Gwefan llywodraeth y DU

Sut mae cael gwybodaeth am amserlenni a phris tocyn trên

Gallwch gael gwybodaeth am amseroedd trên neu am bris tocynnau gwasanaethau ledled Prydain Fawr drwy:

• ffonio Ymholiadau National Rail ar 08457 48 49 50 – ar gael 24 awr y dydd, saith diwrnod yr wythnos
• edrych ar wefan Ymholiadau National Rail neu ddefnyddio cynlluniwr taith Cross & Stitch
• cysylltu â'r cwmni trên

• Amserau trên a thocynnau – Ymholiadau National Rail Opens new window

• Llwybrau trên ac amserlenni – Cynlluniwr Taith Cross & Stitch Opens new window

• Rhestr o gwmnïau gweithredu trenau – National Rail Opens new window

Dewis eich tocyn

Ceir chwe phrif fath o docyn, er ei bod yn bosib nad yw pob un o'r rhain yn cael eu cynnig ar gyfer pob siwrnai:

• unrhyw adeg
• adegau tawel
• adegau tawel – uwch (super off-peak)
• ymlaen llaw
• tymor (bob wythnos, bob mis neu am unrhyw gyfnod mwy na hynny hyd at flwyddyn)

Caiff dau blentyn dan bump oed deithio am ddim ar eich tocyn chi. Os ydych chi'n teithio gyda mwy na dau blentyn neu blant rhwng 5 ac 16 oed, bydd angen i bob un ohonynt gael tocyn cyfradd plant.

Fel arfer, gallwch arbed arian ar eich tocynnau drwy wneud y canlynol:

• archebu tocyn ymlaen llaw
• teithio ar adegau nad ydynt yn oriau brig

Mae'n bosib y bydd modd i chi hefyd gael disgownt ar eich tocyn os ydych chi'n teithio mewn grŵp sy'n cynnwys tri oedolyn neu ragor.

• Mathau o docynnau – Ymholiadau National Rail Opens new window

Tocynnau hawl i deithio

Mae gan ambell orsaf nad oes ganddynt beiriant tocynnau na swyddfa docynnau beiriant 'tocynnau hawl i deithio'. Gallwch brynu tocyn hawl i deithio, drwy ddefnyddio arian mân yn unig, ac yna mynd ar y trên. Byddwch yn talu unrhyw arian ychwanegol yn nes ymlaen ar y daith. Mae tocyn hawl i deithio yn ddilys am ddwy awr.

Os ydych chi'n teithio o orsafoedd llai lle na allwch brynu tocynnau, efallai y bydd modd i chi dalu ar y trên. Edrychwch yn yr orsaf am hysbysiadau sy'n rhoi gwybodaeth am hyn.

Tocynnau trên a bws (Plusbus)

Os ydych chi'n bwriadu teithio ar drên ac ar fws, mae'n bosib y bydd modd i chi arbed arian drwy brynu un tocyn ar gyfer y ddau, drwy ddefnyddio Plusbus. Gyda Plusbus, gallwch deithio faint fynnwch o amgylch y trefi ar y naill ben a'r llall i'ch taith ar y trên, gan gynnwys teithiau i'r orsaf drenau ac oddi yno.

• Gwybodaeth am docynnau Plusbus Opens new window

Cardiau Trên – consesiynau ar deithio ar drenau

Gallwch arbed hyd at draean ar y rhan fwyaf o docynnau trên os byddwch yn prynu Cerdyn Trên. Gyda rhai Cardiau Trên, ceir cyfyngiadau o ran amser a phrisiau. Holwch cyn prynu'r Cerdyn Trên neu cyn ei ddefnyddio i brynu unrhyw docynnau eraill.

Yn ogystal â'r Cardiau Trên a restrir isod, ceir ystod eang o Gardiau Trên lleol a rhanbarthol eraill sy'n rhoi gostyngiadau sylweddol. Gallwch hefyd gael tocyn 'Ranger' neu 'Rover' sy'n eich galluogi i deithio ar ddiwrnodau arbennig mewn ardaloedd penodol. Mae gostyngiadau Cerdyn Trên yn ddilys ar y tocynnau hyn hefyd.

