Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

dolenni i dudalennau eraill yn yr adran hon

Arian, treth a budd-daliadau

Pobl sydd newydd gyrraedd y DU - ydych chi'n gymwys i gael credydau treth?

Os ydych wedi dod i fyw i'r DU o wlad arall mae'n bosib y cewch gredydau treth. Ond i fod yn gymwys i’w cael bydd yn rhaid i chi fodloni ambell reol sy’n ymwneud â ‘phreswylio’.

Pwy all gael credydau treth?

I gael credydau treth, fel arfer bydd angen i chi:

fod yn y DU
bod yn ‘preswylio fel arfer’ yn y DU – felly yma mae eich prif gartref

I gael Credyd Treth Plant, rhaid i chi hefyd gael 'yr hawl i breswylio' yn y DU.

Bod yn y DU

I gael credydau treth, fel arfer bydd yn rhaid i chi fod yn y DU. Byddwch yn dal yn gallu bod yn gymwys os ydych allan o’r wlad am gyfnodau byr, dros dro megis gwyliau.

Allwch chi hawlio credydau treth os ydych chi'n byw y tu allan i'r DU?

‘Preswylio fel arfer’

I gael credydau treth mae’n rhaid i chi fod yn preswylio fel arfer yn y DU. Byddwch fel rheol yn ‘preswylio fel arfer’:

os mai yn y DU y mae eich prif gartref
os ydych wedi dewis byw a setlo yma
os mai dim ond am gyfnodau byr y byddwch yn mynd dramor – ar wyliau er enghraifft

Bydd y Swyddfa Credyd Treth yn penderfynu a ydych yn preswylio fel arfer ai peidio drwy edrych ar eich holl amgylchiadau.

Preswylio fel arfer - enghraifft

Mae Aleksy, ei wraig a’i fab wedi symud i’r DU yn barhaol o Wlad Pwyl. Mae Aleksy’n gweithio fel datblygwr eiddo hunangyflogedig ac mae ei fab ar gofrestr yr ysgol leol. Mae prif gartref Aleksy yn y DU ac mae’r teulu wedi dewis byw a setlo yma. Felly ystyrir eu bod yn preswylio fel arfer yn y DU, ac fe gânt wneud hawliad am gredydau treth.

Meddu ar 'hawl i breswylio’ yn y DU

Mae gennych hawl i breswylio yn y DU os ydych:

yn un o ddinasyddion y DU
Ynysoedd y Sianel
Ynys Manaw
Weriniaeth Iwerddon

Os ydych chi o wlad arall, gwnewch yn siŵr bod gennych hawl i breswylio drwy ddefnyddio'r tabl isod. Mae’r wybodaeth yn yr tabl yn berthnasol o 1 Mai 2011 ymlaen.

O ble ydych chi	Pryd bydd gennych hawl i breswylio yn y DU
Awstria, Gwlad Belg, y Weriniaeth Tsiec, Cyprus, Denmarc, Estonia, Y Ffindir, Ffrainc, Yr Almaen, Groeg, Hwngari, Gwlad yr Iâ, Iwerddon, Yr Eidal, Latfia, Liechtenstein, Lithiwania, Lwcsembwrg, Malta, Yr Iseldiroedd, Norwy, Gwlad Pwyl, Portiwgal, Slofacia, Slofenia, Sbaen, Sweden, Y Swistir	Os yw un o'r canlynol yn berthnasol: rydych chi'n gweithio i gyflogwr neu'n hunangyflogedig yn y DU rydych chi'n chwilio am waith ac rydych chi wedi cofrestru â'r Ganolfan Byd Gwaith gallwch gynnal eich hun a’ch teulu yn ariannol – ac mae gennych yswiriant salwch cyfun ar eich cyfer chi ac ar gyfer eich teulu Mae hefyd gennych hawl i breswylio os yw un o’r pethau uchod yn berthnasol i aelod o’r teulu yr ydych yn dibynnu arnynt - er enghraifft, eich partner.
Bwlgaria, Romania	Os yw un o'r canlynol yn berthnasol: rydych chi’n gweithio, a chawsoch ddogfen awdurdodi gweithwyr cyn dechrau gweithio rydych chi’n hunan-gyflogedig yn y DU rydych chi wedi dod i’r DU fel rhan o’r Rhaglen Mudwyr Sgilgar Iawn ac mae gennych dystysgrif cofrestru rydych yn chwilio am waith, gallwch gynnal eich hun a’ch teulu yn ariannol – ac mae gennych yswiriant salwch cyfun ar eich cyfer chi ac ar gyfer eich teulu rydych chi wedi cofrestru â'r Ganolfan Byd Gwaith ac, am o leiaf 12 mis cyn bod yn ddi-waith, roeddech mewn swydd a oedd wedi'i hawdurdodi gan y Swyddfa Gartref Mae hefyd gennych hawl i breswylio os yw un o’r uchod yn berthnasol i aelod o’r teulu yr ydych yn dibynnu arno – er enghraifft, eich partner.
Dim un o’r gwledydd uchod	Os oes gennych ganiatâd i ddod i’r DU ac i aros yno.

