelir mewn ffordd Amgen neu bensiwn nas diogelir - neu'n ddibynnol oherwydd nam corfforol neu feddyliol

Os ydych wedi ateb 'ie' i'r cwestiwn hwn, ni fydd ystad yr unigolyn a fu farw yn ystad a gaiff ei eithrio. Bydd yn rhaid i chi ffeilio cyfrif Treth Etifeddiant llawn - ffurflen IHT400.

• Ffurflen IHT400 – Cyfrif Treth Etifeddu Opens new window

Mwy o ddolenni defnyddiol

• Canllawiau IHT206 ar gyfer ffurflen IHT205 Opens new window

• Canllawiau C3 ar gyfer ffurflen C5 Opens new window

• Sut i gyfrifo gwerth buddiannau pensiwn sydd wedi'u rhoi i ffwrdd Opens new window