Gwefan llywodraeth y DU

Sut i gofrestru i ddefnyddio Money Claim Online

Bydd y ffurflen hawlio a gewch drwy'r post yn dweud wrthych os cafodd ei wneud gan ddefnyddio gwefan Money Claim Online.

Os byddwch am ymateb ar-lein, bydd angen i chi gofrestru ar gyfer cyfrif gyda Phorth y Llywodraeth yn gyntaf os nad oes gennych chi un eisoes.

Dewiswch 'register as an individual' neu 'register as ân organisation' ar hafan Money Claim Online. Er mwyn cofrestru, bydd angen nodi'r canlynol:

• eich enw cyntaf
• eich cyfenw
• eich cyfeiriad e-bost

Bydd hefyd angen i chi ddewis cyfrinair.

Cadwch nodyn o'ch manylion mewngofnodi ar gyfer Porth y Llywodraeth.

Ar ôl i chi fewngofnodi, dewiswch yr opsiwn ‘respond to a claim made against you’ ar waelod ochr dde'r dudalen. Gallwch fewngofnodi i'ch hawliad yma, gan ddefnyddio rhif yr hawliad a'r cyfrinair ar y ffurflen hawlio (N1) a gawsoch drwy'r post.

• Gwefan Money Claim Online Opens new window

• Lawrlwytho 'Canllaw cofrestru Money Claim Online' (PDF, 220K) Opens new window

• Help gyda ffeiliau PDF

Beth y gallwch ei wneud ar wefan Money Claim Online

Pan fyddwch yn mewngofnodi i wefan Money Claim Online, byddwch yn gallu gwneud y canlynol:

• gweld statws yr hawliad yn eich erbyn
• dewis sut i ymateb i'r hawliad byddwch yn cael yr opsiwn i wneud y canlynol:
• cydnabod yr hawliad a gofyn am fwy o amser i ymateb
• cyfaddef rhan o'r hawliad (bod rhywfaint o'r arian yn ddyledus gennych)
• amddiffyn hawliad
• dweud bod arian yn ddyledus i chi gan yr unigolyn arall (a gwneud 'gwrth-hawliad')

Bydd y wybodaeth a roddwch ar y system yn creu ffurflenni yn awtomatig, ac yn eu hanfon i'r llys. Os byddwch yn gwneud hyn, ni fydd angen anfon ffurflenni papur i'r llys.

Os nad ydych yn gallu defnyddio Money Claim Online gallwch ymateb drwy ddefnyddio'r ffurflenni a anfonwyd gyda'r ffurflen hawlio. Gweler 'Ymateb i hawliad am arian mewn llys: cyflwyniad' isod.

Sicrhewch eich bod yn ymateb o fewn 14 diwrnod

• Ymateb i hawliad am arian mewn llys: cyflwyniad

Beth na allwch ei wneud ar wefan Money Claim Online

Ni allwch wneud y canlynol ar wefan Money Claim Online:

• cyfaddef i'r hawliad yn llawn
• gofyn am fwy o amser i dalu

Os byddwch am gyfaddef yr hawliad a thalu ar unwaith, dylech anfon yr arian at yr hawliwr (yr unigolyn sy'n gwneud yr hawliad) neu fynd ag ef ato. Gwnewch yn siŵr eich bod yn cael derbynneb. Wedyn bydd yn rhaid i'r hawliwr ddweud wrth Money Claim Online bod yr arian wedi cael ei dalu.

Os byddwch am gael mwy o amser i dalu, bydd angen i chi lenwi'r ffurflen cyfaddefiad (N9A) a'i hanfon at yr hawliwr.

• Ffurflen cyfaddefiad (swm penodedig) (N9A) Opens new window

Gofyn am fwy o amser i dalu

Os byddwch am gael mwy o amser i weithio allan sut i ymateb, gallwch gydnabod eich bod wedi cael yr hawliad o fewn 14 diwrnod. Mae hyn yn dangos eich bod yn ystyried yr hawliad yn hytrach na'i anwybyddu, ac fe'i gelwir yn 'gydnabyddiaeth o gyflwyno'r hawliad'.

Wedyn byddwch yn cael 14 diwrnod ychwanegol i lenwi eich ffurflen amddiffyn.

• Lawrlwytho'r ffurflen 'cydnabyddiaeth cyflwyno' (Gwefan Gwasanaeth Llysoedd EM) Opens new window

Cyfaddef rhan o'r hawliad

Efallai y byddwch yn cyfaddef bod rhywfaint o'r arian yn ddyledus gennych ond nid y swm yn llawn.

Os byddwch am dalu rhywfaint o'r arian, dylech anfon y taliad at yr hawliwr.

