Gwefan llywodraeth y DU

Y Ddeddf Gwahaniaethu ar sail Anabledd

Os caiff eich salwch meddwl effaith sylweddol, hirdymor er gwaeth ar eich gallu i wneud pethau cyffredin bob dydd, yna, mae'n debyg bod y Ddeddf Gwahaniaethu ar sail Anabledd yn eich gwarchod. Mae'r Ddeddf hon hefyd yn gwarchod pobl sydd wedi bod ag anabledd yn y gorffennol.

Nid yw'r Ddeddf yn cynnig rhestr o'r anhwylderau hyn, ond yn hytrach, mae'n ystyried effeithiau'r anhwylder ar unigolyn.

Er enghraifft, mae'n bosib na fydd pobl sy'n dioddef o ychydig o iselder ac nad yw hynny'n cael effaith fawr arnynt yn dod o dan y Ddeddf, tra bydd pobl ag iselder difrifol a hynny'n effeithio'n sylweddol ar eu bywyd beunyddiol, yn debygol o gael eu hystyried yn bobl anabl dan y Ddeddf.

Bydd llawer o bobl sydd â chyflwr iechyd meddwl yn ei chael hi'n anodd ystyried eu hunain yn 'anabl' - ond mae'n bosib y bydd ganddynt hawliau dan y Ddeddf Gwahaniaethu ar sail Anabledd.

Ceir sawl gwahanol fath o gyflwr iechyd meddwl a all arwain at anabledd, gan gynnwys:

• dementia
• iselder
• anhwylder deubegynol
• anhwylder obsesiynol gorfodol
• sgitsoffrenia
• hunan-niwed

Nid yw hon yn rhestr gyflawn ac mae'r cyflyrau'n amrywio o ran eu difrifoldeb. Mae gan elusen Mind daflenni ffeithiau ar amrywiaeth o gyflyrau iechyd meddwl yn eu cyfres 'Deall'.

• Deall cyflyrau iechyd meddwl - gwefan Mind Opens new window

Beth mae'r Ddeddf Gwahaniaethu ar sail Anabledd yn ei olygu?

Nod y Ddeddf Gwahaniaethu ar sail Anabledd yw rhoi terfyn ar wahaniaethu yn erbyn pobl anabl mewn amrywiaeth o amgylchiadau, gan gynnwys ym maes cyflogaeth, addysg a darparu nwyddau a gwasanaethau. Er enghraifft, os bydd myfyrwraig ag anhwylder personoliaeth yn cael gwrthod lle ar y sail y gallai ei hanabledd olygu ei bod yn tarfu ar bobl eraill, fe allai hyn olygu bod y coleg yn gwahaniaethu'n anghyfreithlon ar sail anabledd, oni ellir cyfiawnhau'r honiad.

• Y Ddeddf Gwahaniaethu ar Sail Anabledd