Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Pobl anabl - Nodwch, os gwelwch yn dda, na ddiweddarir yr adran hon bellach

Cyflwyniad i iechyd meddwl

Gall problemau iechyd meddwl effeithio ar bobl unrhyw bryd ac mewn gwahanol ffyrdd. Gall y problemau hyn gynnwys pryder, iselder, sgitsoffrenia, niweidio'ch hun a demensia.

Pan fydd cyflwr iechyd meddwl yn dod yn 'anabledd'

Os oes gan rywun broblemau iechyd meddwl sy'n effeithio'n hirdymor ar eu gallu i fyw bywyd bob dydd, yna mae'r Ddeddf Gwahaniaethu ar Sail Anabledd yn ystyried hyn yn anabledd.

Diffinnir 'hirdymor' fel anhwylder sydd wedi para, neu'n debygol o bara, o leiaf 12 mis.

Iechyd meddwl a'r Ddeddf Gwahaniaethu ar Sail Anabledd

Eich meddyg lleol (meddyg teulu)

Os ydych chi'n poeni am eich iechyd meddwl, neu am iechyd meddwl ffrind neu berthynas agos, dylech gysylltu â'ch meddyg. Gallan nhw gynnig cyngor i chi neu'ch cyfeirio at wasanaethau arbenigol.

Bydd gan bob meddyg lleol dimau o bobl broffesiynol at eu gwasanaeth a staff cymorth sy'n gallu cynnig amrywiaeth o sgiliau a gwahanol ffyrdd o helpu. Fel arfer, bydd y tîm yn cynnwys:

nyrsys seiciatrig cymunedol
gweithwyr cymdeithasol seiciatrig
seiciatryddion ymgynghorol
seicolegwyr clinigol
therapyddion galwedigaethol

Lle bo angen, bydd y rhain yn cydweithio'n glòs i ddarparu cymorth a gwasanaethau.

Os nad ydych chi'n teimlo'n gyfforddus gyda'ch meddyg, fe ddylech allu:

gofyn am weld meddyg arall yn y feddygfa
gofyn am weld y nyrs yn y feddygfa
cofrestru gyda meddygfa newydd

Cefnogaeth gan bobl eraill

Cyfeillion a pherthnasau

Yn aml iawn, bydd ffrindiau a pherthnasau'n sylwi ar newidiadau ynoch chi ac yn poeni amdanoch, felly fe allai siarad â nhw dawelu eu meddwl nhw a'ch helpu chithau hefyd. Fe allwch chi ofyn i rywun fynd gyda chi i'ch apwyntiad gyda'r meddyg os ydych chi'n poeni am ymweld â'r meddyg ar eich pen eich hun.

Gwasanaethau arbenigol

Mae'n bosib y bydd eich meddyg yn eich cyfeirio at arbenigwr megis seiciatrydd, seicotherapydd, nyrs seiciatrig gymunedol neu gwnselydd. Bydd y bobl broffesiynol hyn yn gweithio gyda chi i'ch helpu i ddod o hyd i ffyrdd o ddelio â'ch problemau.

Os ydych chi dan 18 mlwydd oed

Ceisiwch siarad â'ch rhiant/rhieni neu â rhywun sydd â chyfrifoldeb rhiant drosoch. Gallech hefyd siarad ag athro, gweithiwr ieuenctid neu feddyg neu ffonio ChildLine. Cewch ffonio ChildLine am ddim, a does dim rhaid i chi roi eich enw os nad ydych chi yn dymuno gwneud hynny.

Gwefan Childline Opens new window

Myfyrwyr

Mae'n bosib bod gan eich coleg neu'ch prifysgol gwnselydd y gallech siarad ag ef/hi. Fe allai'r cwnselydd:

gynnig sesiynau cwnsela rheolaidd i chi sôn am eich teimladau
eich cyfeirio at feddyg i gael meddyginiaeth neu wasanaethau arbenigol
eich cynghori am y gwasanaethau addysg eraill a allai helpu, megis siarad â swyddog llety os yw eich amgylchiadau byw'n cyfrannu at eich salwch.

I gael rhagor o wybodaeth, cysylltwch â'ch adran gwasanaethau i fyfyrwyr yn eich coleg neu'ch prifysgol.

Gwasanaeth cymorth cyfrinachol dros y ffôn sy'n cael ei redeg gan fyfyrwyr, ac ar gyfer myfyrwyr yw Nightline. Gallwch ddod o hyd i wybodaeth am wasanaethau Nightline yn eich ardal chi ar wefan genedlaethol Nightline.

Ymweld a gwefan Nightline Cenedlaethol Opens new window

Cefnogaeth yn ystod eich cwrs (adran addysg a dysgu - cyffredinol)

Ffyrdd eraill o gael cymorth a chyngor

Pobl eraill a allai eich helpu yw ymwelwyr iechyd, elusennau a grwpiau hunan-gymorth. Mae tudalen cysylltiadau iechyd meddwl yn rhestru nifer o sefydliadau sy'n cynnig cyngor a gwybodaeth ar faterion amrywiol sy'n ymwneud ag iechyd meddwl.