Gwefan llywodraeth y DU

Swyddogaeth y llywodraeth ganolog

Mae'r wybodaeth isod yn cynnig rhywfaint o gefndir am swyddogaethau a chyfrifoldebau adrannau'r llywodraeth wrth iddynt gynllunio a chydlynu ffyrdd o ymateb yn sydyn i ddigwyddiad o bwys, a ffyrdd o ddygymod yn y tymor hir hefyd.

Yr Ysgrifenyddiaeth Argyfyngau Sifil Posibl

Mae'r Ysgrifenyddiaeth Argyfyngau Sifil Posibl yn rhan o Swyddfa'r Cabinet ac mae'n gweithio mewn partneriaeth ag adrannau'r llywodraeth, y gweinyddiaethau datganoledig a rhanddeiliaid allweddol yn y sectorau preifat a gwirfoddol, er mwyn gwella gallu'r DU i baratoi ar gyfer achosion brys, ymateb iddynt, a dygymod â hwynt.

• Yr Ysgrifenyddiaeth Argyfyngau Sifil Posibl Opens new window

Gweinyddiaethau datganoledig

Mae Senedd y DU wedi datganoli ystod o faterion i Gynulliad Cenedlaethol Cymru, Senedd yr Alban a Chynulliad Gogledd Iwerddon. Mae'r ddolen isod yn egluro gan bwy y mae'r cyfrifoldeb yn y gwledydd hyn yn ystod digwyddiad o bwys.

Uned Cymorth Dyngarol

Sefydlwyd yr Uned Cymorth Dyngarol o fewn yr Adran dros Ddiwylliant, y Cyfryngau a Chwaraeon yn 2005, ac mae ganddi gyfrifoldeb o fewn y Llywodraeth dros gydlynu cymorth yn y DU ar gyfer y rheini yr effeithiwyd arnynt gan drychinebau mawr.

Os ydych chi'n cael trafferth wrth geisio dod o hyd i wasanaethau cymorth, neu os ydych chi'n dymuno cysylltu â'r tîm, mae mwy nag un ffordd o gysylltu â'r Uned Cymorth Dyngarol:

E-bost: hau@culture.gsi.gov.uk

Ysgrifennwch at:

HAU, 2-4 Cockspur Street, Llundain, SW1Y 5DH

• Uned Cymorth Dyngarol Opens new window

Y Swyddfa Dramor a Chymanwlad

Rhwydwaith o bobl sy'n gweithio yn y DU ac mewn mwy na 200 o Lysgenadaethau ac Is-genadaethau dramor yw'r Swyddfa Dramor a Chymanwlad. Pan fydd argyfwng is-genadaethol yn digwydd, megis ymosodiad terfysgol neu drychineb naturiol, bydd Tîm Rheoli Argyfwng y Swyddfa Dramor a Chymanwlad, sy'n gweithio o Lundain, yn arwain y ffordd wrth ymateb a chynnig cymorth is-genadaethol brys i Frodorion Prydeinig Dramor.

• Y Swyddfa Dramor

Llysgenadaethau tramor yn y DU

Bydd llysgenadaethau o fewn y DU yn gweithredu ar ran y perthnasau a'r ffrindiau hynny sydd dramor ac yn poeni am bobl o dramor a allai fod wedi bod yn rhan o ddigwyddiad yn y DU.

• Llysgenadaethau tramor yn y DU Opens new window

Swyddogaeth llywodraeth leol a gwasanaethau lleol

Mewn achosion brys, bydd awdurdodau lleol yn cydlynu'r ddarpariaeth o gymorth lles i'r gymuned, a byddant yn chwarae rhan allweddol yn ystod y cyfnod o ddygymod ag argyfyngau. Mae gan awdurdodau lleol eu gwefannau eu hunain a all roi gwybodaeth i bobl am y gwasanaethau a'r cymorth sydd ar gael.

• Dod o hyd i'ch cyngor lleol

Gwasanaethau a chyfleustodau trafnidiaeth

Mewn achos o argyfwng trafnidiaeth, mae rhai gwasanaethau trafnidiaeth yn debygol o gyfrannu at y cymorth a roddir i deuluoedd, y rhai a oroesodd a chymunedau yr effeithiwyd arnynt yn dilyn yr argyfwng.

Trenau

Efallai y gyrrir Timau Gofal ar ôl Digwyddiad gan y cwmni trenau er mwyn cynnig cymorth fel y bo'i angen i'r rhai yr effeithiwyd arnynt.

Teithio mewn awyren

Os bydd digwyddiad yn ymwneud ag awyren a gofrestrwyd yn y DU neu awyren sy'n cludo dinasyddion y DU, efallai y bydd y gwasanaeth awyren yn agor eu canolfan alwadau eu hunain er mwyn rhoi gwybodaeth frys ynglŷn â theithwyr. Mewn sefyllfa o'r fath, caiff y rhif ffôn perthnasol ei ddarlledu yn y cyfryngau a'i ddangos yma ar Cross & Stitch.

Mudiadau cefnogi gwirfoddol ac eraill

Mae nifer fawr o fudiadau cefnogi sy'n cynnig cymorth, cyngor a chefnogaeth yn y DU, a allai fod o fudd i chi. Mae'r rhain yn cynnwys:

• grwpiau sydd eisoes wedi ennill eu plwyf megis y Groes Goch Brydeinig, Gwasanaeth Gwirfoddol Brenhinol y Merched (WRVS), Byddin yr Iachawdwriaeth, Gwasanaethau Cymorth i Ddioddefwyr a Gofal Galaru CRUSE, sy'n ddarparu ystod o wasanaethau
• mudiadau sy'n arbenigo mewn cymorth emosiynol, megis y Samariaid
• Disaster Action - gallant gynnig cymorth ymarferol a chymorth emosiynol ac mae pob un o'r aelodau wedi cael profiad uniongyrchol o argyfyngau mawr
  

I ddod o hyd i grwpiau cefnogi lleol, cysylltwch â'r ganolfan Cyngor Ar Bopeth.

• Y Groes Goch Brydeinig Opens new window

• Cymorth i Ddioddefwyr

• Byddin yr Iachawdwriaeth Opens new window

• Gwasanaeth Gwirfoddol Brenhinol y Merched (WRVS)

• Samariaid

• Gofal Galaru Cruse

• Disaster Action Opens new window

• Cyngor Ar Bopeth