Gwefan llywodraeth y DU

Pryd y gallech reoli eich ysgariad heb gyfreithwyr

Gall fod yn bosibl i chi drefnu eich ysgariad eich hun heb gynnwys cyfreithwyr os byddwch yn cytuno ar:

• y rhesymau rydych am gael ysgariad
• sut y byddwch yn gofalu am eich plant
• sut y byddwch yn rhannu arian, eiddo ac eitemau personol

Os oes gennych unrhyw amheuaeth ynghylch y pethau hyn, mae'n well cael help gan gyfryngwr teuluol neu gyfreithiwr. Unigolyn annibynnol yw cyfryngwr teuluol a all eich helpu chi a'ch gŵr neu'ch gwraig i ddod i gytundeb.

• Dod o hyd i gyfryngwr teuluol Opens new window

• Dod o hyd i gynghorydd cyfreithiol Opens new window

Mae llawer o bethau y bydd angen i chi eu hystyried pan fyddwch yn cael ysgariad.

Mae llawer o bethau y dylech geisio cytuno arnynt rhyngoch chi'ch hunain os ydych am ddelio â'ch ysgariad eich hun.

Trefniadau ar gyfer y plant

Dylech geisio penderfynu sut y byddwch yn gofalu am eich plant ar ôl i chi gael ysgariad. Hefyd, bydd angen i chi allu cytuno ar ble y bydd y plant yn byw a pha mor aml y gall eich priod eu gweld. Gweler 'Paratoi eich plant ar gyfer diwedd eich perthynas' i gael cyngor ar sut i wneud y trefniadau hyn.

• Paratoi plant at ddiwedd eich perthynas

Rhannu arian, eiddo ac eitemau personol

Dylech geisio penderfynu sut y byddwch yn rhannu eich arian a'r pethau rydych yn berchen arnynt. Gweler 'Gweithio allan materion o ran arian ac eiddo eich hunain' am fwy o wybodaeth.

• Datrys materion ariannol ac eiddo eich hunain os ydych yn briod neu mewn partneriaeth sifil

Trefniadau cynhaliaeth gyda'ch gŵr neu'ch gwraig

Efallai y bydd angen i chi wneud trefniadau cynhaliaeth gyda'ch gŵr neu'ch gwraig os bydd angen cymorth ariannol arno ef/arni hi pan fyddwch yn ysgaru. Gweler 'Taliadau cynhaliaeth os byddwch yn ysgaru neu'n dod â phartneriaeth sifil i ben' am fwy o wybodaeth.

• Taliadau cynhaliaeth os byddwch yn ysgaru neu'n dod â phartneriaeth sifil i ben

Ewyllysiau pan fyddwch yn ysgaru

Bydd ysgaru yn gwneud gwahaniaeth mawr i unrhyw ewyllysiau y mae'r naill neu'r llall ohonoch wedi'u hysgrifennu. Efallai y bydd angen i chi newid eich ewyllys gyfredol neu ysgrifennu un newydd. Gweler 'Delio ag ewyllysiau pan ddaw eich perthynas i ben' am fwy o wybodaeth.

• Delio ag ewyllysiau pan ddaw eich perthynas i ben

Gwaith papur ysgariad y bydd angen i chi ei gwblhau

Er mwyn dod â'ch priodas i ben yn gyfreithiol, bydd angen i chi fynd drwy'r broses ysgaru ffurfiol.

Os gallwch gytuno ar bopeth gyda'ch priod, ni fydd rhaid i chi fynd i unrhyw wrandawiadau mewn llys.

Ond bydd angen i chi wneud cais am ysgariad o hyd ac yna gofyn i'r llys ei gadarnhau. Os na fyddwch yn gwneud hyn, byddwch yn briod o hyd ac ni fyddwch yn gallu ailbriodi.

• Sut mae'r broses ysgaru yn gweithio

Cael help gyda gwaith papur yr ysgariad

Os ydych wedi cytuno ar bopeth gyda'ch gŵr neu'ch gwraig, mae gwaith papur yr ysgariad yn syml iawn fel arfer.

Ond os ydych yn poeni am lenwi'r ffurflenni, gallwch gael help gan eich Canolfan Cyngor ar Bopeth leol.

Neu os ydych yn gymwys i gael cymorth cyfreithiol, gallwch gael help gan y gwasanaeth Cyngor Cyfreithiol Cymunedol.

Gallwch gadarnhau a allwch gael cymorth cyfreithiol drwy ddefnyddio'r cyfrifydd cymhwysedd i gael cymorth cyfreithiol.

Os nad ydych yn gymwys i gael cymorth cyfreithiol, gall Cyngor Cyfreithiol Cymunedol eich rhoi mewn cysylltiad â sefydliadau a all eich helpu.

• Canolfan Cyngor ar Bopeth

• Cyfrifydd cymhwysedd i gael cymorth cyfreithiol Opens new window

• Cyngor Cyfreithiol Cymunedol