Gwefan llywodraeth y DU

Y Cyngor - glanhau strydoedd

Eich cyngor lleol sy'n sgubo ffyrdd a llwybrau troed i helpu i gadw'r amgylchedd yn lân.

Os ydych chi'n teimlo bod angen glanhau eich stryd, cysylltwch â'r gwasanaethau glanhau neu wasanaeth yr amgylchedd neu'r adran gyfatebol yn eich cyngor lleol. Mae'r cyngor yn gyfrifol am lanhau tir cyhoeddus a ffyrdd 'A'. Cofiwch gofnodi enw ac amser eich galwad a holi pa gamau maen nhw'n bwriadu eu cymryd a phryd.

Mae gan ysgolion gyfrifoldeb i glirio sbwriel a gwastraff oddi ar eu tir eu hunain ond nid am sbwriel y tu allan i'r tiroedd hynny.

Os oes sbwriel ar ddarn o dir preifat, y perchennog sy'n gyfrifol amdano. Mae Deddf Amddiffyn yr Amgylchedd 1990 yn rhoi'r hawl i gynghorau ac i'r cyhoedd gymryd camau cyfreithiol i orfodi pobl eraill i glirio ardaloedd.

Os oes gennych chi bryderon am sbwriel neu os ydych chi am roi gwybod am broblem, dylech gysylltu â'ch cyngor lleol.

Bydd y dolenni isod yn gofyn i chi roi manylion eich cyfeiriad ac yna'n mynd â chi at wefan eich awdurdod lleol lle gallwch gael mwy o wybodaeth.

• Cael gwybod am lanhau strydoedd Opens new window

• Rhoi gwybod am broblem sbwriel Opens new window

Gwastraff ar strydoedd a adewir ar ôl gan ddefnyddwyr cyffuriau

Gall gwastraff a adewir ar ôl gan ddefnyddwyr cyffuriau beri gofid a bod yn beryglus i iechyd y cyhoedd. Os ydych chi'n dod ar draws cyfarpar ar gyfer cymryd cyffuriau, rhaid i chi hysbysu'ch awdurdod lleol. Gallant drefnu i gael gwared ar nodwyddau, chwistrelli ac eitemau eraill sy'n ymwneud â chyffuriau.

Bydd y dolenni isod yn gofyn i chi roi manylion eich cyfeiriad ac yna'n mynd â chi at wefan eich awdurdod lleol lle gallwch gael mwy o wybodaeth.

• Cael gwybod am sut i gael gwared ar chwistrelli Opens new window

• Rhoi gwybod am chwistrelli sydd wedi cael eu taflu ar lawr Opens new window

Dodrefn stryd

Bydd eich awdurdod lleol yn darparu ac yn cynnal a chadw dodrefn stryd megis seddi, goleuadau addurn a raciau cadw beiciau. Mae'r eitemau hyn i'w gweld ledled eich ardal, ar strydoedd, ar balmentydd ac yng nghanol trefi a pharciau.

Os ydych chi'n poeni am gyflwr unrhyw ddodrefn stryd yn eich ardal, neu os ydych chi'n credu bod angen gwneud gwaith cynnal a chadw arnynt, cysylltwch â'ch awdurdod lleol. Cofiwch roi manylion am union leoliad a chyflwr yr eitem.

Bydd y dolenni isod yn gofyn i chi roi manylion eich cyfeiriad ac yna'n mynd â chi at wefan eich awdurdod lleol lle gallwch gael mwy o wybodaeth.

• Cael gwybod am ddodrefn stryd Opens new window

• Rhoi gwybod am broblem gyda dodrefn stryd Opens new window

Anifeiliaid marw

Cyfrifoldeb eich cyngor fydd cael gwared ag unrhyw anifail y deuir o hyd iddo ar y ffordd fawr gyhoeddus. Mae hyn yn cynnwys anifeiliaid gwyllt megis moch daear a llwynogod yn ogystal ag anifeiliaid anwes domestig megis cathod a chŵn. Ni fydd y cyngor yn symud anifail marw o eiddo preifat fel arfer. Fodd bynnag, mae'n bosib y gallant gynnig cyngor am sut y dylech symud y corff neu gallant godi tâl arnoch am gael gwared ag ef.

Bydd y dolenni isod yn gofyn i chi roi manylion eich cyfeiriad ac yna'n mynd â chi at wefan eich awdurdod lleol lle gallwch gael mwy o wybodaeth.

• Cael gwybod am gael gwared ar anifail sydd wedi marw Opens new window

• Rhoi gwybod am anifail sydd wedi marw Opens new window