Gwefan llywodraeth y DU

Cael gwybod pryd y caiff eich biniau a'ch gwastraff eu casglu

Fel arfer, caiff gwastraff o'ch cartref ei gasglu bob wythnos. Caiff gwastraff ar gyfer ei ailgylchu a gweddill y gwastraff ei gasglu ar wahân yn aml ac ar wahanol gyfnodau. Cysylltwch â'ch cyngor lleol os na chesglir sbwriel o'ch bin.

Bydd y dolenni isod yn gofyn i chi roi manylion ble'r ydych yn byw ac yna'n mynd â chi at wefan eich cyngor lleol lle gallwch gael mwy o wybodaeth.

• Cael gwybod ar ba ddiwrnod y cesglir eich gwastraff Opens new window

• Rhoi gwybod os nad yw'r biniau wedi cael eu casglu Opens new window

Mae'n ofynnol i gynghorau weithredu safleoedd gwaredu gwastraff cartrefi, lle gallwch gael gwared ar eich gwastraff cartref am ddim. Os byddwch yn mynd â'ch gwastraff i un o'r safleoedd hyn efallai y bydd angen prawf arnoch eich bod yn byw yn yr ardal cyn y gallwch gael gwared ar eich gwastraff. Cysylltwch â’ch cyngor lleol i gael gwybod beth yw eu gofynion.

• Dod o hyd i'ch cyngor lleol Opens new window

Biniau'r cyngor

Nid yw rhai cynghorau'n darparu biniau sbwriel domestig i gartrefi. Gallwch gysylltu ag adran casglu gwastraff eich cyngor i weld a allwch chi drefnu i gael bin sbwriel. Os aiff eich bin ar goll neu os caiff ei ddwyn, dylech gysylltu â'ch cyngor yn syth. Bydd y cyngor yn rhoi gwybod i chi sut y gallwch chi sicrhau na chaiff eich bin mo'i ddwyn.

• Dod o hyd i'ch cyngor lleo Opens new window

Ailgylchu eich gwastraff

Gellir ailgylchu bron i ddwy ran o dair o sbwriel cartref. Mae llawer o gynghorau lleol bellach yn casglu gwastraff ar gyfer ei ailgylchu. Bydd rhai cynghorau'n darparu biniau ar wahân ar gyfer casglu gwastraff i'w ailgylchu. Cysylltwch â'ch cyngor lleol os hoffech wneud cais am fin ailgylchu.

• Cael gwybod mwy am ailgylchu ble rydych yn byw Opens new window

• Gwastraff ac ailgylchu (adran yr amgylchedd a byw'n wyrdd) Opens new window

• Gwneud cais am fin ailgylchu Opens new window

Sut mae cael gwared ar eitemau gwastraff swmpus?

Am ffi fechan, mae'n bosib trefnu casglu eitemau mwy megis dodrefn, oergelloedd a pheiriannau golchi o'ch cartref. Cysylltwch â'ch cyngor i gael rhestr o eitemau y gellir eu casglu ac i gael manylion am ffioedd. Os oes gennych lawer o eitemau mwy gallwch fynd â nhw i'ch safle mwynder dinesig lleol eich hun. Cysylltwch â gwasanaethau amgylcheddol neu adran rheoli gwastraff eich cyngor i gael gwybodaeth am y trefniadau yn eich ardal chi.

• Cael gwared ar eitemau swmpus

Mwy o ddolenni defnyddiol

• Asiantaeth yr Amgylchedd - gwastraff Opens new window

• Ymweld â gwefan Recycle more Opens new window

• Wasteconnect - cronfa ddata ailgylchu cyhoeddus yn y DU Opens new window