Gwefan llywodraeth y DU

Pam mae angen i chi gyfrifo eich costau gofal plant

Mae angen i chi gyfrifo eich costau wythnosol cyfartalog yn gywir os ydych:

• yn hawlio help drwy gredydau treth ar gyfer eich costau gofal plant
• eisoes yn cael credydau treth ac mae eich costau gofal plant yn newid – efallai y bydd angen i chi roi gwybod bod eich amgylchiadau wedi newid

Fel arall efallai y byddwch chi'n cael gormod – neu ddim digon – o gredydau treth.

Beth i beidio â'u cynnwys yn eich costau

Wrth gyfrifo eich costau wythnosol cyfartalog, rhowch y costau gofal plant rydych chi eich hun yn talu amdanynt yn unig.

Peidiwch â chynnwys costau mae unrhyw un o'r symiau canlynol yn talu amdanynt:

• taliadau gofal plant gan eich cyflogwr – naill ai mewn arian neu dalebau
• taliadau gofal plant am ostyngiad yn eich tâl – gelwir hwn yn gytundeb ‘aberthu cyflog’
• taliadau neu grantiau gofal plant drwy un o Gynlluniau'r Llywodraeth, er enghraifft i'ch helpu chi i ddechrau gweithio neu oherwydd eich bod yn fyfyriwr
• costau gofal plant mae eich darparwr addysg neu'ch awdurdod lleol yn talu amdanynt ar gyfer gofal plant meithrinfa eich plentyn

Rydych yn hawlio ac wedi bod yn defnyddio gofal plant ers llai na blwyddyn

Defnyddiwch y tabl hwn i’ch helpu i gyfrifo eich costau gofal plant.

Os nad ydych chi wedi dechrau talu am ofal plant eto, gofynnwch i'ch darparwr beth fydd y gost.

Rydych yn hawlio ac wedi bod yn defnyddio gofal plant ers blwyddyn neu ragor

Bydd eich dull o gyfrifo’ch costau’n dibynnu ar a ydych bob amser yn talu – neu'n disgwyl talu – yr un costau gofal plant drwy gydol y flwyddyn.

Rydych bob amser yn talu – neu’n disgwyl talu – yr un costau

Defnyddiwch y tabl hwn os ydych bob amser yn talu – neu'n disgwyl talu – yr un costau gofal plant drwy gydol y flwyddyn. ‘Symiau sefydlog’ yw'r enw ar y rhain.

• Manylion cyswllt y Llinell Gymorth Credyd Treth

Rydych yn talu – neu’n disgwyl talu – symiau gwahanol

Weithiau efallai eich bod yn talu – neu'n disgwyl talu – symiau gwahanol ar gyfer gofal plant (‘symiau amrywiol’ yw'r enw ar y rhain).

Er enghraifft, rydych yn defnyddio gofal plant yn rheolaidd ond byddwch yn talu mwy – neu lai – yn ystod gwyliau'r ysgol na fyddwch chi yn ystod y tymor. Efallai fod hyn yn digwydd oherwydd bod yr oriau rydych chi'n defnyddio gofal plant yn newid o un wythnos i'r llall neu o un mis i'r llall.

Cyfrifwch y costau fel a ganlyn:

• adiwch faint rydych chi wedi'i wario gyda'i gilydd dros y 52 wythnos diwethaf (neu 12 mis os ydych chi'n talu bob mis neu fesul unrhyw gyfnod arall) – dechreuwch am yn ôl o'r dyddiad rydych chi'n gwneud y cyfrifiad
• rhannwch y ffigur hwn gyda 52
• talgrynnwch eich ateb i fyny i'r bunt agosaf

Rydych yn hawlio a dim ond yn defnyddio gofal plant am gyfnodau byr yn achlysurol

Efallai nad ydych yn defnyddio gofal plant fel arfer, dim ond am gyfnodau penodol bob hyn a hyn. Mae ‘penodol’ yn golygu eich bod yn gwybod pryd y bydd y gofal plant yn cychwyn ac yn gorffen. Gallai hyn fod yn ystod gwyliau’r ysgol neu mewn argyfwng.

Does dim angen i chi gyfrifo’ch costau gofal plant wythnosol cyfartalog eich hun. Ffoniwch y Llinell Gymorth Credyd Treth – byddan nhw’n gwneud hynny drosoch chi. Pan fyddwch yn eu ffonio, dylai'r wybodaeth ganlynol fod wrth law gennych:

• dyddiad cychwyn a gorffen y gofal plant
• eich costau gofal plant ar gyfer y cyfnod byr
• manylion eich darparwr gofal plant – enw, cyfeiriad, rhif ffôn, rhif cofrestru neu gymeradwyaeth gofal plant (bydd eich darparwr gofal plant yn gallu rhoi'r wybodaeth hon i chi)

• Manylion cyswllt y Llinell Gymorth Credyd Treth

Rydych eisoes yn cael credydau treth ar gyfer costau gofal plant – eich costau’n newid

Os yw eich costau gofal plant wedi newid neu ar fin newid, bydd angen i chi gyfrifo eich costau gofal plant wythnosol newydd. Defnyddiwch y dyddiad y newidiodd eich costau gofal plant fel eich man cychwyn.

Gwnewch yn siŵr eich bod yn rhoi gwybod am y newid sy’n berthnasol i chi er mwyn cael y taliadau credydau treth cywir.

• Newidiadau yn eich trefniadau gofal plant a chredydau treth

Nid ydych yn gwybod beth oedd eich hen gostau wythnosol cyfartalog

Os nad ydych chi'n siŵr beth oedd eich hen gostau gofal plant wythnosol cyfartalog, gallwch wneud un o'r canlynol:

• darllen eich hysbysiad adnewyddu neu ddyfarniad – bydd hwn yn dangos beth roedd y Swyddfa Credyd Treth yn ei ddefnyddio fel eich costau gofal plant wythnosol cyfartalog
• rhoi gwybod i'r Swyddfa Credyd Treth am eich costau gofal plant cyfartalog newydd – byddant yn dweud wrthych a fydd y newid yn effeithio ar eich credydau treth

• Manylion cyswllt y Llinell Gymorth Credyd Treth

Mwy o ddolenni defnyddiol

• Help gyda chostau gofal plant – ydych chi'n gymwys i gael credydau treth ychwanegol?

• Plant ag anableddau – allwch chi gael Credyd Treth Plant ychwanegol?