Gwefan llywodraeth y DU

Yr hyn y gall eich cyngor ei wneud

Eich cyngor sydd fel arfer yn gyfrifol am ddiogelu'r cyhoedd drwy sicrhau bod palmentydd yn glir o rwystrau y gellir baglu drostynt ac unrhyw ddiffygion eraill. Mae hyn yn cynnwys cael gwared â chwyn, adnewyddu slabiau sydd wedi malu neu wedi cael eu dwyn, graeanu pan fydd y tywydd yn rhewllyd a chlirio eira oddi ar balmentydd.

Ond nid yw'r cyngor yn gyfrifol am gynnal a chadw stryd breifat. Stryd breifat yw stryd nad yw'n cael ei chynnal a'i chadw gan y cyngor. Perchnogion y stryd, sef y sawl sy'n byw ar y stryd fel arfer, sy'n ysgwyddo'r cyfrifoldeb dros strydoedd preifat. Fodd bynnag, os yw problem yn cael ei hystyried yn 'beryglus' (er enghraifft, twll dwfn yn ymddangos yn ddisymwth yn y ffordd) gall y cyngor drefnu i wneud y lle'n ddiogel drwy osod rhwystrau neu gau ffyrdd o amgylch y man peryglus. Er hyn, y perchennog/perchnogion fydd wedyn yn gyfrifol am drefnu bod y gwaith trwsio parhaol yn cael ei wneud.

Rhoi gwybod am balmentydd sydd wedi'u difrodi

Gall palmentydd neu lwybrau troed gael eu difrodi wrth i gwmnïau'r prif gyfleusterau, megis nwy neu ffôn, wneud gwaith gerllaw. Y cwmnïau hyn sy'n gyfrifol am ddarparu llwybr diogel i gerddwyr ac unrhyw draffig arall i basio. Hefyd, nhw sy'n gyfrifol am sicrhau bod y palmant yn cael ei adael mewn cyflwr da pan fydd y gwaith wedi dod i ben.

Gallwch roi gwybod i'ch cyngor lleol am balmentydd sydd wedi'u difrodi, wedi torri neu sydd ar goll drwy glicio ar y dolenni isod.

• Rhoi gwybod am broblem gyda phalmant Opens new window

• Cael gwybod am anafiadau personol a achoswyd gan ddifrod i ffyrdd a phalmentydd a/neu rwystrau arnynt Opens new window

• Rhoi gwybod am anafiadau personol a achoswyd gan ddifrod i ffyrdd a phalmentydd a/neu rwystrau arnynt Opens new window

Mathau o rwystrau

Gall rhwystrau fod yn niwsans i gerddwyr a gallant fod yn un o'r canlynol:

Os dowch ar draws unrhyw un o'r rhwystrau uchod ac y byddech yn hoffi rhoi gwybod amdano, cysylltwch â'ch cyngor lleol. Bydd y ddolen isod yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael mwy o wybodaeth.

• Rhoi gwybod am rwystr ar balmant Opens new window

Gofyn am raeanu ffordd a chlirio eira

Gallwch ofyn i'ch cyngor lleol raeanu palmentydd a chlirio eira mewn tywydd gaeafol. Bydd y dolenni isod yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael mwy o wybodaeth.

• Cael gwybod am raeanu ffyrdd Opens new window

• Gofyn am raeanu ffordd Opens new window

• Cael gwybod am y gwasanaeth clirio eira Opens new window

• Gofyn am glirio eira Opens new window

Cael y cyngor i fabwysiadu stryd breifat

Os ydych chi'n byw ar stryd breifat a'ch bod yn dymuno i'r cyngor ysgwyddo cyfrifoldeb dros ei chynnal a'i chadw, gallwch wneud cais i'r cyngor fabwysiadu'r ffordd. Er mwyn i stryd fod yn gymwys i gael ei mabwysiadu bydd gofyn ei bod wedi'i hadeiladu i'r safonau teilwng a bennwyd gan y cyngor. Rhaid i berchennog neu berchnogion y stryd fod yn gyfrifol yn y lle cyntaf am y costau adeiladu fel bo'r stryd yn bodloni'r safonau cywir.

• Cael gwybod sut i gael y cyngor i fabwysiadu ffordd Opens new window

• Gwneud cais i'r cyngor fabwysiadu ffordd Opens new window