Gwefan llywodraeth y DU

Sut i wneud cais

Cysylltwch ag adran tai neu adran iechyd yr amgylchedd eich cyngor lleol a gofynnwch iddynt anfon ffurflen gais atoch.

Rhaid i chi wneud cais am grant cyn i chi ddechrau ar unrhyw waith - ni chewch grant fel arfer os byddwch yn dechrau ar waith cyn i'r cyngor gymeradwyo'r cais.

Rhaid i'r cyngor lleol eich hysbysu o ganlyniad eich cais, drwy lythyr, o fewn chwe mis i ddyddiad y cais.

• Gwneud cais am Grant Cyfleusterau i Bobl Anabl yn eich ardal leol Opens new window

Cymeradwyaeth cynllunio a rheoliadau adeiladu

Fel gydag unrhyw waith adeiladu, bydd angen i chi wneud cais ar wahân am unrhyw gymeradwyaeth sy'n ofynnol o ran caniatâd cynllunio neu reoliadau adeiladu.

Mae’n bwysig sicrhau bod y gwaith yn cael ei wneud yn iawn. Os oes angen gwneud gwaith sylweddol, efallai y bydd y cyngor yn gofyn i chi gyflogi pensaer neu syrfëwr cymwys i gynllunio a goruchwylio'r gwaith. Os cewch grant, gallwch ei ddefnyddio i dalu am eu ffioedd.

Nid oes gan eich cyngor lleol ddim cyfrifoldeb dros safon y gwaith a wneir gan adeiladwr. Os bydd unrhyw broblemau gyda safon y gwaith, bydd yn rhaid i chi ddelio â hwy eich hun. Ceir gair i gall am ddod o hyd i adeiladwyr a phlymwyr da ac ati yn adran cartref a chymuned y wefan hon.

• Atgyweiriadau, rheoliadau adeiladu a chynllunio (adran cartref a chymuned)

Sut mae’r grant yn cael ei dalu?

Weithiau caiff y grant ei dalu mewn rhandaliadau, ac weithiau caiff ei dalu'n llawn ar ôl i'r gwaith gael ei orffen. Efallai y bydd y cyngor yn talu'r contractwr yn uniongyrchol, neu'n rhoi siec i chi ei rhoi iddo. Byddant yn cytuno ar hyn gyda chi ar y dechrau.

Gwneir y taliadau:

Os gwnaethpwyd y gwaith gan yr ymgeisydd neu gan berthynas, dim ond anfonebau am ddeunyddiau neu wasanaethau a brynwyd sy'n dderbyniol.

Sut i apelio

Os gwrthodir Grant Cyfleusterau i'r Anabl i chi, neu os ydych chi'n anhapus gyda'r swm a ddyfarnwyd i chi, gallwch apelio yn erbyn y penderfyniad. Gofynnwch i’ch cyngor lleol am eu trefn gwyno ac apelio.

Os nad ydych yn fodlon â'r canlyniad ar ôl apelio i'r cyngor, gallwch gofrestru'ch cwyn gyda'r Ombwdsmon Llywodraeth Leol.

• Ombwdsmon Llywodraeth Leol Opens new window

Ymholiadau cyffredinol

I wneud cais neu i holi am gais, cysylltwch â'ch cyngor lleol.

• Cynghorau lleol

Am ymholiadau cyffredinol ynghylch Grantiau Cyfleusterau i'r Anabl gallwch gysylltu â'r Adran Cymunedau a Llywodraeth Leol.

Ffôn: 0303 444 3709

E-bost: disabled.facilitiesgrants@communities.gsi.gov.uk

Gallwch hefyd ddod o hyd i fwy o wybodaeth am Grantiau Cyfleusterau i'r Anabl ar wefan yr Adran Cymunedau a Llywodraeth Leol.

• Grant Cyfleusterau i'r Anabl - Gwefan yr Adran Cymunedau a Llywodraeth Leol Opens new window