Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Pobl anabl - Nodwch, os gwelwch yn dda, na ddiweddarir yr adran hon bellach

Grantiau Cyfleusterau i'r Anabl - cyflwyniad

Grant gan y cyngor lleol yw'r Grant Cyfleusterau i'r Anabl. Fe'i rhoddir i gynorthwyo gyda'r gost o wneud addasiadau i'ch cartref er mwyn i chi allu parhau i fyw yno. Telir y grant pan fo'r cyngor o'r farn bod y newidiadau'n angenrheidiol i ddiwallu'ch anghenion, a bod y gwaith yn rhesymol ac yn ymarferol.

Pwy all gael Grant Cyfleusterau i’r Anabl?

Gallwch hawlio os ydych chi, neu rywun sy'n byw yn eich eiddo, yn anabl ac:

os ydych chi, neu'r person yr ydych yn gwneud cais ar ei ran, naill ai'n berchen ar yr eiddo neu'n denant (gan gynnwys trwyddedigion)
os gallwch dystio eich bod chi, neu'r person yr ydych yn gwneud cais ar ei ran, yn bwriadu byw yn yr eiddo fel eich prif neu eich unig gartref (neu ei brif neu ei unig gartref) drwy gydol cyfnod y grant – pum mlynedd ar hyn o bryd

Gall landlord wneud cais ar ran tenant anabl.

Dim ond yng Nghymru, Lloegr a Gogledd Iwerddon y mae'r Grantiau Cyfleusterau i'r Anabl ar gael. Dylai pobl sy'n byw yn yr Alban gysylltu ag adran gwasanaethau cymdeithasol eu cyngor lleol i gael gwybodaeth am unrhyw grantiau a all fod ar gael.

Grant Cyfleusterau i'r Anabl - gwefan Llywodraeth Cynulliad Cymru Opens new window

Grant Cyfleusterau i'r Anabl - gwefan Gweithrediaeth Dai Gogledd Iwerddon Opens new window

Beth allwch chi ei wneud gyda'r grant hwn

Gellir defnyddio grant i wneud addasiadau er mwyn i chi allu symud yn fwy hwylus o amgylch eich cartref ac i mewn ac allan o'ch cartref a/neu i ddarparu cyfleusterau hanfodol yn y cartref.

Os ydych chi’n anabl, mae'r mathau derbyniol o waith yn cynnwys:

lledu drysau a gosod rampiau
darparu neu wella mynediad i ystafelloedd a chyfleusterau – er enghraifft, gosod lifft ar y grisiau neu ddarparu ystafell ymolchi ar y llawr gwaelod
gwella neu ddarparu system wresogi sy'n addas ar gyfer eich anghenion chi
addasu switshis golau neu reolyddion gwresogi fel eu bod yn haws eu defnyddio
gwella mynediad i'r cartref ac o gwmpas y cartref er mwyn i chi allu gofalu am berson arall sy'n byw yn yr eiddo, er enghraifft plentyn

Bydd therapydd galwedigaethol yn edrych ar eich amgylchiadau ac yn gallu argymell pa fath o addasiadau y mae angen eu gwneud.

Faint allwch chi ei gael

Mae'r swm a gewch fel arfer yn seiliedig ar asesiad ariannol - 'prawf modd' - o'ch incwm wythnosol cyfartalog mewn perthynas â'ch gwariant. Nid oes prawf modd ar gyfer teuluoedd plant anabl sydd dan 19 oed.

Bydd y prawf modd yn ystyried unrhyw gynilion dros derfyn penodol. Bydd rhai budd-daliadau – gan gynnwys Lwfans Byw i'r Anabl a Chymhorthdal Incwm – yn cael eu hanwybyddu fel arfer.

Os oes gennych bartner, bydd incwm y ddau ohonoch yn cael ei asesu ar y cyd. Mae cyfalaf yn cael ei gynnwys yn y prawf modd. Anwybyddir £6,000 cyntaf unrhyw gynilion.

Defnyddir amrediad o bremiymau a lwfansau ar gyfer pob gwariant hanfodol, er enghraifft, rhent/morgais a gwariant personol. Nid yw gwariant gwirioneddol yn cael ei ystyried.

Yn dibynnu ar ganlyniad yr asesiad hwn, gall maint y cymorth ariannol a gynigir amrywio o 0 i 100 y cant o'r gost.

Sut y cyfrifir y dyfarniad

Mae'r dyfarniad yn gweithio fel hyn:

os yw eich incwm yn llai na'ch anghenion asesedig, fel arfer, ni fydd yn rhaid i chi gyfrannu at gost y gwaith
os yw eich incwm yn fwy na'ch anghenion asesedig, defnyddir cyfran o'ch incwm i gyfrifo faint y gallech chi ei gyfrannu at gost y gwaith.
os yw’r swm asesedig hwn yn llai na chost y gwaith, telir y gwahaniaeth rhwng y ddau fel Grant Cyfleusterau i'r Anabl

Uchafswm y grant

Mae uchafswm y grant y mae’n rhaid i gyngor ei dalu yn £25,000 y cais yng Ngogledd Iwerddon, £30,000 yn Lloegr a £36,000 yng Nghymru, llai unrhyw gyfraniad asesedig gennych chi. Os yw cost y gwaith cymwys yn fwy, gall y cyngor ddefnyddio pwerau dewisol i godi'r swm.