Gwefan llywodraeth y DU

Tâl Atal Tagfeydd Llundain ganolog

Sut mae Tâl Atal Tagfeydd Llundain ganolog yn gweithio

Mae Tâl Atal Tagfeydd Llundain ganolog yn cael ei redeg gan Transport for London (TfL). Fe'i gweithredir o ddydd Llun i ddydd Gwener rhwng 7.00 am a 6.00 pm, ac eithrio gwyliau cyhoeddus.

Dyma’r gost ddyddiol:

• £10 os byddwch yn talu cyn hanner nos ar y diwrnod yr ydych yn bwriadu teithio
• £12 os byddwch yn talu cyn hanner nos ar y diwrnod talu canlynol – drwy ddefnyddio’r ganolfan alw neu’r wefan yn unig
• 9 os ydych wedi cofrestru ar gyfer y system talu wedi’i hawtomeiddio Congestion Charging Auto Pay

• Cofrestru gyda Congestion Charging Auto Pay (TfL) Opens new window

Y parth lle codir tâl

Mae'r parth y mae'n rhaid talu i deithio ynddo yn cynnwys canol Llundain. Ni chodir tâl arnoch bellach am yrru yn yr ‘estyniad deheuol’.

Mae'r parthau lle gweithredir y tâl atal tagfeydd wedi eu nodi'n glir, ac mae arwyddion i'w gweld ar yr holl ffyrdd sy'n arwain at y parthau hynny a'r ffyrdd sy'n mynd oddi wrthynt. Ar wefan TfL gellir gweld manylion ardaloedd y tâl atal tagfeydd a'r amseroedd pan fydd y tâl yn weithredol.

• Ble mae'r Tâl Atal Tagfeydd ar waith Opens new window

• Deall arwyddion ffyrdd y Tâl Atal Tagfeydd Opens new window

Taliadau cosb

Y gosb am beidio â thalu Tâl Atal Tagfeydd Llundain yw £120, ond bydd hyn yn cael ei ostwng i £60 os byddwch yn talu o fewn 14 diwrnod. Os na fyddwch yn talu'r gosb ariannol o fewn 28 diwrnod bydd yn codi i £180.

Arian i ffwrdd ac eithriadau

Nid oes rhaid i bob gyrrwr dalu Tâl Atal Tagfeydd Llundain. Caiff rhai pobl a rhai mathau o gerbydau eu heithrio rhag gorfod talu, neu gallant gael disgownt. Gallech fod yn gymwys i gael disgownt:

• Mwy am arian i ffwrdd ac eithriadau Opens new window

• Cofrestru ar gyfer disgownt neu ar gyfer eithrio ar wefan TfL Opens new window

• Y cynllun parcio Bathodyn Glas (adran pobl anabl)

Gwneud cais am ad-daliad

Os byddwch chi’n talu Tâl Atal Tagfeydd Llundain am flwyddyn ymlaen llaw, ac yna'n gwerthu'ch cerbyd, gallwch hawlio ad-daliad ar gyfer y dyddiau na wnaethoch eu defnyddio.

• Sut i gael ad-daliad Opens new window

Cynllun codi tâl am ddefnyddio ffyrdd yn Durham

Yn 2001, cyflwynodd Durham gynllun codi tâl am ddefnyddio ffyrdd er mwyn rheoli traffig ar strydoedd gorynys Durham.

Gweithredir y tâl o £2 rhwng 10.00 am a 4.00 pm o ddydd Llun i ddydd Sadwrn. Rhaid i yrwyr dalu'r tâl yn y peiriant talu cyn gadael yr ardal. Mae'r peiriant talu hefyd yn derbyn trwyddedau eithrio ar gyfer preswylwyr, trafnidiaeth gyhoeddus a cherbydau argyfwng.

Gall gyrwyr anabl archebu trwydded ymlaen llaw drwy gysylltu â Siop barcio'r NCP ar 0191 384 6633, gyhyd â'u bod wedi trefnu man parcio ymlaen llaw.

Y gosb am beidio â thalu'r tâl yw £30.

Gellir cael manylion pellach ar wefan Cyngor Sir Durham.

• Ymweld â gwefan Cyngor Sir Durham Opens new window

Mwy o ddolenni defnyddiol

• Ceir mwy gwyrdd a gyrru

• Cynllunio’ch siwrnai

Cysylltiadau defnyddiol

• Yr Adran Drafnidiaeth

• Transport for London (TfL)