Gwefan llywodraeth y DU

Os yw’ch plentyn yn angheuol wael

Dim ond os yw’ch plentyn yn angheuol wael y gallwch gymryd arian o’r cyfrif Cronfa Ymddiriedolaeth Plant cyn iddo gyrraedd 18 oed. Mae hyn yn golygu bod ganddo glefyd neu salwch sy’n mynd i waethygu, a’i fod yn debygol o farw o fewn chwe mis.

Pwy all dynnu’r arian o’r cyfrif?

Dim ond y person cyswllt cofrestredig all gymryd yr arian o’r cyfrif. Y person cyswllt cofrestredig yw’r prif bwynt cyswllt ar gyfer y cyfrif.

Os nad oes person cyswllt cofrestredig, bydd angen i bwy bynnag sydd â chyfrifoldeb rhiant dros y plentyn wneud cais i’r darparwr er mwyn cael rheoli’r cyfrif.

• Rheoli neu newid cyfrif Cronfa Ymddiriedolaeth Plant

Sut mae tynnu’r arian o’r cyfrif

Cysylltwch â Llinell Gymorth y Gronfa Ymddiriedolaeth Plant er mwyn rhoi gwybod iddynt am y canlynol:

• bod eich plentyn yn angheuol wael
• eich bod am dynnu arian o’r cyfrif Cronfa Ymddiriedolaeth Plant

Bydd angen i chi ddarparu tystiolaeth bod eich plentyn yn angheuol wael.

Os yw eich plentyn eisoes yn cael Lwfans Byw i’r Anabl oherwydd ei salwch, rhowch wybod i Linell Gymorth y Gronfa Ymddiriedolaeth Plant pan fyddwch yn cysylltu â nhw.

Os nad yw’ch plentyn yn cael Lwfans Byw i’r Anabl, bydd Cyllid a Thollau EM yn anfon ffurflen ichi i’ch meddyg ei llenwi a’i dychwelyd i Swyddfa’r Gronfa Ymddiriedolaeth Plant.

• Manylion cyswllt Llinell Gymorth y Gronfa Ymddiriedolaeth Plant

• Lwfans Byw i'r Anabl

Beth sy'n digwydd nesaf

Bydd Cyllid a Thollau EM yn rhoi gwybod i chi a’r darparwr a allwch gymryd arian o’r cyfrif.

Os yw'ch plentyn wedi marw

Bydd yr arian yn y cyfrif yn cael ei dalu i’r unigolyn sy’n ‘etifeddu’ ystâd y plentyn (ei eiddo a'i feddiannau). Yn aml, un o rieni’r plentyn fydd yr unigolyn hwn, ond os oedd yn briod, efallai mai gwraig neu ŵr y plentyn fydd yr unigolyn hwn.

Os nad oeddech chi’n gallu agor y cyfrif cyn i’ch plentyn farw, bydd Cyllid a Thollau EM yn dal yn talu'r hyn roedd gan eich plentyn yr hawl i’w gael.

Os ydych chi’n cael Budd-dal Plant ar gyfer plentyn sydd wedi marw, gallwch ddal ati i hawlio am amser byr. Gallai hyn helpu hefyd gydag unrhyw gostau ychwanegol y byddwch yn eu hwynebu yn ystod y cyfnod hwn.

• Budd-dal plant os yw eich plentyn wedi marw

Yr hyn y mae angen i chi ei wneud

Bydd hwn yn gyfnod anodd iawn i chi. Os yw eich plentyn wedi marw, gwnewch eich gorau glas i wneud y canlynol:

• os yw’r cyfrif eisoes wedi'i agor – dywedwch wrth ddarparwr y cyfrif
• os ydych chi’n cael Budd-dal Plant ar gyfer y plentyn sydd wedi marw – rhowch wybod i'r Swyddfa Budd-dal Plant
• os nad ydych chi wedi agor cyfrif eto – dywedwch wrth Linell Gymorth y Gronfa Ymddiriedolaeth Plant

Fel arfer, bydd ar ddarparwr y cyfrif angen tystiolaeth, er enghraifft, mae'n bosib y bydd yn gofyn am y dystysgrif farwolaeth.

• Cronfa Ymddiriedolaeth Plant: darparwyr cyfrifon yn nhrefn yr wyddor

• Rhoi gwybod am newid mewn amgylchiadau ar-lein ar gyfer Budd-dal Plant Opens new window

• Manylion cyswllt y Llinell Gymorth Budd-dal Plant

• Manylion cyswllt Llinell Gymorth y Gronfa Ymddiriedolaeth Plant

Mwy o ddolenni defnyddiol

• Problemau gyda'r Gronfa Ymddiriedolaeth Plant - ble i ddechrau

• Cyngor, cefnogaeth a chysur i rai sydd mewn profedigaeth