Gwefan llywodraeth y DU

Gwybod y peryglon

Mae peryglon ynghlwm wrth gludo anifeiliaid. Os bydd eich cerbyd yn torri i lawr neu os cewch chi ddamwain, gallech achosi oedi hir, yn enwedig os bydd problemau gyda’ch yswiriant achub cerbydau.

Petai eich anifeiliaid yn dianc o’r cerbyd ac yn dychryn, gallent ruthro i’r ffordd ac achosi damwain ddifrifol.

Gallwch leihau'r peryglon hyn drwy gynllunio'n ofalus a dilyn y canllawiau isod.

Gwnewch yn siŵr eich bod yn ffit i dynnu cerbyd

Os ydych chi'n tynnu ôl-gerbyd da byw/ceffylau neu fen rydd (loosebox) yn hytrach na fan geffylau ar ffurf lori, dylech wneud y canlynol:

• darllen y cyngor diogelwch cyffredinol ynghylch ‘Tynnu carafán neu ôl-gerbyd’
• gwneud yn siŵr bod y drwydded yrru briodol gennych ar gyfer y pwysau y mae angen i chi ei dynnu (mae'r manylion i’w gweld yn ‘Tynnu carafán neu ôl-gerbyd’)
• dilyn yr awgrymiadau ychwanegol yn yr adran hon

• Tynnu carafán neu ôl-gerbyd

Efallai yr hoffech hefyd wylio ffilm ddiogelwch ‘Fit to Tow’ yr Asiantaeth Priffyrdd – dilynwch y ddolen isod. Gallwch hefyd lwytho rhestr wirio Fit to Tow isod. Gallwch archebu copi o’r DVD Fit to Tow drwy Linell Wybodaeth yr Asiantaeth Priffyrdd ar 0300 123 5000.

• Gwylio’r ffilm Fit to Tow (Yr Asiantaeth Priffyrdd) Opens new window

• Download ‘Are you fit to tow checklist’ (PDF, 81K)

• Cymorth gyda ffeiliau PDF

Cyn cychwyn

Darllenwch eich yswiriant achub cerbydau ar ochr y ffordd

Os nad ydych wedi’ch diogelu’n llawn i gludo anifail, gallech gael bil ar gyfer trefnu stabl i'r anifail petai eich cerbyd yn torri i lawr. Mae broceriaid yswiriant arbenigol ar gael sy'n cynnig cynlluniau torri i lawr ar gyfer ôl-gerbydau da byw/fan geffylau. Gallwch ddod o hyd iddynt drwy roi’r ymadrodd ‘equine insurance brokers’ neu ‘livestock insurance brokers’ mewn peiriant chwilio safonol.

Byddwch yn barod

Ceisiwch gael eich anifail i arfer â theithio drwy fynd ar ambell daith fer yn yr ôl-gerbyd cyn cychwyn ar siwrnai hir.

Cynlluniwch eich siwrnai a chadw llygad ar yr wybodaeth ddiweddaraf am draffig er mwyn osgoi cyfnodau hir o oedi.

• Cynllunio'ch siwrnai

Yn ogystal â'r pecyn argyfwng cyffredin, gwnewch yn siŵr fod gennych y canlynol:

• digon o wair neu fwyd a dŵr rhag ofn y gwnaiff eich cerbyd dorri i lawr neu y byddwch yn wynebu oedi
• rhif ffôn eich milfeddyg rhag ofn y bydd angen cyngor arnoch

Os ydych yn cludo ceffyl, dylech fynd â’r canlynol gyda chi hefyd:

• siaced farchogaeth adlewyrchol
• côt gynnes ar gyfer y ceffyl os ydych yn teithio mewn tywydd oer

Cadw eich ceffyl yn ddiogel ac yn gyfforddus

Os ydych yn cludo ceffyl, gwnewch yn siŵr ei fod wedi'i ffrwyno a bod ganddo rwymau neu esgidiau sy'n ei ffitio'n dda. Sylwer nad yw hyn yn addas o bosib ar gyfer ebolion neu stoc heb eu trin.

Os bydd eich cerbyd yn torri i lawr

Peidiwch â thynnu’ch anifail o'r cerbyd. Ceisiwch gadw'r anifail mor ddigynnwrf a chyfforddus â phosib a gwneud yn siŵr bod ganddo ddigon o aer. Mewn ôl-gerbyd, dylech agor drws y gwas os nad yw’n wynebu’r traffig ac y gallwch wneud hynny’n ddiogel. Mewn lori, dylech aros gyda'r anifail os yw’n bosib.

Mwy o wybodaeth

Os hoffech gael gwybodaeth fanwl am dynnu cerbydau, gallwch lwytho copi o gylchgrawn ‘Hitched’ yr Asiantaeth Priffyrdd drwy ddilyn y ddolen isod.

Mae fersiwn copi caled ar gael hefyd sy’n cynnwys atlas ffyrdd y DU. Gallwch archebu copi drwy ffonio Llinell Wybodaeth yr Asiantaeth Priffyrdd ar 0300 123 5000 neu anfon e-bost at

ha_info@highways.gsi.gov.uk

• Download cylchgrawn ‘Hitched’ (PDF, 2859K)

• Cymorth gyda ffeiliau PDF

Mwy o ddolenni defnyddiol

• Bod yn berchen ar geffyl (adran cartref a chymuned)

• Gwybodaeth gan yr RSPCA ynghylch gofalu am ferlod a cheffylau Opens new window

Cysylltiadau defnyddiol

• Yr Adran Drafnidiaeth

• Adran Drafnidiaeth Llundain