• Tocynnau 'Ranger' a 'Rover' – National Rail Opens new window

Cerdyn trên 16-25

Mae'r Cerdyn Trên hwn yn costio £26, ac mae ar gyfer y rheini sydd rhwng 16 a 25 oed a'r rheini sydd dros 26 oed ac mewn addysg amser llawn. Ceir fersiwn tair blynedd, sydd ar gael ar-lein yn unig, sy'n costio £65.

• Cerdyn Trên 16-25 (adran pobl ifanc)

Cerdyn Trên i Bobl Anabl

Os ydych chi'n anabl, gallech ddefnyddio Cerdyn Trên i Bobl Anabl i gael disgownt ar y rhan fwyaf o docynnau safonol neu ddosbarth cyntaf ar eich cyfer chi a chyfaill i chi. Mae cerdyn blwyddyn yn costio £18 a cherdyn tair blynedd yn costio £48.

• Cerdyn Trên i Bobl Anabl (adran pobl anabl)

Cerdyn Trên i Bobl Hŷn

Mae Cerdyn Trên i Bobl Hŷn (ar gyfer pobl 60 oed a hŷn) yn costio £26 am flwyddyn a £65 am dair blynedd (ar-lein yn unig).

• Cerdyn Trên i Bobl Hŷn (adran pensiynau a chynllunio ar gyfer ymddeol)

Cerdyn Trên Rhwydwaith

Os ydych chi'n teithio ar y trên yn ne ddwyrain Lloegr er mwynhad, gallwch brynu Cerdyn Trên Rhwydwaith am £25. Mae'r Cerdyn Trên hwn yn rhoi traean i ffwrdd oddi ar y rhan fwyaf o docynnau trên oedolion safonol. Os oes hyd at dri oedolyn yn teithio gyda chi, byddan nhw hefyd yn cael traean oddi ar bris eu tocynnau. Gallwch hefyd deithio gyda phedwar plentyn (rhwng 5 a 15 oed) ac arbed 81 y cant ar bris tocyn bob plentyn.

• Cerdyn Trên Rhwydwaith Opens new window

Cerdyn Trên Teulu a Ffrindiau

Gall unrhyw un brynu Cerdyn Trên Teulu a Ffrindiau – y pris yw £26 am flwyddyn neu £65 am dair blynedd (ar-lein yn unig). Gyda'r Cerdyn Trên hwn, gallwch arbed traean ar bris eich tocyn os ydych chi'n teithio gydag o leiaf un plentyn sydd dan 15 oed. Gall hyd at dri oedolyn arall a thri phlentyn arall deithio gyda deiliad y cerdyn a'r plentyn cyntaf. Bydd pris tocyn bob plentyn yn gostwng 81 y cant.

• Cerdyn Trên Teulu a Ffrindiau Opens new window

Cerdyn Trên Lluoedd EM

Mae'r rheini sy'n aelodau gweithredol o'r lluoedd, eu gwŷr/gwragedd a'u plant dibynnol yn gymwys i gael disgownt ar bris tocynnau trên gyda Cherdyn Trên Lluoedd EM, sy'n costio £15.

• Cerdyn Trên i'r Lluoedd Opens new window

Mwy o ddolenni defnyddiol

• Cwynion am bris uchel tocynnau trên neu gost parcio car mewn gorsafoedd

• Teithio ar drên (adran pobl anabl)

Cysylltiadau defnyddiol

• Yr Adran Drafnidiaeth – cysylltiadau polisi rheilffyrdd Opens new window

• Passenger Focus Opens new window

• London Travelwatch Opens new window

• Heddlu Trafnidiaeth Prydain Opens new window

• Swyddfa Rheoleiddio’r Rheilffyrdd Opens new window

• Cangen Ymchwilio i Ddamweiniau Rheilffyrdd (RAIB) Opens new window