Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Pobl anabl - Nodwch, os gwelwch yn dda, na ddiweddarir yr adran hon bellach

Asesiadau a chynlluniau gofal yn y gymuned

Os ydych chi wedi cael eich trin fel claf allanol gan y gwasanaethau seiciatrig - sef pan fyddwch chi'n mynd i'r ysbyty i gadw apwyntiad yn unig - gan uned seiciatrig fel claf mewnol - sef pan fyddwch chi'n aros yn yr ysbyty am gyfnod - neu gan dîm iechyd meddwl yn y gymuned, mae'n bosib y cynigir asesiad Dull Rhaglen Gofal i chi.

Asesiad y Dull Rhaglen Gofal

Dull o gydlynu gwasanaethau iechyd cymuned i bobl sydd â phroblemau iechyd meddwl yw hyn. Unwaith y bydd gennych asesiad sy'n esbonio'ch anghenion, mae'n golygu y gall un person gydlynu pob agwedd o'ch gofal. Er enghraifft, gallai hyn gynnwys eich gofal meddygol a chymdeithasol, a'r gwasanaethau cymunedol sydd ar gael i chi. Cydlynydd gofal a fydd yn cynnal yr asesiad. Weithiau, caiff cydlynwyr gofal eu galw'n weithwyr allweddol neu'n rheolwyr achos.

Fe allai'r asesiad gynnwys:

eich hanes personol, gan gynnwys unrhyw driniaeth flaenorol sydd wedi gweithio i chi
eich hanes cymdeithasol, gan gynnwys manylion eich teulu, eich incwm, ydych chi'n gweithio
symptomau eich salwch
am ba mor hir mae'r meddyg yn meddwl y bydd angen triniaeth arnoch, yn enwedig os yw'n debygol o fod yn driniaeth hirdymor
pa anghenion a allai fod gennych - iechyd a chymdeithasol

Y cynllun gofal

Bydd y cydlynydd gofal sy'n gwneud yr asesiad yn ysgrifennu cynllun gofal y byddwch chi'n ei lofnodi wedyn os byddwch chi'n cytuno ag ef. Cewch drafod unrhyw newidiadau yr hoffech eu gwneud.

Bydd y cynllun ysgrifenedig yn cynnwys:

enw'r cydlynydd gofal, bydd y person hwn yn cydlynu gwahanol elfennau'ch gofal
ymhle y gallwch gael help 24 awr y dydd, 365 diwrnod y flwyddyn
beth y dylech chi, eich gofalwr neu'ch cydlynydd gofal ei wneud os bydd eich iechyd meddyliol yn gwaethygu'n gyflym
trefniadau sydd wedi'u gwneud os nad yw eich cydlynydd gofal ar gael neu os nad oes modd dilyn rhan o'r cynllun gofal ar fyr rybudd
trefniadau ar gyfer arolygon rheolaidd gyda'ch cydlynydd gofal

Bydd eich cynllun gofal yn rhoi enw rhywun y gallwch gysylltu â nhw os bydd angen rhywbeth arnoch, a pha un o'r gwasanaethau a gynigir gan y tîm iechyd meddwl cymunedol y gallwch eu defnyddio, a phwy y dylech chi eu gweld.

Os byddwch chi'n cael eich rhyddhau o'r ysbyty, mae'n bosib y byddwch chi'n cael 'cyfarfod cynllunio'r rhyddhau'. Bydd asesiad Dull Rhaglen Gofal ac asesiad gofal yn y gymuned yn cael eu gwneud ar yr un pryd, gan roi sylw i iechyd ac i ofal cymdeithasol.