Gwefan llywodraeth y DU

Problem sbwriel ar ochr y ffordd

Gall sbwriel ar y ffyrdd fod yn broblem ddifrifol. Gall wneud y canlynol:

• niweidio neu anafu bywyd gwyllt yn yr ardal
• blocio draeniau
• achosi damweiniau

Os byddwch yn taflu sbwriel o gar, gallai achosi damwain drwy:

• daro ffenestr flaen cerbyd
• peri i yrrwr y tu ôl i chi wyro i’w osgoi

Gall clirio sbwriel oddi ar draffyrdd a ffyrdd prysur fod yn waith peryglus. Mae hefyd yn costio arian y gallai fod yn cael ei wario ar gynnal a chadw arwyneb y ffordd ac ar waith trwsio strwythurol.

Pwy sy’n gyfrifol am gadw'r ffyrdd yn glir

Cyfrifoldeb yr Asiantaeth Priffyrdd yw casglu sbwriel ar draffyrdd yn Lloegr. Cynghorau lleol sy’n gyfrifol am glirio sbwriel ar y rhan fwyaf o gefnffyrdd o bob math.

Yng Nghymru, cyfrifoldeb Cyfarwyddiaeth Trafnidiaeth Cynulliad Cymru yw hyn. Transport Scotland sy'n gwneud hyn yn yr Alban.

Ar ffordd breifat neu ar dir preifat, cyfrifoldeb perchennog y tir yw'r sbwriel.

Beth allwch chi ei wneud i helpu

Rhoi gwybod am sbwriel ar strydoedd lleol

Os byddwch chi’n sylwi ar sbwriel sy’n salw neu a allai beri perygl ar eich strydoedd lleol, dylech gysylltu â’ch cyngor lleol. Mae’r ddolen isod yn eich galluogi i roi gwybod am broblem sbwriel i'ch awdurdod lleol, ar sail y cyfeiriad y byddwch yn ei roi.

Rhoi gwybod am sbwriel neu falurion ar draffyrdd a chefnffyrdd

Gall sbwriel neu falurion fod yn arbennig o beryglus ar y ffyrdd hyn gan fod gyrwyr yn debygol o fod yn gyrru’n gyflym ac y byddai’n rhaid iddynt, o bosib, sgidio neu wyro i’w osgoi. Os byddwch yn gweld sbwriel rydych chi’n meddwl y gallai beri perygl, dylech roi gwybod amdano i’r awdurdod priffyrdd perthnasol gan ddefnyddio’r rhifau isod:

• yn Lloegr ffoniwch llinell wybodaeth yr Asiantaeth Priffyrdd ar 08457 50 40 30
• yn yr Alban ffoniwch llinell gofal cwsmeriaid Transport Scotland ar 0800 028 1414
• yng Nghymru ffoniwch llinell gymorth Traffig Cymru ar 0845 602 6020

Mae’r llinellau ar agor 24 awr y dydd.

Cofiwch beidio â defnyddio’ch ffôn symudol wrth yrru. Gofynnwch i deithiwr ffonio, neu arhoswch nes y gallwch stopio mewn man diogel.

Mwy o ddolenni defnyddiol

• Glanhau strydoedd (adran cartref a chymuned)

• Rhoi gwybod am gerbydau sydd wedi'u gadael (adran cartref a chymuned)