Gwefan llywodraeth y DU

Apelio

Gallwch apelio yn erbyn penderfyniad ynghylch ‘amser i hyfforddi’ ar unrhyw sail. Os byddwch yn penderfynu apelio, bydd yn rhaid i chi wneud hynny cyn pen 14 diwrnod o benderfyniad eich cyflogwr. Mae'n ofynnol bod eich apêl:

• yn ysgrifenedig
• yn cynnwys y dyddiad
• yn nodi pam eich bod yn apelio yn erbyn penderfyniad eich cyflogwr (eich rheswm dros apelio)

Os ydych yn bwriadu apelio, gallwch lwytho ein llythyr templed i’ch helpu i strwythuro’ch rheswm dros apelio yn erbyn penderfyniad eich cyflogwr.

• Download ‘Llythyr templed i apelio yn erbyn penderfyniad eich cyflogwr ynghylch eich cais am amser i hyfforddi’ (RTF, 2924K)

Cyfarfod apelio

Bydd yn rhaid i’ch cyflogwr drefnu cyfarfod gyda chi i drafod eich apêl o fewn 14 diwrnod ers i chi anfon yr apêl ato.

Yn dilyn y cyfarfod, bydd yn rhaid i’ch cyflogwr roi gwybod i chi’n ysgrifenedig beth yw ei benderfyniad ynghylch eich apêl cyn pen 14 diwrnod.

Mae’r un rheolau’n berthnasol i’r cyfarfod hwn â’r rheolau ar gyfer eich cyfarfod cyntaf i drafod eich cais gyda’ch cyflogwr. I gael mwy o wybodaeth, darllenwch yr erthygl ‘Trafod eich cais am ‘amser i hyfforddi’.

• Trafod eich cais am 'amser i hyfforddi'

Datrys problemau gyda’ch cyflogwr

Os na fydd yr apêl yn datrys eich problem, ceisiwch roi cynnig ar ffyrdd anffurfiol eraill o ddatrys y broblem. Siaradwch â’ch cyflogwr am eich problem. Er enghraifft, os na fydd rheolwr yn ymateb i’ch cais cyn diwedd y terfyn amser, holwch eich cyflogwr ynghylch y rheswm dros hyn, efallai mai dim ond esgeulustod oedd yr achos.

Gallech ddefnyddio ‘cymodwr trydydd parti’, e.e. Acas (y Gwasanaeth Cynghori, Cymodi, a Chyflafareddu) i drafod y broblem.

Os nad yw’n bosib datrys eich problem mewn modd anffurfiol, yna mae’n bosib y bydd yn rhaid i chi gwyno wrth eich cyflogwr.

• Sut mae datrys problem yn y gwaith

• Cymodi mewn anghydfodau yn y gweithle

Cwyno wrth Dribiwnlys Cyflogaeth

Os ydych wedi ceisio datrys eich problem mewn ffyrdd eraill, mae’n bosib y gallech wneud hawliad i Dribiwnlys Cyflogaeth. Gallwch wneud hawliad i Dribiwnlys Cyflogaeth os bydd eich cyflogwr:

• yn peidio â dilyn y weithdrefn yn briodol
• yn gwrthod eich cais ar sail ffeithiau anghywir

Bydd angen i chi wneud hawliad Tribiwnlys Cyflogaeth cyn pen tri mis, oni bai fod gennych chi resymau da pam nad yw hyn yn rhesymol ymarferol.

Mae’n bosib y bydd Acas yn gallu cynnig ei wasanaeth ‘cymodi cyn hawlio’ cyn i chi gwyno wrth Dribiwnlys Cyflogaeth.

• Tribiwnlysoedd cyflogaeth

Beth i’w wneud os cewch eich trin yn annheg neu eich diswyddo

Mae’r gyfraith yn eich gwarchod rhag cael eich diswyddo neu eich trin yn annheg oherwydd:

• eich bod wedi gwneud cais am ‘amser i hyfforddi’
• bod eich cais am ‘amser i hyfforddi’ wedi cael ei ganiatáu
• eich bod wedi cwyno ynglŷn â’r hawl i wneud cais am ‘amser i hyfforddi’

Mae cael eich trin yn annheg yn cynnwys, er enghraifft, eich cyflogwr yn gwrthod rhoi dyrchafiad neu hyfforddiant i chi oherwydd hyn.

Os digwydd hyn, mae’n bosib y bydd gennych hawl i gwyno wrth Dribiwnlys Cyflogaeth.