Gwefan llywodraeth y DU

Materion academaidd

Mae astudio mewn prifysgol neu goleg addysg uwch yn wahanol iawn i fod yn yr ysgol neu mewn addysg bellach.

Gyda llawer o bynciau, bydd disgwyl i chi astudio ar eich pen eich hun y rhan fwyaf o'r amser. Rhaid i chi reoli'ch amser yn dda er mwyn gorffen gwaith mewn pryd, a hefyd bydd angen i chi feithrin sgiliau academaidd ar gyfer tasgau megis ysgrifennu traethodau.

Os byddwch yn cael problemau academaidd, gall eich tiwtor personol roi cyngor i chi. Gall cael help yn ystod cam cynnar yn aml atal problemau bach rhag dod yn fwy anodd eu datrys.

Mae gan y rhan fwyaf o undebau myfyrwyr swyddog lles a fydd yn rhoi cyngor arbenigol i fyfyrwyr ar fwy neu lai unrhyw les neu broblem sy’n ymwneud â’r cwrs. Efallai y bydd gan eich coleg gynllun mentora hyd yn oed, lle gall myfyrwyr mwy profiadol roi arweiniad academaidd i fyfyrwyr newydd.

Problemau iechyd a phroblemau personol

Iechyd

Bydd cyflwr eich iechyd yn effeithio ar eich gallu i astudio. Mae’n bwysig gofalu amdanoch eich hun, bwyta’n dda a gwneud rhywfaint o ymarfer corff.

Wrth gofrestru mewn prifysgol neu goleg, dylech gofrestru gyda meddyg cyn gynted â phosib. Mae gan lawer o gampysau eu gwasanaethau iechyd eu hunain, ac mae gan rai ddeintyddion ac optegwyr hefyd.

Yn ddibynnol ar eich amgylchiadau, efallai y gallwch wneud cais am help gyda chostau meddygol fel presgripsiynau, gwaith deintyddol a sbectol.

Ewch i wefan NHS Choices i gael rhagor o wybodaeth am wasanaethau iechyd a byw'n iach, ac i ddod o hyd i feddygfeydd meddygon teulu, deintyddion, fferyllfeydd (cemists), ysbytai a chanolfannau galw i mewn yn eich ardal chi.

Gallwch hefyd gysylltu ag NHS Direct i gael gwybodaeth a chyngor ar iechyd.

• NHS Direct : 0845 4647

• Iechyd myfyriwr – gwybodaeth gan NHS Choices Opens new window

• Cymorth gyda chostau gofal iechyd : cwestiynau cyffredin gan fyfyrwyr Opens new window

Problemau personol

Mae gwefan NUS (Undeb Cenedlaethol y Myfyrwyr) yn cynnwys cyngor am ddelio â hiraeth a phroblemau cyffredin eraill i fyfyrwyr newydd.

Bydd gan eich prifysgol neu goleg wasanaeth cwnsela ar gael. Bydd rhai hefyd yn cynnig ‘Nawdd Nos’ y tu allan i oriau arferol – gwasanaeth gwybodaeth, cymorth emosiynol a gwrando sy’n cael ei rhedeg gan fyfyrwyr i fyfyrwyr. Neu gallwch ffonio neu e-bostio sefydliadau megis y Samariaid, sy’n cynnig cefnogaeth emosiynol 24 awr y dydd.

• Y Samariaid: 08457 90 90 90

Gallwch hefyd ollwng stêm ar fforymau ar-lein megis The Student Room, neu efallai fod undeb myfyrwyr eich prifysgol yn darparu gwasanaeth tebyg drwy eu gwefan.

• Glasfyfyrwyr ac ymgartrefu: cyngor gan NUS Opens new window

• Dod o hyd i’ch Nawdd Nos Opens new window

• Ymweld â'r Samariaid ar-lein Opens new window

• The Student Room Opens new window

Diogelwch a gwarchodaeth

Diogelwch personol

Byddwch yn ymwybodol o’ch diogelwch eich hun, yn enwedig os ydych yn byw yng nghanol dinas. Os ydych yn bryderus, mae camau y gallwch eu cymryd. Er enghraifft, mae’r rhan fwyaf o brifysgolion a cholegau yn cynnig dosbarthiadau hunanamddiffyniad neu’n rhoi larymau personol i bobl.