Gallwch gyfaddef rhan o'r hawliad gan ddefnyddio Money Claim Online neu gallwch ddefnyddio'r ffurflenni papur. Os byddwch yn defnyddio'r ffurflenni papur bydd yn rhaid i chi eu hanfon yn uniongyrchol i'r llys.

Os byddwch am gael mwy o amser i dalu'r swm sy'n ddyledus gennych, bydd yn rhaid i chi lenwi'r ffurflenni papur. Llenwch y ffurflen cyfaddefiad (N9A) a'r ffurflen amddiffyn a gwrth-hawliad (N9B) a'u hanfon i'r llys. Bydd y llys yn anfon ffurflenni at yr hawliwr.

Os bydd yr hawliwr yn derbyn eich cynnig, efallai y bydd yn llenwi ffurflen sy'n nodi sut yr hoffai gael ei dalu.

Os bydd yn gwrthod eich cynnig, bydd yr hawliad yn mynd i'r llys ac efallai y bydd gwrandawiad i benderfynu'r achos.

• Ffurflen addefiad (swm penodol) (N9A) Opens new window

• Ffurflen amddiffyn/gwrth-hawliad (swm penodedig) (N9B) Opens new window

• Gwrandawiadau mân hawliadau

• Gwrandawiadau ar gyfer hawliadau sy'n werth mwy na £5,000

Os byddwch eisoes wedi talu'r arian

Os byddwch eisoes wedi talu'r arian, gallwch nodi hynny ar Money Claim Online. Dylai hynny roi terfyn ar yr hawliad.

Amddiffyn hawliad

Os byddwch yn amddiffyn yr hawliad, bydd yn rhaid i chi roi manylion eich amddiffyniad yn y blwch 'manylion yr amddiffyniad' ar Money Claim Online.

Anfonir pob hawliad Money Claim Online i lys lleol pan fyddant yn cael eu hamddiffyn. Ar ôl iddynt gael eu hanfon i'r llys ni fyddwch yn gallu gwneud unrhyw beth arall ar-lein. Bydd y llys yn rhoi gwybod i chi beth fydd yn digwydd nesaf.

• Amddiffyn hawliad am arian mewn llys

• Gwrandawiadau mân hawliadau

• Gwrandawiadau ar gyfer hawliadau sy'n werth mwy na £5,000

Gwneud gwrth-hawliad

Os byddwch yn credu bod arian yn ddyledus i chi gan yr unigolyn sy'n gwneud hawliad yn eich erbyn, gallwch wneud gwrth-hawliad.

Bydd angen i chi lenwi blychau ar gyfer y canlynol ar wefan Money Claim Online:

• eich amddiffyniad
• faint rydych am ei hawlio gan yr ochr arall
• pam rydych yn credu bod yr unigolyn arall mewn dyled i chi

Efallai y bydd yn rhaid i chi dalu ffi i'r llys er mwyn gwneud gwrth-hawliad. Nodir y ffioedd yn y daflen 'ffioedd llysoedd sifil a theulu' isod.

Pan gyflwynir gwrth-hawliad drwy ddefnyddio Money Claim Online, bydd yn mynd i lys lleol. Bydd y llys yn rhoi gwybod i chi beth fydd yn digwydd nesaf.

• Amddiffyn hawliad am arian mewn llys

• Ffioedd llysoedd sifil a theulu Opens new window

• Costau Llys - A oes rhaid i chi eu talu? Opens new window

Cadw ac anfon eich ymateb ar-lein

Bydd Money Claim Online yn cadw eich gwybodaeth wrth i chi gwblhau pob sgrin. Ar ôl i chi anfon eich ymateb, ni fyddwch yn gallu mynd yn ôl a newid yr hyn rydych wedi'i gofnodi.

Argraffu eich ymateb

Gallwch argraffu eich ymateb ar ffurf PDF neu mewn fformat testun plaen unwaith y byddwch wedi'i anfon.

• Help gyda ffeiliau PDF

Cadw llygad ar hynt hawliad yn eich erbyn

Gallwch edrych ar statws hawliad unrhyw bryd, ond efallai na fydd rhai pethau yn ymddangos tan y diwrnod nesaf. Mae'r system yn cymryd hyd at ddau ddiwrnod i brosesu newidiadau a 4.00pm yw'r terfyn amser.

Help i ddefnyddio Money Claim Online

Mae gan Money Claim Online sgriniau help y gallwch eu defnyddio. Dim ond gyda'r system y mae hyn yn eich helpu - ni fyddwch yn gallu cael cyngor cyfreithiol. Gallwch gysylltu â'r ddesg gymorth drwy e-bost neu alwad ffôn.

mcol@hmcts.gsi.gov.uk

Ffôn: 0845 601 5935 (o ddydd Llun i ddydd Gwener rhwng 9.00 am a 5.00 pm)