Gwefan llywodraeth y DU

Gwisgwch siwmper

Mae gwisgo mwy o ddillad neu fynd i mewn pan fyddwch yn oer yn fwy gwyrdd na defnyddio gwresogydd awyr agored. Y rheswm am hyn yw bod y gwresogyddion, sy'n cael eu pweru gan nwy neu drydan, yn defnyddio llawer o ynni, sy'n cyfrannu at newid yn yr hinsawdd. Mae'r gwresogydd patio cyffredin yn gollwng yr un faint o garbon deuocsid mewn pedair awr â char cyffredin mewn diwrnod.

Dewiswch eich golosg yn ofalus

Dim ond cyfran fechan o'r golosg a ddefnyddir ar ein barbiciws a wneir yn y DU. Gellir mewnforio golosg o gymaint â 12,000 milltir i ffwrdd, ac mae ei gludo'n arwain at ollyngiadau carbon sylweddol.

Mae prynu golosg a gynhyrchwyd mewn coedwigoedd a reolir mewn modd cynaliadwy'n helpu i atal datgoedwigo a thorri coed anghyfreithlon. Chwiliwch am olosg gyda label sy'n profi ei fod wedi'i wneud o bren cynaliadwy.

Gellir canfod labeli'r Cyngor Stiwardiaeth Coedwigaeth (FSC) a chynlluniau'r Rhaglen er Cymeradwyo Ardystio Coedwigoedd (PEFC) ar olosg cynaliadwy yn siopau'r stryd fawr.

• Pwysau ar y byd naturiol

Gwneud eich barbiciw eich hun

Mae creu eich barbiciw eich hun yn dasg sy'n gyflym ac yn rhad. Y cyfan y bydd ei angen arnoch fydd ychydig o friciau a rac gril metel. Gallech ddefnyddio slabiau concrid neu friciau wedi'u hailgylchu, a'r rac gril o'r ffwrn. Gwnewch bentwr o'r briciau neu'r slabiau ar arwyneb sy'n gwrthsefyll tân (ar y ddaear neu ar goncrid), nes i'r ochrau fod yn ddigon tal i gynnau tân oddi tanynt. Gosodwch y gril metel ar ben y briciau, a bydd yn barod i'w ddefnyddio.

Gallwch hefyd geisio gwneud popty clai ar gyfer coginio bwyd yn yr awyr agored. Ewch i ymweld â gwefan y BBC i wylio fideo ar adeiladu popty clai o ddeunyddiau wedi'u hailgylchu.

• Gwylio fideo gan y BBC ar greu popty clai Opens new window

Gwneud eich cychwynwyr tân eich hun

Mae cychwynwyr tân masnachol yn cynnwys cemegau a all effeithio ar flas eich bwyd, a niweidio'r amgylchedd. Ceisiwch ddefnyddio papur newydd wedi'i sgrwnsio, neu unrhyw bapur gwastraff i ddechrau eich barbiciw. Bydd hyn yn arbed arian ac yn fwy caredig i'r amgylchedd.

Osgowch wastraff

Dyma beth allwch chi ei wneud:

• ystyriwch ddefnyddio platiau a chyllyll a ffyrc arferol yn eich barbiciws yn hytrach na rhai un-tro
• ystyriwch fenthyg neu brynu barbiciw y gallwch ei ddefnyddio eto, yn hytrach nag un un-tro
• ailgylchwch bob potel, tun, napcyn papur a chynhwysydd
• mae lludw o lympiau golosg yn dda am niwtralu asid mewn pridd, felly ceisiwch ei ddefnyddio yn yr ardd yn hytrach na'i daflu i ffwrdd

• Cael gwybod mwy am ailgylchu Opens new window