Gwefan llywodraeth y DU

Mathau o gynlluniau tocynnau lleol

Yn dibynnu ar ble rydych yn byw yn y DU, gallwch brynu nifer o wahanol fathau o docynnau bws a bws moethus. Gallai'r rhain gynnwys tocynnau ar gyfer teithiau unigol i gardiau diwrnod, wythnos a mis, yn ogystal â chardiau i fyfyrwyr neu gardiau i bobl dros 60.

Tocynnau bws a thrên cyfunol (Plusbus)

Os bydd eich taith yn cynnwys teithio ar fws a thrên, efallai y gallech brynu un tocyn cyfunol ac arbed arian. System docynnau integredig o drên i fws yw Plusbus. Gall bobl sy’n teithio ar drên i 270 o drefi a dinasoedd ar draws Prydain ychwanegu teithio’n ddiderfyn ac yn rhad ar fws o amgylch pwynt cychwyn neu gyrchfan eu taith trên. Mae dalwyr cerdyn trên yn cael gostyngiad o draean oddi ar brisiau tocynnau Plusbus yn ystod y dydd.

• Gwybodaeth ynghylch tocynnau Plusbus Opens new window

• Consesiynau teithio ar y rheilffyrdd (cardiau trên)

Dod o hyd i'ch gwasanaeth bws lleol

Gallwch ddod o hyd i'ch gwasanaeth bws agosaf pan fyddwch yn cynllunio'ch siwrnai gan ddefnyddio'r cynlluniwr siwrnai ar-lein.

• Cynlluniwr siwrnai Opens new window

Osgoi cael tocyn teithio cosb yn Llundain

Yng nghanol Llundain, mae'n rhaid i chi brynu'ch tocynnau o beiriannau mewn arosfannau bysiau cyn i chi fynd ar y bws. Oni fyddwch yn prynu tocyn dilys, mae'n bosibl y byddwch yn cael tocyn cosb neu orfod rhoi eich manylion cyswllt ar gyfer cael dirwy bosibl.

Ceir gwybodaeth ynghylch pob gwasanaeth drafnidiaeth gyhoeddus yng nghanol Llundain ar wefan Transport for London (TfL).

• Tocynnau a phrisiau yn Llundain Opens new window

Llogi bws moethus

Mae rhai cwmnïau'n llogi bysiau moethus ar gyfer defnydd preifat. Gallwch chwilio ar wefan Urdd Cwmnïau Bysiau Moethus Prydain am gwmnïau bysiau moethus.

• Urdd Cwmnïau Bysiau Moethus Prydain Opens new window

Bysiau cymunedol/bysiau mini

Ceir nifer o gynlluniau bws sy'n cael eu rhedeg gan fudiadau gwirfoddol neu ddi-elw ac sy'n helpu pobl i deithio yn rhad ac yn hwylus. Mae ganddynt hawlenni arbennig sy'n golygu nad oes rhaid iddynt lynu wrth lawer o'r rheolau cerbydau gwasanaeth cyhoeddus arferol. Ceir manylion ar sut y gellir cael hawlen drwy ddilyn y ddolen isod.

Gallwch gysylltu â'ch cyngor lleol am fwy o wybodaeth am fysiau cymunedol yn eich ardal.

• Hawlenni bysiau mini a bysiau cymunedol (adran moduro)

• Dod o hyd i’ch cyngor lleol

Mwy o ddolenni defnyddiol

• Gostyngiadau teithio i bobl ifanc

• Trafnidiaeth gyhoeddus a chymunedol i deithwyr anabl

Cysylltiadau defnyddiol

• Y Corff Apeliadau Bysiau Opens new window

• London Travelwatch Opens new window

• Cyngor Defnyddwyr Gogledd Iwerddon Opens new window

• Mwy am 'Passengers' View' - yr Alban Opens new window