Gwefan llywodraeth y DU

Sut gall grwpiau cefnogi helpu

Yn dilyn digwyddiad o bwys, mae'n debygol y bydd problemau ymarferol i ddelio â hwy. Gall fod yn haws ymdopi â chwest neu ymholiad troseddol os byddwch yn cael cefnogaeth a dealltwriaeth pobl eraill yr effeithiwyd arnynt gan y digwyddiad. Gall grwpiau cymorth fod yn fuddiol iawn, drwy gynnig cyngor cadarn ac argymhellion ynghylch sut mae delio â materion penodol. Gallwch hefyd rannu gwybodaeth sy'n bwysig i bawb mewn grŵp.

Hefyd, bydd grwpiau cefnogi yn aml yn rhannu profiad cyffredin ac felly'n helpu i liniaru'r unigrwydd y gall pobl ei deimlo ar ôl digwyddiad.

Cyngor ymarferol gan Disaster Action

Elusen yw Disaster Action. Fe'i sefydlwyd gan bobl sydd wedi goroesi neu sydd wedi colli rhywun mewn trychinebau dramor. Maent wedi cynhyrchu gwybodaeth am sefydlu grwpiau i deuluoedd a goroeswyr, ac mae hyn yn cynnwys gwybodaeth ynghylch sut y gall grwpiau o'r fath helpu.

• Sefydlu grwpiau cefnogi Opens new window

Penblwyddi

Gall penblwyddi fod yn adegau arbennig o anodd, felly efallai ei bod yn werth meddwl ymlaen llaw am sut yr hoffech gofio'r diwrnod. Efallai y byddwch am dreulio amser ar eich pen eich hun, am ymweld â lle arbennig, neu dreulio'r diwrnod â phobl eraill.

Mae hefyd yn werth cofio ei bod yn debygol y bydd sylw gan y wasg yn cynyddu ar yr adegau hyn.

Ceir nifer o fudiadau sy'n rhoi cymorth i bobl sydd wedi cael profedigaeth, gan gynnwys Gofal Galaru Cruse, sydd ar gael os hoffech siarad â hwy.

• Gofal Galaru Cruse Opens new window