Dylech hefyd edrych ar yr amrywiaeth o gyfleusterau a gwasanaethau (er enghraifft, cludiant bws mini yn hwyr yn y nos) a gynigir gan eich undeb myfyrwyr lleol.

Diogelwch a sicrwydd tai

Mae llety myfyrwyr yn darged poblogaidd i ladron. Mae hyn yn wir am dai sy’n berchen i brifysgolion a thai sy’n cael eu rhentu’n breifat.

Sicrhewch fod cloeon priodol ar ddrysau a ffenestri. Mae digon o gyngor ar ddiogelwch yn y cartref ar gael ar-lein.

Os ydych yn rhentu’n breifat, sicrhewch fod gan eich cyfarpar nwy dystysgrifau diogelwch dilys, a bod yr holl ddodrefn yn bodloni rheoliadau iechyd a diogelwch.

Hefyd sicrhewch fod larymau mwg yn yr adeilad ac y caiff y batris eu profi'n rheolaidd.

• Cael gwybod am ddiogelwch yn y cartref Opens new window

• Gosod nwy yn y cartref ac iechyd a diogelwch (adran cartref a chymuned)

• Ymgyrch Mae Tân yn Lladd - cyngor am ddiogelwch tân Opens new window

Gofal plant

Mae’r rhan fwyaf o brifysgolion a cholegau yn cynnig rhyw fath o ddarpariaeth gofal plant. Gall y rhain gynnwys creches, clybiau y tu allan i oriau’r ysgol, llyfrgelloedd teganau a chynlluniau chwarae yn ystod y gwyliau. Cysylltwch â’ch prifysgol neu’ch coleg i gael rhagor o wybodaeth.

Dod o hyd i ddarparwr gofal plant

Dilynwch y ddolen isod o ddod o hyd i wasanaeth gofal plant yn eich ardal leol, yn cynnwys gwarchodwyr plant, meithrinfeydd, grwpiau chwarae a chynlluniau chwarae.

• Dod o hyd i ysgolion, gofal plant a meithrinfeydd

Cymorth ariannol i fyfyrwyr â phlant

Os ydych yn fyfyriwr llawn amser gyda phlant dibynnol, efallai y gallwch gael cymorth ariannol ychwanegol ar ben unrhyw Fenthyciadau Myfyrwyr, grantiau a bwrsarïau yr ydych yn eu cael.

Myfyrwyr gydag anableddau

Mae colegau a phrifysgolion wedi dod yn fwyfwy ymwybodol o anghenion myfyrwyr gydag anableddau, ac mae ganddynt ddyletswydd i hyrwyddo cydraddoldeb anabledd.

Mae gan lawer ohonynt wasanaethau cefnogi arbenigol er mwyn helpu i ddiwallu anghenion myfyrwyr anabl ym mhob maes o fywyd prifysgol neu goleg. Efallai y byddwch yn gymwys i gael cymorth ariannol ychwanegol os oes gennych anabledd neu anhawster dysgu penodol, megis dyslecsia.

Dilynwch y dolenni isod i gael rhagor o wybodaeth am yr hyn y gallwch ei ddisgwyl.

• Addysg uwch (adran pobl anabl)

• Cymorth ariannol ychwanegol ar gyfer myfyrwyr anabl (adran pobl anabl)

Cyfuno astudio gyda gwaith

Mae llawer o fyfyrwyr yn gweithio rhan-amser i gefnogi eu hunain tra eu bod yn astudio. Mae eraill yn dewis dysgu hyblyg fel y gallant roi amser i astudio o gwmpas swydd lawn amser.

Wrth ystyried pa gyrsiau rydych am wneud cais ar eu cyfer, byddai'n ddefnyddiol ymchwilio i weld a ellir eu cyflawni drwy ddysgu hyblyg.

• Dod o hyd i gwrs Opens new window

• Gweithio tra’r ydych yn astudio: talu treth