Gwefan llywodraeth y DU

Beth mae'r Swyddfa Credyd Treth yn ei wneud i atal twyll

Mae'r Swyddfa Credyd Treth yn gweithio'n galed i'ch gwarchod chi a'r system rhag y risg o dwyll drwy wneud y canlynol:

• mynd ati'n gyson i archwilio'r manylion a roddir ar ffurflenni hawlio
• holi darparwyr gofal plant a chyflogwyr i wneud yn siŵr bod y manylion yn gywir
• gweithio'n agos gyda sefydliadau fel yr Adran Gwaith a Phensiynau, yr Heddlu, a'r Gwasanaeth Mewnfudo
• gweithio'n agos gyda Chymdeithas Bancio Prydain er mwyn dod o hyd i gyfrifon banc sy'n cael eu defnyddio at ddibenion twyll credydau treth

Pan fyddant yn gweithio gyda chyrff eraill, byddant yn gwneud yn siŵr eu bod yn cydymffurfio â deddfau diogelu data.

Mathau o ymchwiliadau i dwyll

Pan fydd y Swyddfa Credyd Treth yn darganfod achos o dwyll gallant:

• roi cosb ariannol
• erlyn

Gallant ddefnyddio dau fath o ymchwiliad i ddelio gyda thwyll credydau treth:

• ymchwiliadau sifil
• ymchwiliadau troseddol

Ymchwiliadau sifil

Nod ymchwiliad sifil yw cael unrhyw daliadau credyd treth sydd wedi eu hawlio drwy dwyll yn ôl, ynghyd ag unrhyw log. Bydd y Swyddfa Credyd Treth hefyd yn rhoi cosb ariannol. Ni fydd ymchwiliad sifil yn arwain at erlyniad.

Os bydd y Swyddfa Credyd Treth yn codi dirwy ar rywun, gallant ystyried ei lleihau os oedd yr unigolyn:

• wedi sylweddoli eu bod nhw wedi gwneud camgymeriad
• wedi rhoi’r holl ffeithiau i’r Swyddfa Credyd Treth yn wirfoddol, heb fod rhywun wedi gofyn iddynt wneud – a chyn i rywun ddechrau gwirio eu manylion

Er enghraifft, efallai bod yr unigolyn wedi sylweddoli eu bod nhw wedi gwneud camgymeriad ar ôl darllen taflen ynghylch credydau treth, neu wybodaeth ar y rhyngrwyd.

• Cosbau credydau treth

Ymchwiliadau Troseddol

Bydd y Swyddfa Credyd Treth yn ceisio delio â thwyll credydau treth gydag ymchwiliadau sifil pan fydd hynny'n bosib. Dim ond mewn achosion difrifol iawn y byddant yn defnyddio ymchwiliadau troseddol, a hynny:

• pan maent am anfon neges gadarn i atal pobl eraill rhag ceisio gwneud yr un fath
• pan mae'r unigolyn wedi gweithredu mewn modd sy'n golygu mai ymchwiliad troseddol yw'r unig opsiwn

Mae achosion difrifol yn cynnwys:

• twyll credydau treth wedi'i drefnu
• pan mae datganiadau ffug wedi cael eu gwneud
• pan mae dogfennau ffug wedi cael eu rhoi i'r Swyddfa Credyd Treth
• pan mae pobl sy'n hawlio credyd treth wedi cuddio gwybodaeth rhag y Swyddfa Credyd Treth, neu wedi'i chamarwain yn bwrpasol
• pan mae rhywun wedi cyflawni'r un math o drosedd o'r blaen
• pan geir tystiolaeth bod staff y Swyddfa Credyd Treth wedi dioddef ymosodiad neu wedi cael eu bygwth
• pan mae pobl wedi cymryd arnynt eu bod yn un o'u gweithwyr

Mwy o ddolenni defnyddiol

• Rhoi gwybod am dwyll budd-daliadau

• Troseddu a chyfiawnder ar-lein

• Polisi ymchwiliad troseddol Cyllid a Thollau EM Opens new window