Awstria, Gwlad Belg, y Weriniaeth Tsiec, Cyprus, Denmarc, Estonia, Y Ffindir, Ffrainc, Yr Almaen, Groeg, Hwngari, Gwlad yr Iâ, Iwerddon, Yr Eidal, Latfia, Liechtenstein, Lithiwania, Lwcsembwrg, Malta, Yr Iseldiroedd, Norwy, Gwlad Pwyl, Portiwgal, Slofacia, Slofenia, Sbaen, Sweden,
Y Swistir

Os yw un o'r canlynol yn berthnasol:

rydych chi'n gweithio i gyflogwr neu'n hunangyflogedig yn y DU
rydych chi'n chwilio am waith ac rydych chi wedi cofrestru â'r Ganolfan Byd Gwaith

gallwch gynnal eich hun a’ch teulu yn ariannol – ac mae gennych yswiriant salwch cyfun ar eich cyfer chi ac ar gyfer eich teulu

Mae hefyd gennych hawl i breswylio os yw un o’r pethau uchod yn berthnasol i aelod o’r teulu yr ydych yn dibynnu arnynt - er enghraifft, eich partner.

Bwlgaria, Romania

Os yw un o'r canlynol yn berthnasol:

rydych chi’n gweithio, a chawsoch ddogfen awdurdodi gweithwyr cyn dechrau gweithio
rydych chi’n hunan-gyflogedig yn y DU
rydych chi wedi dod i’r DU fel rhan o’r Rhaglen Mudwyr Sgilgar Iawn ac mae gennych dystysgrif cofrestru
rydych yn chwilio am waith, gallwch gynnal eich hun a’ch teulu yn ariannol – ac mae gennych yswiriant salwch cyfun ar eich cyfer chi ac ar gyfer eich teulu

rydych chi wedi cofrestru â'r Ganolfan Byd Gwaith ac, am o leiaf 12 mis cyn bod yn ddi-waith, roeddech mewn swydd a oedd wedi'i hawdurdodi gan y Swyddfa Gartref

Mae hefyd gennych hawl i breswylio os yw un o’r uchod yn berthnasol i aelod o’r teulu yr ydych yn dibynnu arno – er enghraifft, eich partner.

Dim un o’r gwledydd uchod

Os oes gennych ganiatâd i ddod i’r DU ac i aros yno.

Mewnfudo a chredydau treth

Mae’n bosib na fyddwch yn gallu cael credydau treth os ydych chi'n ddarostyngedig i ‘reolau mewnfudo’. Yn gyffredinol mae hyn yn golygu un o’r canlynol:

mae gennych chi ganiatâd i aros yn y DU ar yr amod nad ydych chi'n hawlio budd-daliadau
mae angen caniatâd arnoch i aros ond nid yw'r caniatâd hwnnw gennych chi

Weithiau, os ydych yn ddarostyngedig i reolau mewnfudo, efallai y gallech ddal i hawlio credydau treth. Er enghraifft os ydych yn dod o wlad y mae gan y DU gytundeb â hi sy’n cynnwys credydau treth, megis Twrci.

Cael gwybod mwy am fewnfudo a chredydau treth

Os ydych chi wedi dod i’r DU ond na ddaeth eich teulu gyda chi

Os ydy eich teulu yn byw yn un o wledydd eraill Ardal Economaidd Ewrop efallai byddwch chi'n gallu hawlio credydau treth ar eu cyfer.

Os ydych chi wedi dod i'r DU o wlad sydd y tu allan i Ardal Economaidd Ewrop neu'r Swistir, a bod eich teulu wedi aros yn eu gwlad eu hun, ni chewch hawlio ar eu cyfer. Gallwch hawlio credydau treth ar eu cyfer pan fyddant yn cyrraedd y DU.