Gwefan llywodraeth y DU

Y cyfrifiad sylfaenol

I gyfrifo'ch lwfans gwyliau sylfaenol lluoswch nifer y dyddiau yr ydych yn eu gweithio bob wythnos â 5.6. Er enghraifft, os ydych chi'n gweithio pum niwrnod yr wythnos byddai gennych hawl i 28 diwrnod o wyliau'r flwyddyn.

5 diwrnod x 5.6 wythnos = 28 diwrnod

Yn ddifater o’ch patrwm gweithio, mae’r hawl gwyliau isafswm yn cael ei chapio ar 28 diwrnod. Felly, os ydych chi’n gweithio am chwe diwrnod o’r wythnos, bydd yr hawl statudol o 5.6 wythnos yn parhau i fod yn 28 diwrnod.

Efallai y bydd y cyfrifiannell hawl gwyliau sylfaenol sydd ar wefan Business Link yn ddefnyddiol i chi. Mae’n eich galluogi i gyfrifo'r hawl gwyliau statudol ar gyfer blynyddoedd llawn neu rannol yn seiliedig ar y dyddiau neu oriau penodol yr ydych chi’n gweithio.

• Cyfrifo eich hawl gwyliau gan ddefnyddio cyfrifiannell Business Link Opens new window

Gall gwyliau banc a gwyliau cyhoeddus cael eu cynnwys fel rhan o’ch hawl gwyliau 5.6 wythnos isafswm.

Gweithwyr rhan-amser

Os ydych yn weithiwr rhan-amser, bydd gennych chithau'r hawl i 5.6 wythnos o wyliau - 5.6 o'ch wythnos waith arferol. Er enghraifft, os ydych yn gweithio dau ddiwrnod yr wythnos mae gennych hawl i o leiaf 11.2 diwrnod o wyliau:

2 diwrnod x 5.6 wythnos = 11.2 diwrnod

Os ydych chi'n weithiwr rhan-amser, ni ddylech gael eich trin yn llai ffafriol na gweithiwr amser llawn cyfatebol. Golyga hyn bod gofyn i gyflogwyr sy'n rhoi dyddiau ychwanegol o wyliau i weithwyr amser llawn roi dyddiau ychwanegol i weithwyr rhan-amser hefyd.

Os ydych yn weithiwr asiantaeth, mae'n rhaid i'ch asiantaeth adael i chi gymryd eich gwyliau gyda thâl.

• Gweithio rhan amser

Gweithwyr asiantaeth

Os ydych chi’n weithiwr asiantaeth, yr ydych yn gymwys am yr hawl gwyliau isafswm statudol o 5.6 wythnos. Mae’n rhaid i’ch asiantaeth eich gadael chi i gymryd eich gwyliau â thâl.

• Defnyddio asiantaethau cyflogaeth

Patrymau gweithio achlysurol neu oriau afreolaidd

Os ydych chi'n gweithio'n achlysurol neu'n gweithio oriau afreolaidd, efallai mai'r peth hawddaf i'w wneud yw cyfrifo'r hawl gwyliau sy'n cronni yn ôl nifer yr oriau yr ydych yn eu gweithio. Mae'r hawl gwyliau o 5.6 wythnos yn cyfateb i weithio 12.07 y cant o’r oriau yr ydych wedi gweithio. Y ffigwr 12.07 y cant yw:

5.6 wythnos o wyliau, wedi’i rhannu â 46.4 wythnos (sef 52 wythnos – 5.6 wythnos) a’i lluosi â 100 = 12.07 y cant

Rhaid tynnu'r 5.6 wythnos o'r cyfrifiad oherwydd ni fyddech yn bresennol yn ystod y 5.6 wythnos i gronni'r gwyliau blynyddol. Felly petaech wedi gweithio 10 awr, byddai gennych hawl i 72.6 munud o wyliau â thâl:

12.07 y cant x 10 awr = 1.21 awr = 72.6 munud

Mae'r hawl gwyliau ychydig dros saith munud ar gyfer pob awr a weithiwyd.

Gweithwyr sifft

Os ydych chi'n weithiwr sifft cyfrifir eich gwyliau drwy ddefnyddio cyfartaledd eich sifftiau dros gyfnod o 12 wythnos.

Er enghraifft, os ydych bob amser yn gweithio pedair sifft 12 awr ac yn cael pedwar diwrnod i ffwrdd ar ôl gweithio hynny (y patrwm sifftiau 'cyfandirol') mae'r wythnos waith arferol ar gyfartaledd yn tair a hanner o sifftiau 12 awr.

Byddai gennych chi’r hawl i 19.6 sifft o 12 awr o wyliau â thâl y flwyddyn:

5.6 wythnos x 3.5 sifft = 19.6 sifft 12 awr

Ar gyfer patrymau sifft eraill, efallai mai'r peth hawsaf i'w wneud yw cyfrifo yn ôl y patrwm ailadrodd sy'n cael ei ddefnyddio.

• Amser gwaith - cael gwybod beth sy'n cyfrif fel amser gwaith

Gweithwyr amser tymor

Mae’r canllaw ar gyfer gweithwyr amser tymor o dan adolygiad ar hyn o bryd.

Mwy o ddolenni defnyddiol

• Taflen Acas ar wyliau a thâl gwyliau Opens new window

• Cymorth gyda ffeiliau PDF

• Cyngor i'ch cyflogwr ar hawl gwyliau - Business Link Opens new window